محسن نقوی سے امریکی سفیر کی اہم ملاقات، پاک امریکہ تعلقات اور سیزفائر پر تبادلہ خیال
اشاعت کی تاریخ: 16th, May 2025 GMT
اویس کیانی: وفاقی وزیر داخلہ محسن نقوی سے پاکستان میں امریکہ کی قائم مقام سفیر نیٹلی بیکر نے اہم ملاقات کی جس میں دوطرفہ تعلقات، باہمی دلچسپی کے امور، پاک بھارت جنگ بندی کے بعد کی صورتحال اور باہمی تعاون کو فروغ دینے پر تبادلہ خیال کیا گیا۔
ملاقات کے دوران محسن نقوی نے پاک بھارت سیزفائر میں کلیدی کردار ادا کرنے پر امریکی صدر ڈونلڈ ٹرمپ اور امریکی سفیر کا شکریہ ادا کرتے ہوئے کہا کہ دو ایٹمی طاقتوں کے درمیان جنگ بندی ممکن بنانا ایک تاریخی قدم ہے۔ انہوں نے کہا کہ صدر ٹرمپ نے خطے کو ممکنہ تباہی سے بچا کر انسانیت کی خدمت کی ہے۔
پاکستان پیپلز پارٹی زون 169 کا پاک افواج کے حق میں مظاہرہ
وفاقی وزیر داخلہ کا کہنا تھا کہ پاکستان کی قیادت سے متعلق امریکی صدر کے مثبت خیالات خوش آئند ہیں اور پاکستان امریکہ کے ساتھ تمام شعبوں میں دوطرفہ تعاون کو مزید فروغ دینا چاہتا ہے۔
قائم مقام امریکی سفیر نیٹلی بیکر نے کہا کہ امریکہ پاکستان کے ساتھ بہترین تعلقات کا خواہاں ہے اور مختلف شعبوں میں تعاون کا سلسلہ جاری رہے گا۔اس اہم ملاقات میں وفاقی سیکرٹری داخلہ خرم آغا بھی شریک تھے۔
.ذریعہ: City 42
پڑھیں:
بنگلہ دیش کے مشیر قومی سلامتی کی اعلیٰ امریکی عہدیداروں سے ملاقاتیں، دوطرفہ امور پر تبادلہ خیال
بنگلہ دیش کے مشیر برائے قومی اور روہنگیا معاملے پر اعلیٰ نمائندے ڈاکٹر خلیل الرحمان نے واشنگٹن ڈی سی میں امریکی حکومت کے سینیئر عہدیداران سے ملاقاتیں کی ہیں۔
ڈاکٹر خلیل الرحمان نے امریکی محکمہ خارجہ کی انڈر سیکریٹری برائے سیاسی امور ایلیسن ہوکر سے ملاقات کی، جنہوں نے چیف ایڈوائزر پروفیسر محمد یونس کی قیادت اور عبوری حکومت کی جانب سے آئندہ فروری میں ہونے والے انتخابات سے متعلق اقدامات پر امریکہ کی مکمل حمایت کا اعادہ کیا۔
یہ بھی پڑھیں: بنگلہ دیش اور امریکا کے درمیان محصولات سے متعلق جامع مذاکرات کا دوبارہ آغاز
اس موقع پر دونوں فریقین نے علاقائی سیاسی و سیکیورٹی امور پر بھی گفتگو کی۔ ایلیسن ہوکر نے روہنگیا مسئلے کے حل کے لیے بنگلہ دیش کی کوششوں کی حمایت کا اظہار کیا۔
ڈاکٹر خلیل الرحمان نے اقوام متحدہ کی بین الاقوامی کانفرنس برائے روہنگیا میں امریکا کی جانب سے اعلان کردہ 60 ملین ڈالر امداد پر شکریہ ادا کیا۔
ڈاکٹر خلیل الرحمان نے امریکی محکمہ خارجہ کے دیگر اعلیٰ حکام سے بھی الگ الگ ملاقاتیں کیں، جن میں نکول چولک پرنسپل ڈپٹی اسسٹنٹ سیکریٹری اور اینڈریو ہیروپ ڈپٹی اسسٹنٹ سیکریٹری شامل تھے۔ ان ملاقاتوں میں دوطرفہ امور پر وسیع تر تبادلہ خیال کیا گیا۔
انہوں نے امریکی اسسٹنٹ ٹریڈ نمائندے برینڈن لنچ سے بھی ملاقات کی، جس میں حالیہ ٹیرف مذاکرات کے بعد کی پیش رفت پر گفتگو ہوئی۔
ڈاکٹر خلیل الرحمان نے امریکا کے ساتھ تجارتی خسارے میں کمی کے لیے بنگلہ دیش کے عزم کو دہرایا اور درخواست کی کہ جیسے جیسے خسارہ کم ہوتا جائے، امریکا ٹیرف میں مزید نرمی پر غور کرے۔
یہ بھی پڑھیں: بنگلہ دیش، حسینہ واجد کو امریکا سے کیا توقعات ہیں؟
برینڈن لنچ نے یقین دہانی کروائی کہ معاہدے پر عملدرآمد کے دوران اس درخواست پر مکمل غور کیا جائے گا، خاص طور پر جب دوطرفہ تجارتی فرق مزید کم ہوگا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews امریکا بنگلہ دیش مشیر قومی سلامتی ملاقاتیں وی نیوز
افغانستان کی سرزمین کسی دوسرے ملک کیخلاف استعمال نہیں ہونے دی جائے گی، عبوری حکومت