بھارت کا ایشین ٹائیگر بننے کا خواب پاکستان نے چکنا چور کردیا، شرجیل میمن
اشاعت کی تاریخ: 15th, May 2025 GMT
کراچی:
سندھ کے سینئر وزیر شرجیل انعام میمن نے کہا ہے کہ پاکستان کی بہادر افواج نے بھارت کو بدترین شکست دی اور بھارت کا ایشین ٹائیگر بننے کا خواب چکنا چور کردیا ہے۔
سندھ کے سینئر وزیر شرجیل انعام میمن نے کراچی میں یوم تشکر اور یوم فتح کے حوالے سے ہونے والی تقریب سے خطاب کرتے ہوئے کہا کہ ہماری نیوی، فضائیہ اور بری فوج کے جوانوں نے بھارت کو بدترین شکست دی ہے، بھارت کا ایشین ٹائیگر بننے کا خواب پاکستان نے چکنا چور کر دیا ہے۔
انہوں نے کہا کہ پوری دنیا کو پیغام جا چکا ہے کہ ایشیا میں اگر کوئی سپر ٹائیگر ہے تو وہ پاکستان ہے۔
ان کا کہنا تھا کہ یہ جنگ ہماری بہادر افواج کے ساتھ ساتھ پورے پاکستانی قوم نے مل کر جیتی ہے، بھارتی میڈیا جھوٹا پروپیگنڈہ کرتا رہا، بھارتی حکومت کی جانب سے پاکستانی چینلز، وی لاگرز، یوٹیوب اسٹریمز پر پابندیاں عائد کی گئیں لیکن پاکستانی میڈیا کا کردار ناقابل فراموش ہے۔
سینئر وزیر شرجیل انعام میمن نے کہا کہ اس جنگ میں پاکستان کے سپریم کمانڈر صدر آصف علی زرداری بھی پیش پیش تھے، اس جنگ میں اس خاندان کی تیسری نسل چیئرمین بلاول بھٹو زرداری بھی موجود تھے۔
انہوں نے کہا کہ جس طرح بلاول بھٹو بین الاقوامی میڈیا کے سامنے پاکستان کی جنگ لڑ رہے تھے اس کی مثال نہیں ملتی، بلاول نے اقوام متحدہ میں کہا تھا کہ مودی بچر آف گجرات، بچر آف کشمیر ہے، بھارتیہ جنتا پارٹی (بی جے پی) نے چیئرمین بلاول بھٹو کے سر کی قیمت رکھی، اس کے باوجود بلاول بھٹو زرداری بھارت گئے اور وہاں پر بھی کشمیر کا مقدمہ لڑا۔
شرجیل انعام میمن عوام اور پی پی پی کے کارکنوں کو سلام پیش کرتے ہوئےکہا کہ جب تک دنیا قائم رہے گی، پاکستان قائم رہے گا، ہمارے جوانوں نے جس طرح بھارت کو دھول چٹائی اس پر پورا پاکستان آپ پر فخر کرتا ہے۔
.
ذریعہ
ذریعہ: Express News
کلیدی لفظ: شرجیل انعام بلاول بھٹو نے کہا کہا کہ
پڑھیں:
مقبوضہ کشمیر میں تیز بارشیں، بھارت نے پانی کا بڑا ریلہ پاکستان کی جانب چھوڑ دیا
مظفر آباد(ڈیلی پاکستان آن لائن)مقبوضہ کشمیر میں تیز بارشوں کے بعد بھارت نے پانی کا بڑا ریلہ پاکستان کی جانب چھوڑ دیا ہے۔بھارت نے مقبوضہ کشمیر میں ہونے والی تیز بارشوں کے بعد سلال ڈیم کے تمام گیٹ کھولے دیے اور پانی کا بڑا ریلہ پاکستان کی جانب چھوڑ دیا۔
بھارت کی جانب سے پانی چھوڑے جانے کے بعد پاکستان میں بڑے سیلاب کا خدشہ ہے اور اس حوالے سے سیالکوٹ اور وزیرآباد کے علاقوں میں سیلابی صورتحال پر ہائی الرٹ جاری کیا گیا ہے۔محکمہ ایریگیشن پنجاب کے مطابق سلال ڈیم کےگیٹ کھلنے سے دریائے چناب میں پانی کی سطح بلند ہونےلگی ہے ریلا آئندہ 48 گھنٹوں میں دریاِئے چناب وزیرآباد پہنچنے کا امکان ہے۔
پاکستانی تاجروں نے چین کو 60ہزار ٹن چاول برآمد کرنے کے آرڈرز حاصل کرلئے
مزید :
متنازع ٹوئٹس کیس: ایمان مزاری، ہادی چٹھہ کی اپیل کی سماعت کل ہوگی