چین: سیلابی ریلے میں بہتے شخص لمحوں میں کیسے بچایا گیا؟ ویڈیو وائرل
اشاعت کی تاریخ: 29th, June 2025 GMT
چینی شہر لیوزہو میں جب تیز بہاؤ والے پانی نے ریسکیو ٹیموں کی آمد ناممکن بنا دی، تو قریبی ہمسائے مسٹر لائی نے اپنی ذہانت سے کام لیتے ہوئے ایک منفرد ریسکیو پلان بنایا اور لمحوں میں ہمسائے کو بچا لیا۔
Daring China DRONE rescue from Guanxi region floods
Man trapped on collapsing roof flown to safety by huge UAV
Towns and villages across region submerged by floodwaters pic.
— RT (@RT_com) June 28, 2025
عام طور پر اینٹیں، سیمنٹ یا زہریلی ادویات چھڑکنے کے لیے استعمال ہونے والا ان کا زرعی ڈرون 100 کلوگرام وزن اٹھانے کی صلاحیت رکھتا تھا۔ مسٹر لائی نے رسی کے ایک سرے پر بوری باندھ کر سیفٹی بکل لگایا، اور ڈرون کو چھت پر پھنسے نوجوان تک بھیجا۔ فون پر ہدایات دیتے ہوئے نوجوان کو بٹھایا گیا اور ہاتھ پاؤں رسی سے باندھ دیے گئے۔
صرف 2 منٹ میں حیرت انگیز ریسکیوشہریوں کی بنائی گئی ویڈیو میں دیکھا جا سکتا ہے کہ نوجوان ڈرون سے 65 فٹ فضا میں لٹکا ہوا ہے، اور ڈرون درختوں اور بجلی کے کھمبوں سے بچتا ہوا اُسے سڑک پر لا کر چھوڑ دیتا ہے۔
مسٹر لائی نے اعتراف کیا کہ یہ اقدام قانونی طور پر ممنوع تھا، لیکن فوری طور پر جان بچانا اُن کی اولین ترجیح تھی۔ ان کا کہنا تھا کہ ’مجھے معلوم ہے کہ انسان کو ڈرون سے اُڑانا غیر قانونی ہے، لیکن میں صرف اُس شخص کی جان بچانا چاہتا تھا۔ میں کسی کو ایسا کرنے کی تجویز نہیں دوں گا‘۔
بارشوں نے تباہی مچا دییاد رہے کہ چین کے جنوب مشرقی علاقوں یُنان، گویژو، گوانگشی اور ہینان میں 13 بڑے دریا اپنی خطرے کی حد سے اوپر بہنے لگے ہیں۔ صرف رونگجیانگ شہر میں 2 دنوں میں معمول سے دُگنی بارش ہوئی، جس کے نتیجے میں چھ افراد ہلاک اور 80 ہزار سے زائد افراد نقل مکانی پر مجبور ہوئے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
چین چین بارشیں چین سیلاب ڈرونذریعہ: WE News
کلیدی لفظ: چین چین بارشیں چین سیلاب
پڑھیں:
میاں منظور وٹو کی گاڑی میں بیٹھ کر نماز جنازہ کی ادائیگی، ویڈیو سوشل میڈیا پر وائرل
سابق وزیراعلیٰ پنجاب اور سینیئر سیاستدان میاں منظور احمد وٹو کی ایک ویڈیو سوشل میڈیا پر وائرل ہوگئی ہے جس میں انہیں نمازِ جنازہ کے دوران ایئرکنڈیشنڈ گاڑی میں بیٹھے ہوئے دکھایا گیا، جب کہ دیگر افراد شدید گرمی میں صفوں میں کھڑے ہو کر نماز ادا کررہے تھے۔ یہ ویڈیو سوشل میڈیا پر شدید عوامی تنقید کا نشانہ بن رہی ہے۔
ویڈیو میں واضح طور پر دیکھا جا سکتا ہے کہ نمازِ جنازہ ادا کی جا رہی ہے، جبکہ میاں منظور وٹو اپنی گاڑی میں موجود ہیں جو کہ بظاہر صفِ اول میں کھڑی ہے۔
اس منظر کو دیکھتے ہوئے متعدد صارفین نے سوال اٹھایا ہے کہ اگر وہ شرکت کے خواہشمند تھے تو گاڑی کو پیچھے کھڑا کرکے ویل چیئر یا کرسی کا استعمال کیا جا سکتا تھا۔
میاں منظور وٹو نماز جنازہ پر گئے گرمی میں لوگوں کے ساتھ کھڑے ہونے کے بجائے اپنی AC والی گاڑی میں نماز جنازہ پڑھی ان کو کہتے ہیں طاقت ور اشرافیہ pic.twitter.com/hzd3PsmHJQ
— Mian Naeem (@Miannaeem07) June 29, 2025
صارفین نے منظور وٹو کے طرز عمل کو طاقتور اشرافیہ کی علامت قرار دیا ہے، جو خود کو عوام سے بالاتر سمجھتے ہیں۔ ایک صارف نے تبصرہ کرتے ہوئے کہاکہ ایسی حرکتیں عام آدمی اور اشرافیہ کے درمیان فرق کو مزید نمایاں کرتی ہیں۔
میاں منظور وٹو جو ماضی میں پنجاب اسمبلی کے اسپیکر اور وزیر اعلیٰ جیسے اہم عہدوں پر فائز رہ چکے ہیں، اس ویڈیو کے بعد سوشل میڈیا پر عوامی تنقید کی زد میں آ گئے ہیں۔
ناقدین کا کہنا ہے کہ ایسے واقعات عوام کے سیاسی رہنماؤں پر اعتماد کو مجروح کرتے ہیں۔
دوسری جانب تاحال میاں منظور وٹو یا ان کے کسی ترجمان کی جانب سے اس معاملے پر کوئی ردعمل سامنے نہیں آیا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews پیپلزپارٹی رہنما سوشل میڈیا گاڑی منظور وٹو نماز جنازہ وی نیوز ویڈیو وائرل
پیپلز پارٹی کا بجٹ میں متنازع شقوں میں ترمیم کا مطالبہ، کابینہ آج نظر ثانی شدہ بجٹ کی منظوری دے گی