ہم نے امن کو ترجیح دی، مگر دفاع سے کبھی غافل نہیں ہوں گے، سفیر پاکستان رضوان سعید شیخ
اشاعت کی تاریخ: 16th, May 2025 GMT
امریکا میں پاکستان کے سفیر رضوان سعید شیخ نے کہا ہے کہ ہماری روایتی اور غیر روایتی صلاحتیں دفاع اور امن کے فروغ سے عبارت ہیں۔ دنیا پر واضح کر دیا ہے کہ ہماری صلاحیتوں کے نتیجے میں امن کا قیام ممکن ہوا۔ ہمارا خطہ کسی مہم جوئی کا متحمل نہیں ہو سکتا۔ سیز فائر میں تمام حل طلب معاملات پر بات کرنے پر رضامندی کا اظہار کیا گیا ہے۔
سفیر رضوان سعید شیخ نے ایک نجی ٹی وی چینل سے گفتگو میں پاک امریکا تعلقات، حالیہ پاک بھارت کشیدگی، بھارتی اشتعال انگیزی اور علاقائی صورتحال پر کھل کر اظہار خیال کیا۔ انہوں نے بتایا کہ نئی امریکی انتظامیہ کے ساتھ پاکستان کے تعلقات کی بنیاد تجارت، سیکیورٹی اور ٹیکنالوجی کے شعبوں میں تعاون کے فروغ پر رکھی جا رہی ہے۔
انہوں نے کہا کہ صدر ٹرمپ ایک تجارتی وژن کے حامل رہنما ہیں، اور پاکستان اپنی پیداواری صلاحیتوں کو بروئے کار لا کر امریکی منڈی کی ضروریات پوری کرنے کی بھرپور استعداد رکھتا ہے۔ انہوں نے سیکیورٹی، معدنیات، آئی ٹی اور زراعت کو ترجیحی شعبے قرار دیتے ہوئے کہا کہ حالیہ دنوں میں پاکستان نے تکنیکی میدان میں اپنی صلاحیتوں کا لوہا منوایا ہے، جس سے دوطرفہ تعاون کو تقویت ملی ہے۔
مزید پڑھیں: پاک امریکا تعلقات کا نیا دور مضبوط اقتصادی تعاون سے عبارت ہے، سفیر رضوان سعید شیخ
رضوان سعید شیخ نے کہا کہ صدر ٹرمپ نے کانگریس سے خطاب میں پاکستان کا دہشتگردی کے خلاف جنگ میں کردار تسلیم کرتے ہوئے شکریہ ادا کیا۔ ان کا کہنا تھا کہ آئندہ چند ہفتوں میں پاک امریکہ تجارتی معاملات کے خدوخال مزید واضح ہوں گے۔
پاکستانی سفیر نے کہا کہ پاکستان کے جوہری اثاثے مکمل طور پر محفوظ ہیں، جس کا اعتراف نہ صرف انٹرنیشنل اٹامک انرجی ایجنسی بلکہ امریکہ کی جانب سے بھی بارہا کیا گیا ہے۔ انہوں نے واضح کیا کہ پاکستان کا جوہری رویہ مصمم اور قابلِ اعتبار ہے۔ اس کے برعکس بھارتی بھابھا ایٹمی ریسرچ سینٹر سے تابکاری آلہ چوری ہونے اور کیلیفورنیا سے 100 ملین ڈالر مالیت کے تابکار مادے کے غائب ہونے جیسی اطلاعات عالمی برادری کے لیے لمحۂ فکریہ ہیں۔
سفیر پاکستان نے بھارتی قیادت کے حالیہ بیانات کو “فلمی سکرپٹ” سے تعبیر کرتے ہوئے کہا کہ ان میں نہ تو سنجیدگی ہے نہ ہی قانون کی کوئی پاسداری۔ انہوں نے کہا کہ بھارت نے پہلگام حملے کے بعد بغیر ثبوت پاکستان پر الزام تراشی کی، اور آج تک کسی قسم کے شواہد فراہم نہیں کیے گئے۔
مزید پڑھیں: ’جنوبی ایشیا جوہری تصادم کی دہلیز پر، امریکا کردار ادا کرے‘، پاکستانی سفیر
انہوں نے کہا کہ بھارت کی جانب سے ریڈ لائن عبور کیے جانے کے بعد پاکستان نے اپنی دفاعی صلاحیت کو بروئے کار لاتے ہوئے 6 اور 7 کی درمیانی شب فضائی کارروائی کی، جس نے صورتحال کو واضح کیا، جبکہ 9 اور 10 کی کارروائی نے اس مؤقف پر مہر ثبت کر دی۔
سفیر پاکستان نے واضح کیا کہ پاکستان نے دانستہ طور پر سول آبادی کو نشانہ نہیں بنایا، اور ڈیڑھ ارب انسانوں کے مفادات کے تحفظ کو ترجیح دی۔ ان کا کہنا تھا کہ پاکستان کی روایتی اور غیر روایتی صلاحیتیں دفاع اور امن سے عبارت ہیں، اور دنیا پر واضح ہو چکا ہے کہ ہماری صلاحیتیں امن کے قیام میں معاون ہیں۔
انہوں نے کہا کہ ہمارا خطہ کسی نئی مہم جوئی کا متحمل نہیں ہو سکتا۔ سیزفائر کے ساتھ تمام حل طلب معاملات پر مذاکرات کی رضامندی ظاہر کی گئی ہے، جبکہ صدر ٹرمپ نے بھی کشمیر پر ایک سے زائد بار بات کی ہے۔ سفیر پاکستان نے کہا کہ حالیہ واقعات نے بیرون ملک مقیم پاکستانیوں کو یکجا کر دیا ہے، اور قومی وقار کی حفاظت کے لیے پوری قوم یک زبان اور یک دل ہو چکی ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
امریکا میں پاکستان کے سفیر انٹرنیشنل اٹامک انرجی ایجنسی بھارت پاکستان ٹرمپ جوہری اثاثے رضوان سعید شیخ.
ذریعہ
ذریعہ: WE News
کلیدی لفظ: امریکا میں پاکستان کے سفیر انٹرنیشنل اٹامک انرجی ایجنسی بھارت پاکستان جوہری اثاثے رضوان سعید شیخ انہوں نے کہا کہ رضوان سعید شیخ سفیر پاکستان میں پاکستان پاکستان کے پاکستان نے کہ پاکستان میں پاک
پڑھیں:
عطا اللہ تارڑ نے اب تک معافی نہیں مانگی، وزیراعظم وزرا کے تضحیک آمیز رویے کا نوٹس لیں، سحر کامران
پاکستان پیپلز پارٹی کی رکن قومی اسمبلی سحر کامران کا کہنا ہے کہ وفاقی وزیر اطلاعات عطا اللہ تارڑ نے قائمہ کمیٹی کے اجلاس میں پیش آنے والے واقعے پر اب تک معافی نہیں مانگی جبکہ وزیراعظم کو اپنے وزرا کے تضحیک آمیز رویے کا نوٹس لینا چاہیے۔
یہ بھی پڑھیں: پاکستان کے اگلے وزیراعظم بلاول بھٹو زرداری، سینیٹر سحر کامران نے دعویٰ کیوں کیا؟
وی ایکسکلوسیو میں گفتگو کرتے ہوئے سحر کامران نے بتایا کہ قائمہ کمیٹی کے اجلاس کے دوران انہوں نے وزارت اور متعلقہ سیکریٹری سے سوال کیا تھا کہ کمیٹی کے اجلاس میں تقریباً 12 ارب روپے مالیت کے 14 منصوبوں کی منظوری لی گئی تاہم بعد میں معلوم ہوا کہ بجٹ میں 14 ارب روپے سے زائد مالیت کے 17 منصوبے منظور کیے گئے ہیں۔
انہوں نے کہا کہ ان کا صرف یہ سوال تھا کہ وہ 3 اضافی منصوبے کون سے تھے جو قائمہ کمیٹی کے سامنے پیش نہیں کیے گئے۔ ان کے بقول انہوں نے پاکستان ٹیلی ویژن (پی ٹی وی) سے متعلق بھی ایجنڈے کے مطابق چند سوالات کیے لیکن اسی دوران وفاقی وزیر اطلاعات عطا اللہ تارڑ اونچی آواز میں گفتگو کرنے لگے جس سے انہیں شدید تضحیک کا احساس ہوا۔
سحر کامران کا کہنا تھا کہ انہوں نے اس صورتحال پر واک آؤٹ کرنے کا فیصلہ کیا تاہم ان کے مطابق عطا اللہ تارڑ نے دوبارہ بلند آواز میں کہا کہ ’یہ ممبر کمیٹی کو ہائی جیک کرنا چاہتی ہیں‘، حالانکہ ان کے بقول انہوں نے ایسا کوئی اقدام نہیں کیا تھا۔
مزید پڑھیے: امریکا ایران مذاکرات، پیپلز پارٹی کا کردار پسِ منظر میں کیوں؟
رکن قومی اسمبلی نے مزید کہا کہ یہ پہلا موقع نہیں تھا کہ عطا اللہ تارڑ کے رویے پر انہیں اعتراض ہوا ہو۔ ان کے مطابق اس سے قبل بھی ایک پارلیمانی سوال کے جواب میں وزیر اطلاعات نے ان کے سوال کا متعلقہ جواب نہیں دیا تھا۔
انہوں نے دعویٰ کیا کہ جب انہوں نے قومی اسمبلی میں اس معاملے کی نشاندہی کی تو عطا اللہ تارڑ نے جواب دیا کہ میرا یہی کام ہے کہ سوال جیسا بھی ہو جواب میں اپنی مرضی کا دیتا ہوں۔
سحر کامران نے سپیکر قومی اسمبلی کے رویے پر بھی اعتراض کرتے ہوئے کہا کہ انہیں ایوان میں جانبداری محسوس ہوئی۔
انہوں نے کہا کہ اس سے قبل بھی ایک وفاقی وزیر کی جانب سے پاکستان پیپلز پارٹی کی سینیٹر شیری رحمان کے ساتھ بھی نامناسب رویہ اختیار کیا گیا تھا۔
سحر کامران نے وزیراعظم سے مطالبہ کیا کہ وہ وزرا کے رویے کا نوٹس لیں اور پارلیمانی روایات کے مطابق ارکان کے ساتھ احترام پر مبنی طرز عمل یقینی بنائیں۔
انہوں نے کہا کہ پاکستان پیپلز پارٹی نے جمہوریت اور آئین کی بالادستی کے لیے بے شمار قربانیاں دی ہیں۔ ان کے بقول پارٹی آج بھی جمہوریت کے استحکام کی خاطر وفاقی حکومت کی اتحادی ہے تاہم اسی وجہ سے کابینہ کا حصہ نہیں بنی۔
مزید پڑھیں: عطا تارڑ کا بڑا ایکشن: واجبات کی ادائیگی تک نجی ٹی وی کے اشتہارات بند کا اعلان
انہوں نے مزید کہا کہ پاکستان پیپلز پارٹی کی ملک کے تمام صوبوں کے علاوہ گلگت بلتستان اور آزاد کشمیر میں بھی نمایاں نمائندگی موجود ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
رکن قومی اسمبلی سحر کامران سحر کامران کو عطا تارڑ سے شکایت وفاقی وزیر اطلاعات عطا اللہ تارڑ
بھارت سے جنگ اور افغانستان میں کارروائی خارج ازامکان نہیں، وزیردفاع