ملک بھر کی موٹر ویز کے اطراف پھل دار درخت اور شجر کاری کا فیصلہ
اشاعت کی تاریخ: 15th, May 2025 GMT
اسلام آباد(نیوز ڈیسک)موسمیاتی تبدیلی کے منفی اثرات سے محفوظ رہنے کے لیے پاکستان بھر کی موٹر ویز کے اطراف پھل دار درخت اور شجرکاری کا فیصلہ کیا گیا ہے۔
موسمیاتی تبدیلی نے دنیا بھر کو متاثر کیا ہے اور پاکستان اس سے شدید طور پر متاثر ہونے والے ممالک میں شامل ہے۔ ہر گزرتے سال کے ساتھ بڑھتی گرمی، کہیں غیر معمولی بارشیں تو کہیں خشک سالی سے انسانی زندگی بہت متاثر ہو رہی ہے۔
حکومت نے موسمیاتی تبدیلی کے بد اثرات سے بچنے کے لیے ملک میں ماحول دوست کلچر اپناتے ہوئے درخت لگائیں، گرمی بھگائیں کے فارمولے پر عمل کرنے کا فیصلہ کیا ہے۔
نجی ٹی وی کے مطابق اس سلسلے میں وزارت مواصلات اور وزارت ماحولیاتی تبدیلی نے ملک بھر کے موٹر ویز کے اطراف پھل دار درخت لگانے اور بڑے پیمانے پر شجر کاری کا فیصلہ کیا ہے۔
اس فیصلے کا مقصد پاکستان کو موسمیاتی تبدیلیوں کے بد اثرات سے بچانے کے ساتھ ساتھ موٹر ویز پر سفر کو خوشگوار اور ماحول کو بہتر بنانا ہے۔
اس سلسلے میں وفاقی وزیر مواصلات عبدالعلیم خان نے زرعی ماہرین اور فارمرز سے بھرپور تعاون کی اپیل کرتے ہوئے کی ہے۔
انہوں نے کہا کہ پہلے مرحلے میں ملک بھر کی موٹر ویز اور اس کے اگلے مرحلے میں دیگر شاہراہوں پر بھی پھل دار درخت لگائے جائیں گے۔
عبدالعلیم خان نے کہا کہ یہ دونوں منصوبے بہت زبردست اور عوام دوست ہیں، اور جس طرح ماحولیاتی تبدیلیاں ہو رہی ہیں، گرمی کا دورانیہ بڑھتا جارہا ہے، ایسے حالات میں درختوں کی اہمیت مزید بڑھ جاتی ہے۔
مزیدپڑھیں:پاکستانی بدمعاشوں نے بھاری رشوت دے کر بھارت کو گھٹیا جہاز بکوا دیئے: سابق بھارتی جج کا طنز
ذریعہ
ذریعہ: Daily Ausaf
کلیدی لفظ: موسمیاتی تبدیلی پھل دار درخت کا فیصلہ موٹر ویز
پڑھیں:
کشمیر کا فیصلہ صرف کشمیری عوام کریں گے،بلاول بھٹو
پاکستان پیپلز پارٹی کے چیئرمین بلاول بھٹو زرداری نے کہا ہے کہ کشمیر کے مستقبل کا فیصلہ صرف کشمیری عوام کا حق ہے اور اس بارے میں کوئی دوسرا فیصلہ نہیں کر سکتا۔سماجی رابطے کی ویب سائٹ ایکس پر جاری اپنے بیان میں بلاول بھٹو زرداری نے کہا کہ کشمیر کا فیصلہ صرف و صرف کشمیر کرے گا، نہ اسلام آباد، نہ پنجاب، نہ سندھ، نہ بلوچستان اور نہ ہی خیبرپختونخوا اس کا فیصلہ کر سکتے ہیں۔
انہوں نے کہا کہ کشمیر کے مستقبل کا فیصلہ صرف کشمیری عوام کی مرضی اور رائے کے مطابق ہونا چاہیے، کیونکہ یہی ان کا بنیادی اور جمہوری حق ہے۔
بلاول بھٹو زرداری نے آزاد جموں و کشمیر قانون ساز اسمبلی کے انتخابات کے حوالے سے عوام سے اپیل کرتے ہوئے کہا کہ27 جولائی کو برابری کے حق اور عوامی نمائندگی کے لیے تیر کے نشان پر مہر لگا کر پاکستان پیپلز پارٹی کے نامزد امیدواروں کو کامیاب بنایا جائے۔
پیپلز پارٹی کے چیئرمین کا کہنا تھا کہ عوام کی حمایت سے منتخب ہونے والے نمائندے کشمیری عوام کے حقوق اور مستقبل کے فیصلوں میں مؤثر کردار ادا کریں گے۔
واضح رہے کہ آزاد جموں و کشمیر قانون ساز اسمبلی کے انتخابات مرحلہ وار منعقد کیے جا رہے ہیں، جن کے پہلے مرحلے میں 27 جولائی کو میرپور ڈویژن میں پولنگ ہوگی، جبکہ دیگر مراحل اگست کے پہلے عشرے میں مکمل کیے جائیں گے۔
ترلائی امام بارگاہ حملہ: جاں بحق ہونے والوں کے ورثاء میں امدادی چیک تقسیم