مشتبہ افراد کو بیرون ملک فرار ہونے سے روکنے کیلیے ایف آئی اے کی گائیڈلائنز
اشاعت کی تاریخ: 19th, May 2025 GMT
راولپنڈی:
مشتبہ یا پابندی کے حامل افراد کے بیرون ملک فرار کے خدشات کے پیش نظر ایف آئی اے کی جانب سے گائیڈ لائنز وضع کردی گئی ہیں۔
ملکی ایئرپورٹس سمیت زمینی و سمندری راستوں پر سفری پابندیوں میں شامل عناصر کو بیرون ممالک جانے سے روکنے و حراست میں لیے جانے کے معاملے پر وفاقی تحقیقاتی ادارے ایف آئی اے نے ملک بھر کے لیے ائیرپورٹس و بارڈر چیک پوائنٹس پر سفری پابندیوں پر شمار افراد و جرائم میں ملوث عناصر کو روکے جانے و گرفتاری بارے پالیسی گائیڈ لائن واضع کردی ہے۔
قواعد و ضوابط کے مطابق ایسے افرادیا ملزمان جن کے بیرون ممالک فرار کا خدشہ ہو، ان کے نام و کوائف قوائد و ضوابط پورے کرکے وزارت داخلہ اور ڈائریکٹوریٹ جنرل آف پاسپورٹ اینڈ امیگریشن کے ذریعے اسٹاپ لسٹ ، پاسپورٹ کنٹرول لسٹ یا ایگزٹ کنٹرول لسٹ پر رکھوائے جائیں اور اسی صورت میں ایف آئی اے امیگریشن ملکی ایئرپورٹس ، زمینی و سمندری امیگریشن پوسٹوں پر ایسے افراد کو روکنے کی مجاز ہوگی
ایف آئی اے کے مطابق کسی بھی شخص کا نام سفری پابندیوں کی فہرست میں رکھنے یا نکالنے کی تمام تر ذمے داری ڈائریکٹوریٹ جنرل آف پاسپورٹ اینڈ امیگریشن اور وزرات داخلہ کے اختیار میں ہے۔ ایف آئی اے یا ایف آئی اے امیگریشن کو کسی کام نام سفری پابندیوں میں شامل کرنے یا نکالنے یا از خود کسی کو بیرون ملک جانے کے حق سے روکنے کا براہ راست کوئی اختیار نہیں ۔
مراسلے میں مزید کہا گیا ہے کہ ایف آئی اے امیگریشن ایگزیکیوٹنگ ایجنسی ہے، جو ڈائریکٹوریٹ جنرل آف پاسپورٹ اینڈ امیگریشن اور وزارت داخلہ کی جانب سے سفری پابندیوں پر رکھے جانے والے افراد کو ائیرپورٹ پر روکے جانے و احکامات پر عملدرآمد کی پابند ہے۔ اسی طرح سفری پابندیوں پر رکھے ایسے عناصر اگر بیرون ملک جانے کی کوشش کریں تو ایف آئی اے امیگریشن انہیں روک کر حراست میں لینے کی بھی پابند ہے۔
لہذامتعلقہ اتھارٹیز کو پابند بنایا جائے کہ وہ ہوم ڈیپارٹمنٹ کے ذریعے قواعد و ضوابط پورے کرکے مطلوبہ افراد کے کیس وزارت داخلہ اور ڈائریکٹوریٹ جنرل آف پاسپورٹ اینڈ امیگریشن کو اپلائی کریں اور مطلوبہ افراد کےنام و کوائف سٹاپ لسٹ ،پاسپورٹ و ایگزٹ کنٹرول لسٹ پر رکھوائیں تاکہ ایسے افراد کو ائیرپورٹس سمیت لینڈ و سمندری چیک پوسٹوں پر روکا جاسکے۔
آئی جی پنجاب نے وزارت داخلہ اور ایف آئی اے کی جانب سے گائیڈ لائن ملنے کےبعد ایڈیشنل آئی جی سی ٹی ڈی ،اسپیشل برانچ پنجاب،سی سی پی او لاہور کو مراسلہ ارسال کردیا ہے۔ علاوہ ازیں مراسلہ سی پی او راولپنڈی سمیت پنجاب بھر کے سی پی اوز اور ڈی پی اوز کو بھی ارسال کیا گیا ہے، جس میں کہا گیا ہے کہ گائیڈ لائینز پر سختی سے عملدرآمد یقینی بنایا جائے ۔
.
ذریعہ
ذریعہ: Express News
کلیدی لفظ: جنرل آف پاسپورٹ اینڈ امیگریشن ایف آئی اے امیگریشن سفری پابندیوں وزارت داخلہ بیرون ملک افراد کو
پڑھیں:
ٹرمپ کے وار پاورز محدود؛ امریکی پارلیمان نے ایران جنگ روکنے کی قرارداد منظور کرلی
امریکی ایوانِ نمائندگان نے صدر ڈونلڈ ٹرمپ کو ایران کے ساتھ جاری فوجی تنازع سے امریکی افواج واپس بلانے کی ہدایت دینے والی وار پاورز قرارداد دوبارہ منظور کرلی۔
عالمی خبر رساں ادارے کے مطابق یہ قرارداد اپوزیشن جماعت ڈیموکریٹ کی رکنِ کانگریس پرامیلا جے پال کی جانب سے پیش کی گئی جس کے حق میں 214 جب کہ مخالفت میں 208 ووٹ پڑے۔
رائے شماری میں اپوزیشن جماعت ڈیموکریٹ کے تمام اراکین نے قرارداد کی حمایت کی جب کہ حکمراں جماعت ریپبلکن کے 5 ارکان نے بھی پارٹی پالیسی کے برعکس ووٹ دیتے ہوئے قرارداد کے حق میں رائے دی۔
خیال رہے کہ یہ دوسری بار ہے کہ ایوانِ نمائندگان نے اسی نوعیت کی قرارداد منظور کی ہے۔ گزشتہ ماہ بھی ایوان نے ایسی ہی ایک قرارداد منظور کی تھی جسے بعد میں سینیٹ نے بھی منظور کر لیا تھا۔
اگرچہ قرارداد کی منظوری سیاسی لحاظ سے اہم سمجھی جا رہی ہے تاہم اس کی قانونی حیثیت محدود ہے۔ ٹرمپ انتظامیہ کا مؤقف ہے کہ اس قسم کی وار پاورز قراردادیں آئین سے مطابقت نہیں رکھتیں اور صدر بطور کمانڈر اِن چیف قومی سلامتی کے معاملات میں فوجی فیصلے کرنے کا اختیار رکھتے ہیں۔
ووٹنگ سے قبل ہونے والی بحث میں ایوانِ خارجہ امور کمیٹی کے سرکردہ ڈیموکریٹ رکن گریگ میکس نے کہا کہ صدر ٹرمپ نے کانگریس کی پیشگی منظوری کے بغیر ایران کے خلاف فوجی کارروائی کر کے امریکی قانون اور آئینی تقاضوں کی خلاف ورزی کی ہے۔
یہ قرارداد ایسے وقت منظور ہوئی جب یمن کے حوثیوں کے بحیرہ احمر میں سعودی آئل ٹینکرز پر حملوں کے بعد عالمی منڈی میں خام تیل کی قیمتیں 100 ڈالر فی بیرل سے تجاوز کرچکی ہیں۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار