حکومت سے مذاکرات، بانی پی ٹی آئی نے گرین سنگل دے دیا
اشاعت کی تاریخ: 16th, May 2025 GMT
راولپنڈی(نیوز ڈیسک)پاکستان تحریک انصاف سے مذاکرات کی حکومتی پیشکش پر بانی پی ٹی آئی نے گرین سگنل دے دیا ہے پارٹی کی اعلیٰ قیادت کی مشاورت جاری ہے۔
پاک بھارت کشیدگی کے دوران پاکستان میں جاری سیاسی تناؤ میں کمی آنا واقع ہوئی ہے۔ گزشتہ روز وزیراعظم شہباز شریف نے پی ٹی آئی کو مذاکرات کی دعوت دی تھی اور اب تحریک انصاف کے سینئر رہنما نے تصدیق کر دی ہے کہ بانی پی ٹی آئی عمران خان نے حکومت سے مذاکرات کے لیے گرین سگنل دے دیا ہے۔
حکومت اور پی ٹی آئی کے درمیان ممکنہ مذاکرات کے لیے تحریک انصاف کی اعلیٰ قیادت میں مشاورت شروع ہو گئی ہے۔ جب کہ حکومتی پیشکش اور بانی عمران خان کی ہدایت پارٹی کی سینٹرل ایگزیکٹو کمیٹی میں رکھنے کا فیصلہ کیا گیا ہے۔
اس حوالے سے پی ٹی آئی اراکین کا کہنا ہے کہ مذاکرات کے لیے تمام فریقین کی جانب سے حوصلہ افزا سگنل ملا ہے۔ تاہم مذاکرات کے لیے حکومتی سنجیدگی اور فریقین کا اعتماد دیکھ رہے ہیں۔
ان کا کہنا ہے کہ حکومت اور پی ٹی آئی کے درمیان ممکنہ مذاکرات کی بنیاد کون سے معاملات ہوں گے، اس کا جائزہ لینا بھی ضروری ہے۔
واضح رہے کہ پہلگام فالس فلیگ آپریشن کی آڑ میں بھارتی جارحیت پر قوم پاک فوج کے ساتھ سیسہ پلائی دیوار بنی اور تمام سیاسی جماعتوں نے بھی اپنے اختلافات بھلا کر ملک کی سالمیت کو اولیت دی۔
دونوں ممالک میں جنگ بندی کے بعد مختلف حلقوں کی جانب سے حکومت اور پی ٹی آئی کے درمیان بھی سیاسی سیز فائر کا مطالبہ کیا جا رہا ہے۔ وزیراعظم شہباز شریف بھی اپوزیشن کو ملک کی خاطر مذاکرات کی میز پر بیٹھنے کی دعوت دے چکے ہیں۔
دوسری جانب آج چیئرمین پی ٹی آئی بیرسٹر گوہر نے وزیراعظم کی مذاکرات کی پیشکش پر میڈیا سے گفتگو میں کہا تھا کہ اس حوالے سے عمران خان سے مشاورت جاری ہے۔
مزیدپڑھیں:فاطمہ بھٹو کے ہاں دوسرے بیٹے کی پیدائش
ذریعہ
ذریعہ: Daily Ausaf
کلیدی لفظ: مذاکرات کے لیے مذاکرات کی
پڑھیں:
سرکاری ملازمین کی تنخواہوں کے بعد پنشن میں بھی اضافہ
پشاور (نیوز ڈیسک) سرکاری ملازمین کے لیے بڑی خوشخبری آگئی، پنشن میں 7 فیصد اضافہ یکم جولائی 2026 سے نافذ العمل ہوگیا۔
تفصیلات کے مطابق خیبرپختونخوا حکومت نے صوبائی سرکاری پنشنرز کے لیے ایک اہم فیصلہ کرتے ہوئے نیٹ پنشن میں 7 فیصد اضافے کی منظوری دے دی ہے، جس کا باقاعدہ نوٹیفکیشن بھی جاری کر دیا گیا ہے۔
حکومتی اعلامیے میں کہا گیا کہ پنشن میں 7 فیصد اضافہ یکم جولائی 2026 سے نافذ العمل ہوگیا اور اس سے تمام صوبائی سرکاری پنشنرز مستفید ہو سکیں گے۔
محکمہ خزانہ خیبرپختونخوا کی جانب سے جاری کردہ نوٹیفکیشن میں پنشن میں اضافے کے حوالے سے اہم نکات اور شرائط واضح کی گئی ہیں۔
جس میں کہا ہے کہ یہ 7 فیصد اضافہ 30 جون 2026 تک حاصل کردہ نیٹ پنشن کی بنیاد پر دیا جائے گا اور یکم جولائی 2026 یا اس کے بعد ریٹائر ہونے والے سرکاری ملازمین بھی اس 7 فیصد اضافے کے حقدار ہوں گے۔
یہ اضافہ فیملی پنشن اور کمپیشنٹ الاؤنس کے کیسز پر بھی یکساں طور پر لاگو ہوگا۔
اس کے علاوہ بیرون ملک مقیم صوبائی حکومت کے اہل پنشنرز بھی مقررہ شرائط و ضوابط کے تحت اس اضافے سے فائدہ اٹھا سکیں گے۔
نوٹیفکیشن میں واضح کیا گیا ہے کہ یہ 7 فیصد اضافہ پہلے سے ملنے والی کسی بھی “خصوصی اضافی پنشن” پر لاگو نہیں ہوگا۔
خیبرپختونخوا حکومت کے اس اقدام کو صوبے کے لاکھوں ریٹائرڈ ملازمین اور ان کے خاندانوں کے لیے موجودہ معاشی صورتحال میں ایک بڑا ریلیف قرار دیا جا رہا ہے۔
مزید پڑھیں۔سونے کی قیمت میں نمایاں کمی،فی تولہ نئی قیمت جانئے
متنازع ٹوئٹس کیس: ایمان مزاری، ہادی چٹھہ کی اپیل کی سماعت کل ہوگی