کرسٹیانو رونالڈو کو سعودی کلب چھوڑنے کی ایک بڑی پیشکش آگئی
اشاعت کی تاریخ: 19th, May 2025 GMT
پرتگال کے کرسٹیانو رونالڈو کو سعودی عرب میں فٹبال کریئر ختم کر کے فیفا کلب ورلڈ کپ میں شرکت کے لیے ایک بڑی پیشکش موصول ہوئی ہے۔
رونالڈو اس وقت سعودی پرو لیگ کے کلب النصر کی نمائندگی کر رہے ہیں، تاہم تین سیزنز گزرنے کے باوجود وہ لیگ ٹائٹل جیتنے میں ناکام رہے ہیں۔ اگرچہ رونالڈو نے مسلسل دو سیزنز میں ٹاپ سکورر کا اعزاز حاصل کیا مگر ٹیم کی سطح پر کامیابی محدود رہی ہے۔ النصر اب تک صرف عرب کلب چیمپئنز کپ 2023 جیت سکا ہے اور آئندہ سیزن کے لیے ایشین چیمپئنز لیگ میں بھی کوالیفائی نہیں کر سکا۔
دی مرر کے مطابق رونالڈو کا مبینہ طور پر 16 کروڑ 40 لاکھ پاؤنڈ سالانہ کا معاہدہ اسی موسم گرما میں ختم ہو رہا ہے، جس کے بعد ان کے مستقبل پر سوالیہ نشان ہے کہ آیا وہ سعودی عرب میں قیام جاری رکھیں گے یا نیا راستہ اختیار کریں گے۔
اس غیر یقینی صورتحال کے دوران معروف ہسپانوی اخبار مارکا کے مطابق ایک برازیلی کلب نے رونالڈو کو بڑی پیشکش کی ہے، جس کے تحت وہ آئندہ ماہ شروع ہونے والے کلب ورلڈ کپ میں شرکت کر سکتے ہیں۔ اگرچہ کلب کا نام ظاہر نہیں کیا گیا، تاہم برازیل کے چار کلب پالمیراس، فلیمینگو، فلومینینس اور بوٹا فوو اس ٹورنامنٹ میں شامل ہیں۔
کرسٹیانو رونالڈو ماضی میں کلب ورلڈ کپ میں شاندار کامیابی حاصل کر چکے ہیں اور چار بار یہ اعزاز جیت چکے ہیں، جن میں ایک بار مانچسٹر یونائیٹڈ اور تین بار ریال میڈرڈ کے ساتھ شامل ہے۔ اب دیکھنا یہ ہے کہ رونالڈو اس پیشکش کو قبول کرتے ہیں یا سعودی فٹبال میں ہی قیام جاری رکھتے ہیں۔
.ذریعہ: Daily Ausaf
پڑھیں:
ورلڈ بینک وفد کی وزیر آب پاشی سندھ سے ملاقات
ورلڈ بینک کے وفد سے وزیر آب پاشی سندھ جام خان شورو نے ملاقات کی۔
صوبائی وزیر نے وفد کو بتایا ملک میں سیلاب سے بہت نقصان ہوا ہے، ملاقات میں سندھ طاس معاہدے، سکھر و گڈو بیراج ری ہیبلیٹیشن اور اکرم کینال کی بحالی پر بھی گفتگو ہوئی۔
جام خان شورو نے کہا کہ سندھ حکومت ورلڈ بینک کے تعاون کو قدر کی نگاہ سے دیکھتی ہے۔
پاکستان اور آئی ایم ایف میں کلائمٹ فنانسنگ پروگرام کے تحت مذاکرات جاری