چینی سفیر کی ایئر چیف سے ملاقات ، پاک فضائیہ اور چین کے درمیان دفاعی تعاون پر تبادلہ خیال
اشاعت کی تاریخ: 20th, May 2025 GMT
راولپنڈی ( ڈیلی پاکستان آن لائن)پاکستان میں چین کے سفیر جیانگ زائیڈونگ نے ائیر ہیڈکوارٹرز اسلام آباد میں پاک فضائیہ کے سربراہ، ائیر چیف مارشل ظہیر احمد بابر سدھو سے ملاقات کی۔ اس موقع پر دونوں معزز شخصیات کے درمیان تفصیلی اور جامع گفتگو ہوئی، جس میں کارپوریٹ سطح پر روابط، دفاعی تعاون اور خطے کی بدلتی ہوئی جیو اسٹریٹیجک صورتحال پر تبادلہ خیال کیا گیا۔ فریقین نے ابھرتے ہوئے چیلنجز کا مقابلہ کرنے کے لیے مربوط اور اشتراکی حکمت عملی اپنانے کی ضرورت پر زور دیا اور موجودہ علاقائی سیکیورٹی حالات کے پیش نظر عملی تیاری اور فوری ردعمل کو ناگزیر قرار دیا۔
’’آپریشن سندور‘‘ پر تبصرہ کرنیوالے بھارتی پروفیسر علی خان محمود آباد کون ہیں اور اس وقت کس حال میں ہیں ۔۔؟ اہم تفصیلات سامنے آ گئیں
آئی ایس پی آر کے مطابق ائیر چیف نے چینی سفیر کا پرتپاک خیرمقدم کرتے ہوئے کہا کہ پاکستان اور چین کے تعلقات باہمی اعتماد، اسٹریٹیجک ہم آہنگی اور خطے میں امن و استحکام کے مشترکہ خواب پر مبنی ہیں۔ انہوں نے دونوں ممالک کو "آئرن برادرز" قرار دیتے ہوئے اس لازوال رشتے کو وقت کے ساتھ مزید مضبوط اور گہرا ہونے والا قرار دیا۔ ائیر چیف نے چین کی مسلسل حمایت اور دوستی پر شکریہ ادا کرتے ہوئے پاک فضائیہ کی جدید کاری، انسانی وسائل کی ترقی، ٹیکنالوجی کے تبادلے اور مشترکہ تحقیق و ترقی میں چین کے کردار کو سراہا۔ ملاقات میں اعلیٰ سطحی روابط کو باقاعدہ ادارہ جاتی شکل دینے، مشترکہ جنگی مشقوں کو وسعت دینے اور کثیرالملکی فریم ورکز کے ذریعے مشترکہ خطرات سے نمٹنے کی حکمت عملی پر بھی اتفاق ہوا۔
جنرل سید عاصم منیر کی فیلڈ مارشل کے عہدے پر ترقی کا نو ٹی فیکیشن جاری
چینی سفیر نے حالیہ مشرقی سرحدی کشیدگی کے دوران پاک فضائیہ کے شاندار آپریشنل معیار اور اس کی اعلیٰ صلاحیتوں کو سراہا اور کہا کہ یہ پیشہ ورانہ مہارت اور قومی دفاع کے عزم کا مظہر ہے۔ انہوں نے چینی ساختہ ٹیکنالوجی اور سازوسامان کے مؤثر استعمال اور دشمن کی جارحیت کو مؤثر انداز میں روکنے پر پاک فضائیہ کو خراج تحسین پیش کیا۔ انہوں نے کہا کہ جدید سسٹمز کے مقامی حل اور اسٹریٹیجک بصیرت کے ذریعے قومی مفادات کا تحفظ موجودہ قیادت کی دوراندیشی کا ثبوت ہے۔ چینی سفیر نے پاک فضائیہ کی خود انحصاری کی پالیسی کی تعریف کرتے ہوئے اس بات پر زور دیا کہ مقامی سطح پر ٹیکنالوجی کی ترقی پر مسلسل توجہ پاکستان کے دفاع کو مزید مستحکم کرے گی۔
بھارت نے پاکستان سے مار کھائی اور انگلی چین پر اٹھارہا ہے: مصدق ملک
یہ ملاقات پاکستان اور چین کے دیرینہ اسٹریٹیجک تعلقات کو مزید مضبوط بنانے اور اشتراکی تعاون کو نئی جہتوں تک لے جانے کے عزم کی
غماز ہے۔
مزید :.
ذریعہ
ذریعہ: Daily Pakistan
کلیدی لفظ: پاک فضائیہ چینی سفیر چین کے
پڑھیں:
پاکستان کا بنگلہ دیش کے ساتھ تعلیمی تعاون بڑھانے کا عزم، ڈھاکہ یونیورسٹی کے شعبہ اردو میں کمپیوٹر لیب قائم
پاکستان نے بنگلہ دیش کے ساتھ تعلیمی اور علمی تعاون کو مزید مضبوط بنانے کے عزم کا اعادہ کرتے ہوئے ڈھاکہ یونیورسٹی کے شعبہ اردو کو نئے کمپیوٹر عطیہ کر دیے، جبکہ پاکستانی ہائی کمیشن کے تعاون سے قائم جدید کمپیوٹر لیبارٹری اور تزئین و آرائش شدہ کلاس رومز کا بھی افتتاح کر دیا گیا۔
تقریب میں بنگلہ دیش میں پاکستان کے ہائی کمشنر عمران حیدر اور ڈھاکہ یونیورسٹی کے وائس چانسلر پروفیسر ڈاکٹر اے بی ایم عبیدالاسلام نے مشترکہ طور پر کمپیوٹر لیب کا افتتاح کیا۔ اس موقع پر دونوں رہنماؤں نے تعلیم، تحقیق، ثقافتی روابط اور انسانی وسائل کی ترقی کے شعبوں میں تعاون کو مزید وسعت دینے پر اتفاق کیا۔
ہائی کمشنر عمران حیدر نے افتتاحی تقریب سے خطاب کرتے ہوئے کہا کہ کمپیوٹر لیب کا قیام صرف نئی سہولیات کی فراہمی نہیں بلکہ پاکستان اور بنگلہ دیش کے درمیان تعلیم، ثقافتی ہم آہنگی اور نئی نسل کے روشن مستقبل کے لیے مشترکہ عزم کی علامت ہے۔ انہوں نے امید ظاہر کی کہ جدید لیبارٹری طلبہ اور اساتذہ کی صلاحیتوں میں اضافے، تحقیق کے فروغ اور معیاری تعلیم کے حصول میں اہم کردار ادا کرے گی۔
انہوں نے کہا کہ تعلیم باہمی اعتماد، تعاون اور عوامی روابط کو فروغ دینے کا مؤثر ذریعہ ہے، اسی مقصد کے تحت پاکستانی ہائی کمیشن مختلف تعلیمی اور علمی تعاون کے منصوبوں پر کام کر رہا ہے۔ ان کے مطابق دونوں ممالک کی جامعات کے درمیان مشترکہ تحقیقی منصوبوں، اساتذہ اور طلبہ کے تبادلہ پروگرام، سمسٹر ایکسچینج، مشترکہ ڈگری پروگرامز اور قلیل مدتی تربیتی کورسز شروع کرنے کے وسیع امکانات موجود ہیں۔
اس سے قبل ہائی کمشنر عمران حیدر نے وائس چانسلر پروفیسر ڈاکٹر اے بی ایم عبیدالاسلام سے ملاقات کی، جس میں ڈھاکہ یونیورسٹی اور پاکستان کی مختلف جامعات کے درمیان تعلیمی روابط بڑھانے اور مشترکہ تحقیقی سرگرمیوں کو فروغ دینے پر تبادلہ خیال کیا گیا۔
یہ بھی پڑھیں:بنگلہ دیش میں طارق رحمان کی وزراتِ عظمیٰ: پاک بنگلہ دیش تعلقات میں تاریخی پیشرفت کے مواقع
وائس چانسلر نے پاکستانی ہائی کمیشن کی جانب سے شعبہ اردو کی ترقی کے لیے فراہم کیے گئے تعاون پر شکریہ ادا کرتے ہوئے کہا کہ 1921 میں قائم ہونے والا شعبہ اردو یونیورسٹی کے قدیم اور ممتاز شعبوں میں شمار ہوتا ہے، جہاں اس وقت بی ایس (آنرز)، ماسٹرز، ایم فل اور پی ایچ ڈی کی سطح پر تعلیم دی جا رہی ہے۔ انہوں نے امید ظاہر کی کہ پاکستان کا تعاون مستقبل میں بھی جاری رہے گا، جس سے دونوں ممالک کے درمیان تاریخی، ثقافتی اور تعلیمی تعلقات مزید مستحکم ہوں گے۔
تقریب میں فیکلٹی آف آرٹس کے ڈین پروفیسر ڈاکٹر محمد ابوالکلام سرکار، شعبہ اردو کے چیئرمین ایسوسی ایٹ پروفیسر محمد غلام مولا، پروفیسر ڈاکٹر محمد غلام ربانی، پاکستانی ہائی کمیشن کے ڈپٹی ہائی کمشنر محمد واصف سمیت اساتذہ، طلبہ اور دونوں ممالک کے حکام نے بھی شرکت کی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
پاک بنگلہ دیش پاکستان پروفیسر ڈاکٹر محمد ابوالکلام سرکار ڈھاکہ یونیورسٹی کمپیوٹر لیب
ٹی20 ورلڈ کپ 2026: پاکستان نے سپر 8 کے لیے جگہ پکی کر لی