’یورپی تحفظاتی پروگرام‘ کے لیے بڑی کامیابی، اسپین میں نایاب گینڈے کی پیدائش
اشاعت کی تاریخ: 12th, November 2025 GMT
اسپین کے شہر ویلنشیا کے چڑیا گھر نے اعلان کیا ہے کہ ادارے میں پہلی بار پیدا ہونے والا سفید گینڈا نر ہے اور اپنی ماں کی بہترین دیکھ بھال میں صحت مند ہے۔
چڑیا گھر کے مطابق یہ گینڈا 4 نومبر کو پیدا ہوا اور اس کی ماں بخوبی صحت یاب ہو رہی ہے، چڑیا گھر میں پیدا ہونے والے اس گینڈے کا تعلق نایاب نسل سے قرار دیا جارہا ہے۔
مزید پڑھیں: دنیا کے آخری شمالی سفید گینڈے نایجن اور فاتُو کی کہانی
بیان میں کہا گیا کہ ماں مکمل طور پر صحت یاب ہے، اور شرارتی بچہ اپنی دلکش چالوں سے دل موہ لینے والے مناظر پیش کر رہا ہے۔
عملے نے ماں اور بچے کے مابین قدرتی تعلق اور بحالی کے عمل کو متاثر نہ کرنے کے لیے غیر مداخلتی نگرانی کے پروٹوکول پر عمل شروع کردیا ہے تاکہ انسانی مداخلت کم سے کم رہے۔
چڑیا گھر کے مطابق ماں اور بچہ زیادہ تر وقت اندرونی حصے میں گزارتے ہیں، تاہم بچے کی صحت مند نشوونما اور فطری سرگرمی کے لیے انہیں وقفے وقفے سے بڑے بیرونی احاطے میں بھی لے جایا جاتا ہے۔
چڑیا گھر میں موجود نر اور مادہ دیگر گینڈے بھی نومولود سے مل چکے ہیں، چڑیا گھر نے ان کی ملاقاتوں کو نہایت مثبت قرار دیتے ہوئے بتایا کہ وہ تجسس اور دلچسپی کے ساتھ بچے کے قریب آتے ہیں، جو قدرتی طور پر گروہی ہم آہنگی کی علامت ہے۔
مزید پڑھیں: فلوریڈا میں نایاب سفید نسل کے گینڈے کی پیدائش
یہ پیدائش یورپی تحفظاتی پروگرام کے لیے ایک اہم پیش رفت قرار دی جا رہی ہے، کیونکہ جنوبی سفید گینڈے کو بین الاقوامی یونین برائے تحفظِ فطرت نے خطرے سے دوچار جانوروں کی ریڈ لسٹ میں شامل کر رکھا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
چڑیا گھر سفید گینڈا وائلڈ لائف یورپی تحفظاتی پروگرام.ذریعہ: WE News
کلیدی لفظ: چڑیا گھر سفید گینڈا وائلڈ لائف چڑیا گھر کے لیے
پڑھیں:
اقرار عزیز کے ہاں دوسری اولاد کی پیدائش متوقع، دلچسپ انداز سے خوش خبری سنائی
اداکار و میزبان یاسر حسین کی اہلیہ اداکارہ اقرا عزیز نے اپنے ہاں دوسری اولاد کی ممکنہ آمد سے متعلق خوش خبری سنائی ہے۔
تفصیلات کے مطابق شوبز کی مقبول ترین جوڑی دسمبر 2019 میں شادی کے بندھن میں بندھی جس کے دو سال بعد یعنی 2021 میں اُن کے ہاں بیٹے کی ولادت ہوئی۔
یاسر حسین اور اقرا نے بیٹے کا نام کبیر رکھا جو اب اسکول جانے لگا ہے۔
View this post on InstagramA post shared by IQRA AZIZ HUSSAIN???????? (@iiqraaziz)
اقرا عزیز نے سماجی رابطے کی سائٹ پر اپنے حمل کی تصدیق کرتے ہوئے تصاویر شیئر کیں اور کیپشن میں لکھا کہ ’انشاء اللہ، ہم 4 ہونے والے ہیں‘۔
ان تصاویر میں اقرا عزیز، یاسر حسین اور اُن کا بیٹا کبیر حسین ہے جبکہ ایک تصویر میں یاسر حسین نے کتے کو گود میں اٹھا کر خوشی کا اظہار بھی کیا۔
اقرا عزیز کو حمل کی تصدیق کیلیے تصاویر شیئر کرنے پر بعض سوشل میڈیا صارفین نے تنقید کا نشانہ بنایا جبکہ متعدد چاہنے والوں نے اُن کو فیملی میں ممکنہ اضافے پر مبارک باد بھی پیش کی ہے۔
اداکارہ صوبر علی، ایمن سلیم سمیت دیگر ساتھیوں نے اقرا عزیز کو مبارک باد پیش کی۔
اقرا عزیز کی جانب سے شیئر کی گئی دیگر تصاویر
جرمنی : 10 مریضوں کو قتل کرنے کے الزام میں نرس کو عمر قید