وزیر صحت کی برطانوی چیف میڈیکل ایڈوائزر سے ملاقات، اہم امور پر تبادلہ خیال
اشاعت کی تاریخ: 20th, May 2025 GMT
وزیر صحت مصطفی کمال نے برطانیہ کے ہیلتھ سیکیورٹی ایجنسی کے چیف میڈیکل ایڈوائزر، سے ملاقات کی جس میں صحت کے شعبے میں دوطرفہ تعاون اور باہمی دلچسپی کے امور پر تبادلہ خیال کیا گیا
ترجمان وزارت صحت کا کہنا تھا کہ ملاقات میں وزیر صحت نے انٹیگریٹڈ ڈیزیز سرویلنس اینڈ ریسپانس اور انٹرنیشنل ہیلتھ ریگولیشنز میں تعاون پر چیف میڈیکل ایڈوائزر کا شکریہ ادا کیا۔
اس موقع پر وزیر صحت مصطفی کمال کا کہنا تھا کہ برطانیہ نے پاکستان میں بیماریوں کی بروقت شناخت اور فوری ردعمل کے لیے (IDSR) کے قیام میں سپورٹ فراہم کی ھے۔
وفاقی وزیر کا کہنا تھا کہ نظام کے تحت ملک بھر کے 15,000 پرائمری ہیلتھ کیئر کے فزیشنز کو IDSR پر تربیت دی گئی ہے جس میں برطانیہ کی ہیلتھ سیکیورٹی ایجنسی (UKHSA) کا بھرپور تعاون حاصل ہے جو 2016 سے پاکستان میں صحت کے شعبے میں اہم کردار ادا کر رہی ہے۔
مصطفی کمال نے صحت کے شعبے میں جاری اصلاحات صحت کی سہولیات کی رسائی کے منصوبوں پر بھی روشنی ڈالی اور کہا کہ جدید ٹیکنالوجی سے استفادہ کرتے ہوے ٹیلی میڈیسن کے منصوبے کا آغاز کیا جارھا ھے۔
مصطفیٰ کمال کا مزید کہنا تھا کہ مریضوں کی موثر نگہداشت کیلئے ون پیشنٹ ون آئی ڈی کا نظام بھی متعارف کروا رھے ہیں۔ وزیر صحت مصطفی کمال نے چیف میڈیکل ایڈوائزر کو پاکستان کے دورے کی بھی دعوت دی۔
.ذریعہ: Express News
کلیدی لفظ: کہنا تھا کہ مصطفی کمال
پڑھیں:
پاکستان کا ایک اور عالمی اعزاز، ڈبلیو ایچ او نے ٹریکوما کے خاتمے پر اعلیٰ ایوارڈ سے نواز دیا
عالمی ادارۂ صحت نے ٹریکوما کے خاتمے پر پاکستان کو عالمی ایوارڈ سے نواز دیا، یہ ایوارڈ وفاقی وزیر صحت سید مصطفیٰ کمال نے وصول کیا۔
ایکسپریس نیوز کے مطابق پاکستان کو عالمی سطح پر اعلیٰ اعزاز ملا، عالمی ادارۂ صحت نے ٹریکوما کے خاتمے پر وفاقی وزیر صحت یہ اعزاز دیا۔
ترجمان وزارت صحت کے مطابق ورلڈ ہیلتھ اسمبلی جنیوا کے دوران پاکستان کو اعزاز سے نوازا گیا اور مصطفی کمال کو ڈبلیو ایچ او کے ڈائریکٹر جنرل نے ایک اعزازی سرٹیفکیٹ پیش کیا۔
وزیر صحت مصطفیٰ کمال نے کہا کہ یہ پاکستان کے لیے ایک عظیم سنگ میل ہے، یاد رہے ٹریکوما ایک بیکٹیریا سے پیدا ہونے والی آنکھوں کی بیماری ہے جو اگر بروقت علاج نہ ہو تو مستقل نابینائی کا سبب بن سکتی ہے۔
انہوں نے کہا کہ یہ پاکستان کی عوامی صحت کے شعبے میں ایک بڑی کامیابی ہے۔ وفاقی وزیر صحت کا کہنا تھا کہ حکومت نے پولیو کے خاتمے کے لئے بھی ایسا کرنے کا عہد کیا۔
دنیا کے غریب ترین صدر خوسے موہیکا کی جدوجہد بھری زندگی کا اختتام