کیا آئی پی ایل نہ کھیلنے والے غیر ملکیوں کو جرمانہ ہوگا؟
اشاعت کی تاریخ: 16th, May 2025 GMT
انڈین پریمئیر لیگ (آئی پی ایل) کنٹریکٹ قواعد و ضوابط کے تحت بھارت غیر ملکی پلیئرز کو واپسی کیلئے مجبور نہیں کرسکتا۔
میڈیا رپورٹس کے مطابق آئی پی ایل قوانین کے تحت اگر کھلاڑی غیرمعمولی حالات جیسا کہ جنگ، قدرتی آفات یا پھر سیاسی بدنظمی کی صورت میں معاہدوں پر عمل درآمد نہ کرنے کیلئے آزاد ہوں گے اور اسکے کیلئے انہیں بھارتی کرکٹ بورڈ (بی سی سی آئی) اور فرنچائزز کی اجازت درکار نہیں ہوگی۔
پاکستان کے ہاتھوں جنگی میدان پر شکست کے بعد بھارتی بورڈ نے آئی پی ایل کو دوبارہ شروع کرنے کا اعلان تو کردیا ہے تاہم غیر ملکی کرکٹرز لیگ میں واپسی کو خطرہ سمجھتے ہوئے واپسی سے انکار کررہے ہیں جبکہ دیگر بورڈز بھی اپنے پلئیرز کی سیکیورٹی پر سوال اٹھارہے ہیں۔
بھارتی کرکٹ بورڈ (بی سی سی آئی) نے دیگر بورڈز پر اپنا اثر رسوخ استعمال کرکے کھلاڑیوں کو واپس آنے کا پیغام پہنچایا ہے، جو آئی پی ایل کے اپنے قانون کی خلاف ورزی ہے۔
کرکٹ آسٹریلیا نے گزشتہ روز اپنے جاری کردہ اعلامیے میں کہا تھا کہ بورڈ پلئیرز کے فیصلے کا احترام کرے گا، اگر وہ جانا چاہتے ہیں تو کوئی نہیں روکے گا تاہم ٹیم مینجمنٹ ورلڈ ٹیسٹ چیمپئین شپ میں شریک کھلاڑیوں سے متعلق فیصلے کا حق رکھتی ہے۔
بورڈ نے مزید کہا تھا کہ اپنے کرکٹرز کی حفاظتی انتظامات سے متعلق بھارتی بورڈ کیساتھ رابطے میں ہیں۔
اسی طرح انگلیںڈ کرکٹ بورڈ نے بھی اعلان کیا تھا کہ وہ ناک آؤٹ راؤنڈ میں شرکت کیلئے اپنے پلئیرز کو بھارت جانے کی اجازت نہیں دے گا۔
دوسری جانب پاکستان سپر لیگ (پی ایس ایل) میں غیر ملکی کرکٹرز اپنے آپکو محفوظ تصور کررہے ہیں، انگلینڈ کے ایلکس ہیلز، آسٹریلیا کے ڈیوڈ وارنر، بنگلادیش کے اسٹار کرکٹر شکیب الحسن، سری لنکا کے دنیش چندیمل سمیت کئی اسٹارز پاکستان آکر کھیلنے کیلئے راضی ہیں۔
Post Views: 6.ذریعہ: Daily Mumtaz
کلیدی لفظ: ا ئی پی ایل
پڑھیں:
مسئلہ کشمیر ایک بار پھر فلیش پوائنٹ بن چکا، پیر مظہر سعید
اپنے ایک بیان میں وزیر اطلاعات آزاد کشمیر کا کہنا ہے کہ دنیا پر واضح ہو گیا ہے کہ پاکستان کبھی بھی اپنی سلامتی پر سمجھوتا نہیں کرے گا، پاکستان کی افواج ایمان کی طاقت سے لبریز ہو کر اپنے ملک کا دفاع کرتی ہیں۔ اسلام ٹائمز۔ وزیر اطلاعات آزاد جموں و کشمیر پیر محمد مظہر سعید شاہ نے کہا ہے کہ جب تک مسئلہ کشمیر حل نہیں ہوتا اس خطے میں امن قائم نہیں ہو سکتا، بھارتی جارحیت سے مسئلہ کشمیر ایک بار پھر فلیش پوائنٹ بن چکا ہے، پاک فوج نے بھارتی جارحیت کا منہ توڑ جواب دے کر قوم کا وقار بلند کر دیا ہے۔ ان خیالات کا اظہار انہوں نے اپنے ایک بیان میں کیا۔ پیر محمد مظہر سعید شاہ نے کہا ہے کہ دنیا پر واضح ہو گیا ہے کہ پاکستان کبھی بھی اپنی سلامتی پر سمجھوتا نہیں کرے گا، پاکستان کی افواج ایمان کی طاقت سے لبریز ہو کر اپنے ملک کا دفاع کرتی ہیں۔ انہوں نے کہا کہ ہندوستان مقبوضہ کشمیر میں بے گناہ شہریوں کا قتل عام کر رہا ہے، حالیہ دنوں کے دوران بھی بھارتی افواج نے پاکستان اور آزاد جموں و کشمیر میں معصوم لوگوں کو نشانہ بنایا جس کے نتیجے میں بچے، عورتیں اور بزرگ شہید ہوئے، بھارتی جنگی جنوں واضح کر رہا ہے کہ بھارت خطے میں امن کا خواہاں نہیں ہے جبکہ پاکستان خطے میں پائیدار امن اور استحکام چاہتا ہے، انہوں نے کہا کہ مسئلہ کشمیر بین الاقوامی منظر نامے پر ایک بار پھر پوری آب و تاب کے ساتھ نمایاں ہو چکا ہے، دنیا اس مسئلہ کے پائیدار حل کے لیے کردار ادا کرے، انہوں نے اس موقع پر افواج پاکستان کی دفاع وطن کے لیے قربانیوں کو بھی خراج تحسین پیش کیا۔
ویڈیو: پاکستانی حملے میں بھارت کی ادھم پور ائیر بیس تباہ ہونے کے مناظر