غیرفعال پاور پلانٹس کی نیلامی کے دوسرے مرحلے کا کل سے آغاز
اشاعت کی تاریخ: 18th, May 2025 GMT
پاور سیکٹر میں جاری اصلاحاتی عمل کے ذریعے غیرفعال پاور پلانٹس کی نیلامی کے دوسرے مرحلے کا آغاز کل سے ہوگا، 2 ہزار 362 میگاواٹ صلاحیت کے 3 پلانٹس کو فروخت کیلئے پیش کیا جائیگا۔
پاور سیکٹر میں جاری اصلاحاتی عمل کے ذریعے ناکارہ سسٹم سے چھٹکارے کا مشن، سرکاری پرانے اور غیرفعال پلانٹس کی نیلامی کا دوسرا مرحلہ شروع کرنے کا فیصلہ کرلیا گیا۔
غیر فعال پاور پلانٹس کی نیلامی کے دوسرے مرحلے کا آغاز کل سے ہوگا، 2 ہزار 362 میگاواٹ صلاحیت کے 3 پلانٹس کو فروخت کیلئے پیش کیا جائے گا۔
رپورٹ کے مطابق نیلامی میں 880 میگاواٹ جامشورو تھرمل پاور اسٹیشن فروخت کیلئے پیش ہوگا، 1350 میگاواٹ کا مظفر گڑھ تھرمل پاور اسٹیشن بھی نیلامی فہرست میں شامل ہے جبکہ 132 میگا واٹ اسٹیم پاور اسٹیشن فیصل آباد بھی فروخت کیا جائے گا۔
پاور ڈویژن کا کہنا ہے کہ نیلامی کا عمل پاور سیکٹر میں اصلاحاتی عمل کا حصہ ہے، پاور پلانٹس کی نیلامی کا عمل اسلام آباد میں صبح 9 سے شام 5 تک ہوگا۔
واضح رہے کہ پہلے مرحلے میں 7 مختلف پرانے تھرمل پاور پلانٹس فروخت کیے جاچکے ہیں، فروخت کیے گئے پلانٹس کی بولی تقریباً 9 ارب سے زائد رہی تھی۔
ذریعہ: Daily Mumtaz
پڑھیں:
پی ایس ایل 10: کراچی کنگز نے پشاور زلمی کو شکست دے کر پلے آف مرحلے میں جگہ بنا لی
بھارتی جارحیت کے سبب حالات کشیدہ ہونے کی وجہ سے التواء کے بعد دوبارہ شروع ہونے والی ایچ بی ایل پاکستان سپر لیگ (پی ایس ایل) 10 میں کراچی کنگز نے پشاور زلمی کو 23 رنز سے شکست دے کر پلے آف مرحلے میں جگہ پکی کر لی۔
راولپنڈی میں کھیلے گئے میچ میں پشاور زلمی کی ٹیم مقررہ 20 اوورز میں 238 رنز کے تعاقب میں 5 وکٹوں کے نقصان پر 214 رنز بنا سکی۔
زلمی کی جانب سے کپتان بابر اعظم 94 رنز بنا کر آؤٹ ہوئے۔ صائم ایوب 47، ٹام کوہلر-کیڈمور 20، محمد حارث 9 اور میکس برائنٹ 7 رنز بنا کر آؤٹ ہوئے۔
معاذ صداقت 19 اور حسین طلعت 12 رنز بنا کر ناٹ آؤٹ پویلین لوٹے۔
کنگز کی جانب سے عباس آفریدی نے 2 جبکہ حسن علی اور میر حمزہ نے 1، 1 وکٹ حاصل کی۔
اس سے قبل کراچی کنگز نے پشاور زلمی کی دعوت پر پہلے بیٹنگ کرتے ہوئے مقررہ 20 اوورز میں 4 وکٹوں کے نقصان پر 237 رنز اسکور کیے۔
کپتان ڈیوڈ وارنر 86 رنز بنا کر نمایاں رہے۔ جیمز ونس 72، عرفان خان نیازی 2 اور بین میکڈرموٹ 0 رنز بنا کر آؤٹ ہوئے۔
خوشدل شاہ اور محمد نبی نے جارحانہ اننگز کھیلتے ہوئے بالترتیب ناٹ آؤٹ 43 اور 26 رنز اسکور کیے۔
پشاور زلمی کی جانب سے لیوک ووڈ نے 2 جبکہ عارف یعقوب اور علی رضا نے 1، 1 وکٹ حاصل کی۔
پشاور زلمی: محمد حارث (وکٹ کیپر)،صائم ایوب، بابر عظم (کپتان)، ٹوم کوہلر کیڈمور، حسین طلعت، میکس برائنٹ، معاذ صداقت، لیوک ووڈ، احمد دانیال، عارف یعقوب، علی رضا
کراچی کنگز: ڈیوڈ وارنر(کپتان)، بین میکڈرموٹ، جیمز ونس، سعد بیگ (وکٹ کیپر)، خوشدل شاہ، عرفان خان نیازی، محمد نبی، عامر جمال، عباس آفریدی، حسن علی اور میر حمزہ۔
Post Views: 2
پاکستان نے سائبر ہتھیاروں کا 10 فیصد سے بھی کم حصہ استعمال کیا