بھارت آدم پور ایئربیس پاکستان کے خلاف نیوکلیئر لڑائی کے لیے استعمال کرے گا، گرپتونت سنگھ کا انکشاف
اشاعت کی تاریخ: 16th, May 2025 GMT
سکھ فار جسٹس کے سربراہ اور خالصتان تحریک کے سینیئر رہنما گرپتونت سنگھ پنوں نے انکشاف کیا ہے کہ بھارت آدم پور ایئربیس کو پاکستان کے خلاف نیوکلر جنگ کے لانچنگ پیڈ کے طور پر استعمال کرنے کا ارادہ رکھتا ہے لہٰذا سکھ برادری یہ ایئربیس بند کردے گی۔
یہ بھی پڑھیں: جنگ میں بھارتی سکھ پاکستان کی پہلی دفاعی لائن ہونگے، ٹینکوں کا رخ موڑ دیں گے، گرپتونت سنگھ پنوں
اپنے ویڈیو پیغام میں گرپتونت سنگھ نے کہا کہ بھارت کو پاکستان کے ساتھ جوہری تنازعہ شروع کرنے کے لیے ہم پنجاب کی سرزمین استعمال کرنے کی اجازت نہیں دیں گے۔ انہوں نے مزید کہا کہ خالصتان کے حامی سکھ آدم پور ایئر بیس کو مستقل طور پر بند کرنے کو یقینی بنائیں گے۔
گرپتونت سنگھ نے کہا کہ سکھس فار جسٹس کو قابل اعتماد اطلاع موصول ہوئی ہے جس میں جوہری ہتھیاروں سے لیس میراج 2000H لڑاکا طیاروں کی پاکستان کی سرحد کے قریب ہندوستان کے زیر قبضہ پنجاب میں آدم پور ایئر بیس پر تعیناتی کی تصدیق ہوئی ہے۔
View this post on Instagram
A post shared by Sikhs For Justice (@sikhsforjustice)
انہوں نے کہا کہ نیوکلیئر جیٹ کی تعیناتی ہندوستانی وزیر اعظم نریندر مودی کے خصوصی دورے کے موقعے پر ہوئی اور اس موقعے پر اعلیٰ جوہری اور دفاعی حکام بھی تھے۔
انہوں نے انکشاف کیا کہ آدم پور ایئر بیس میں موجود سکھ اہلکاروں کو غیر مسلح کر دیا گیا تھا اور مودی کے دورے سے قبل انہیں آپریشنل ڈیوٹی سے ہٹا دیا گیا تھا۔
مزید پڑھیے: مودی کی جنگ بھارت کی آخری جنگ ہوگی، خالصتان حقیقت کے قریب ہے، گرپتونت سنگھ پنوں
سکھ رہنما نے کہا کہ سکھ فار جسٹس نے اقوام متحدہ کی سلامتی کونسل کے ساتھ باضابطہ طور پر بات چیت کی ہے اور پنجاب کو فارورڈ نیوکلیئر آپریٹنگ بیس میں تبدیل کرنے کے ہندوستان کے خفیہ فیصلے کو روکنے کے لیے ایک ہنگامی اجلاس پر زور دیا ہے۔
انہوں نے کہا کہ پنجاب کو ایٹمی گراؤنڈ زیرو کے طور پر استعمال کرنا بین الاقوامی قانون کے تحت سکھ لوگوں کے حقوق کی خلاف ورزی ہے۔
گرپتونت سنگھ نے کہا کہ بھارت پنجاب کو جوہری میدان جنگ میں تبدیل کرنا چاہتا ہے لہٰذا ہماری تنظیم بین الاقوامی قانونی فریم ورک کے تحت مودی حکومت کو چیلنج کرے گی۔
مزید پڑھیں: ’بی جے پی نے مجھے مارنے پر انعام رکھا ہے‘،گرپتونت سنگھ پنوں کا امریکی نائب صدر کو خط
سکھ رہنما نے کہا کہ سکھ اس جاری جنگ میں پاکستان کے ساتھ کندھے سے کندھا ملا کر کھڑے ہوں گے اور اپنی سرزمین پنجاب کو پاکستان پر ایٹمی حملے کے لیے لانچنگ پیڈ کے طور پر کام کرنے کی اجازت نہیں دیں گے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
آدم پور ایئر بیس بھارتی عزائم پاک بھارت کشیدگی گرپتونت سنگھ گرپتونت سنگھ کے انکشافات.
ذریعہ
ذریعہ: WE News
کلیدی لفظ: ا دم پور ایئر بیس بھارتی عزائم پاک بھارت کشیدگی گرپتونت سنگھ گرپتونت سنگھ پنوں پور ایئر بیس پاکستان کے نے کہا کہ پنجاب کو انہوں نے کے لیے
پڑھیں:
تاریخ میں پہلی بار پاکستان کے دو پروجیکٹ اقوام متحدہ کی سطح پر شارٹ لسٹ
وزیر اطلاعات پنجاب عظمیٰ بخاری۔فوٹو: فائلوزیر اطلاعات پنجاب عظمیٰ بخاری کا کہنا ہے کہ تاریخ میں پہلی بار پاکستان کے دو پروجیکٹ اقوام متحدہ کی سطح پر شارٹ لسٹ ہوئے، ورلڈ سمٹ آن دی انفارمیشن سوسائٹی (ڈبلیو ایس آئی ایس) میں دو منصوبوں کی شارٹ لسٹنگ کے ساتھ دنیا کا واحد ملک بن گیا۔
عظمیٰ بخاری نے کہا کہ اقوامِ متحدہ ڈبلیو ایس آئی ایس پرائز 2026 میں پنجاب کا ورچوئل سینٹر فار چائلڈ سیفٹی میرا پیارا عالمی چیمپئن پروجیکٹ قرار پایا، ورچوئل سینٹر فار چائلڈ سیفٹی ’’میرا پیارا‘‘ پروجیکٹ دنیا کے ٹاپ فائیو میں شامل ہوگیا۔
صوبائی وزیر نے کہا کہ پنجاب حکومت کا ورچوئل ویمن پولیس اسٹیشن بھی دنیا بھر کے ٹاپ 20 پروجیکٹس میں شارٹ لسٹ ہوگیا، ورچوئل سینٹر فار چائلڈ سیفٹی کی بدولت 77 ہزار سے زائد گمشدہ بچے بازیاب، ماؤں کی گودیں ہری ہو گئیں، حکومت نے 3 ہزار اسپیشل (معذور) بچوں کو بھی تلاش کر کے خاندانوں سے ملوایا، بدسلوکی، آن لائن استحصال اور کمزور بچوں کے تحفظ کے ہزاروں کیسز حل کیے گئے۔
عظمیٰ بخاری نے کہا کہ پنجاب میں اب تک مختلف کیٹیگریز کے 1,45,772 کیسز رپورٹ، 1,36,157 کیسز کو کامیابی سے حل کیا گیا، رپورٹ ہونے والے مقدمات میں سے 26,274 ایف آئی آرز رجسٹرڈ،7,081 چالان عدالتوں میں جمع کروا دیے گئے۔
صوبائی وزیر نے مزید بتایا کہ گمشدہ اور اغوا ہونے والے 54,741 بچوں میں سے 53,811 بچوں کو کامیابی سے تلاش کر کے اہلخانہ سے ملا دیا گیا، ریسکیو ٹیموں کی کارروائی کے نتیجے میں 22,989 بچے ملے، 21,178 کو خاندانوں کے سپرد کیا گیا، اس وقت سسٹم میں 930 بچے لاپتہ اور 1,811 بچے تاحال غیر شناخت شدہ ہیں۔
وزیر اطلاعات پنجاب نے کہا کہ بچوں پر تشدد اور ابیوز کے 15,447 کیسز رپورٹ ہوئے، 5,075 ایف آئی آرز درج کی گئیں، چائلڈ ابیوز کیسز میں 3,830 ملزمان کو گرفتار کر کے 4,168 مقدمات کے چالان عدالتوں میں جمع کروائے جا چکے ہیں، بچوں کے خلاف آن لائن اور ڈیجیٹل ابیوز کے 191 کیسز سامنے آئے، 14 ایف آئی آرز درج اور 5 ملزمان کو گرفتار کیا گیا۔
عظمیٰ بخاری نے کہا کہ خصوصی افراد کے مجموعی طور پر 4,377 کیسز رپورٹ ہوئے، 2,984 افراد کو بازیاب کروا کے خاندانوں سے ملایا گیا، خصوصی افراد کے تحفظ کو یقینی بنانے کے لیے پولیس نے اب تک 646 ایف آئی آرز درج کیں، چائلڈ پروٹیکشن بیورو میں 251 اور دارالامان میں 14 متاثرہ افراد کو فوری پناہ اور حکومتی سرپرستی فراہم کی گئی۔
انہوں نے کہا کہ وزیر اعلیٰ پنجاب مریم نواز نے میرا پیارا یو این گلوبل چیمپئن قرار دیے جانے پر اظہار تشکر کیا۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ