کرسٹیانو رونالڈو کو سعودی کلب چھوڑنے کی ایک بڑی پیشکش آگئی
اشاعت کی تاریخ: 19th, May 2025 GMT
پرتگال کے کرسٹیانو رونالڈو کو سعودی عرب میں فٹبال کریئر ختم کر کے فیفا کلب ورلڈ کپ میں شرکت کے لیے ایک بڑی پیشکش موصول ہوئی ہے۔
رونالڈو اس وقت سعودی پرو لیگ کے کلب النصر کی نمائندگی کر رہے ہیں، تاہم تین سیزنز گزرنے کے باوجود وہ لیگ ٹائٹل جیتنے میں ناکام رہے ہیں۔ اگرچہ رونالڈو نے مسلسل دو سیزنز میں ٹاپ سکورر کا اعزاز حاصل کیا مگر ٹیم کی سطح پر کامیابی محدود رہی ہے۔ النصر اب تک صرف عرب کلب چیمپئنز کپ 2023 جیت سکا ہے اور آئندہ سیزن کے لیے ایشین چیمپئنز لیگ میں بھی کوالیفائی نہیں کر سکا۔
دی مرر کے مطابق رونالڈو کا مبینہ طور پر 16 کروڑ 40 لاکھ پاؤنڈ سالانہ کا معاہدہ اسی موسم گرما میں ختم ہو رہا ہے، جس کے بعد ان کے مستقبل پر سوالیہ نشان ہے کہ آیا وہ سعودی عرب میں قیام جاری رکھیں گے یا نیا راستہ اختیار کریں گے۔
اس غیر یقینی صورتحال کے دوران معروف ہسپانوی اخبار مارکا کے مطابق ایک برازیلی کلب نے رونالڈو کو بڑی پیشکش کی ہے، جس کے تحت وہ آئندہ ماہ شروع ہونے والے کلب ورلڈ کپ میں شرکت کر سکتے ہیں۔ اگرچہ کلب کا نام ظاہر نہیں کیا گیا، تاہم برازیل کے چار کلب پالمیراس، فلیمینگو، فلومینینس اور بوٹا فوو اس ٹورنامنٹ میں شامل ہیں۔
کرسٹیانو رونالڈو ماضی میں کلب ورلڈ کپ میں شاندار کامیابی حاصل کر چکے ہیں اور چار بار یہ اعزاز جیت چکے ہیں، جن میں ایک بار مانچسٹر یونائیٹڈ اور تین بار ریال میڈرڈ کے ساتھ شامل ہے۔ اب دیکھنا یہ ہے کہ رونالڈو اس پیشکش کو قبول کرتے ہیں یا سعودی فٹبال میں ہی قیام جاری رکھتے ہیں۔
.ذریعہ: Daily Ausaf
پڑھیں:
ہر آنے والی سیریز کو ورلڈ کپ کی تیاریوں کا حصہ سمجھ کر کھیلا جائے گا: سلمان علی آغا
data-id="863a0a8" data-element_type="widget" data-widget_type="theme-post-content.default">
راولپنڈی: قومی ٹیم کے کپتان سلمان علی آغا نے کہا ہے کہ ٹرائی نیشن سیریز میں ٹیم کی کوشش ہوگی کہ ون ڈے سیریز کا مومینٹم برقرار رکھا جائے، ہر آنے والی سیریز کو ورلڈ کپ کی تیاریوں کا حصہ سمجھ کر کھیلا جائے گا۔
راولپنڈی کرکٹ اسٹیڈیم میں پریس کانفرنس کرتے ہوئے قومی ٹیم کے کپتان سلمان علی آغا کا کہنا تھا کہ ٹیم کی کمبی نیشن میں فی الحال کوئی تبدیلی نہیں کی جا رہی اور وہی حکمت عملی برقرار رکھی جائے گی جو گزشتہ سیریز میں مؤثر ثابت ہوئی۔
قومی کرکٹ ٹیم کے کپتان نے کہا کہ ایشیا کپ میں کارکردگی متاثر کن نہیں رہی، تاہم گزشتہ وائٹ بال سیریز میں ٹیم نے مجموعی طور پر شاندار پرفارمنس دکھائی ہے، وہ اپنی فارم کو برقرار رکھنے کے لیے پوری محنت کریں گے۔
سلمان علی آغا نے مزید کہا کہ لوئر آرڈر کی کارکردگی بہتر ہے لیکن مڈل آرڈر وہ تسلسل نہیں دے سکا جو درکار ہوتا ہے۔ انہوں نے بتایا کہ ممکن ہے عبدالصمد کو نمبر 6 پر موقع فراہم کیا جائے۔
انہوں نے راولپنڈی کے شائقین کی بھرپور حمایت کا ذکر کرتے ہوئے کہا کہ تین ملکی ٹورنامنٹ میں کسی بھی ٹیم کو کمزور نہیں سمجھا جا سکتا اور کوشش ہوگی کہ اسکواڈ میں موجود تمام کھلاڑیوں کو بھرپور مواقع دیے جائیں۔
کپتان نے واضح کیا کہ ٹیم میں کوئی نمایاں تبدیلیاں نہیں کی جا رہیں، جنوبی افریقا کے خلاف کھیلنے والی ٹیم کو ہی برقرار رکھا جائے گا۔ ان کے مطابق گزشتہ کئی ماہ سے ٹیم کی حکمت عملی میں آل راؤنڈرز پر انحصار بڑھا ہے اور آئندہ بھی یہی طرز اختیار کیا جائے گا۔
ان کا مزید کہنا تھا کہ نئے کھلاڑیوں کو میدان میں لانا ترجیح ہے۔ “ہم کوشش کرتے ہیں کہ صائم اور میں دونوں باؤلنگ کریں، تاکہ کمبی نیشن متوازن رہے اور آل راؤنڈرز کو زیادہ سے زیادہ استعمال میں لایا جا سکے۔”
خیبرپختونخوا اور ضم اضلاع میں دہشت گردی کی مذمت ، امن جرگے کا اعلامیہ جاری