غزہ میں خوف زدہ اسرائیلی فوجی نے اپنے ہی ساتھی کو بھون ڈالا
اشاعت کی تاریخ: 21st, May 2025 GMT
حماس کے خلاف آپریشن کے دوران غزہ کے جنوبی اور شمالی علاقوں میں ایک ایک اسرائیلی فوجی ہلاک ہوگئے اور دونوں ہی اپنے ساتھیوں کی کوتاہی کے باعث مارے گئے۔
ایک فوجی کے مارے جانے کا پہلا واقعہ جنوبی غزہ کے علاقے خان یونس میں اُس وقت پیش آیا جب فوجی ٹیم ایک عمارت میں حماس کے جنگجوؤں کی تلاش میں اندر داخل ہوئی تھی۔
اسرائیلی میڈیا کے مطابق جیسے ہی اسرائیلی فوج کے اہلکار عمارت میں داخل ہوئے۔ زور دار دھماکا ہوگیا اور عمارت ملبے کا ڈھیر بن گئی۔
اس واقعے میں ایک اسرائیلی فوجی موقع پر ہی ہلاک ہوگیا جب کہ دوسرا اہلکار شدید زخمی ہوگیا۔ زخمی اہلکار کو اسپتال منتقل کردیا گیا۔
ہلاک ہونے والے اہلکار کی شناخت 20 سالہ اسٹاف سارجنٹ ڈینیلو موکانو کے نام سے ہوئی جس کی لاش کو کئی گھنٹوں کی کوششوں کے بعد ملبے سے نکالا گیا۔
اسرائیلی فوج کے ترجمان نے بتایا کہ عمارت میں داخل ہونے سے قبل ڈرون اور بم سونگھنے والے کتے کی مدد سے ابتدائی جانچ بھی کی گئی تھی۔
دوسری جانب غزہ کے شمالی علاقے میں اسرائیلی فوج کی کارروائی کے دوران ایک اہلکار نے دوسری فوجی ٹیم کے اہلکار کو حملہ آور سمجھ کر فائرنگ کردی۔
یہ واقعہ اُس وقت پیش آیا جب اسرائیلی فوجی ایک سرنگ کو تباہ کر رہے تھے اور وہاں اسرائیلی فوج کی دوسری ٹیم پہنچ گئی۔
اسرائیلی فوج کی پہلی ٹیم کے ایک اہلکار نے دوسری ٹیم کے اہلکار کو حملہ آور سمجھ کر اس پر اندھا دھند فائرنگ کردی تھی۔
اسرائیلی فوج نے تصدیق کی کہ غلطی سے اپنے ہی ساتھی فوجی کی گولی سے مارے جانے والا اہلکار سارجنٹ 20 سالہ یوسف یہودا چرک تھا۔
.
ذریعہ: Express News
کلیدی لفظ: اسرائیلی فوجی اسرائیلی فوج
پڑھیں:
کراچی: زیر تعمیر عمارت سے گر کر مزدور جاں بحق
کلفٹن بلاک 2 ضیا الدین اسپتال کے قریب زیر تعمیر عمارت سے گرکر ایک شخص جاں بحق ہوگیا۔
تفصیلات کے مطابق بوٹ بیسن تھانے کی حدود کلفٹن بلاک 2 ضیاءالدین اسپتال کے قریب واقع ایک زیر تعمیر بلڈنگ کی پندرہویں منزل سے گر کر ایک مزدور جاں بحق ہوگیا۔ واقعہ بدھ کی شام ساڑھے پانچ بجے کے قریب پیش آیا۔
اطلاع ملنے پرپولیس اور فلاحی ادارے کے رضا کارموقع پرپہنچے اور لاش ضابطے کی کارروائی کیلئے جناح اسپتال منتقل کی گئی۔
ایس ایچ او ریاض نیازی کے مطابق متوفی کی شناخت 24 سالہ علی اصغر ولد جلال خان کے نام سے ہوئی، جو بلڈنگ کی بالائی منزل سے ریمپ اتاررہا تھاکہ وہ اپنا توازن برقرارنہیں رکھ سکا اور پندرویں منزل سے گرکر موقع پر جاں بحق ہوگیا۔
ایس ایچ او کے مطابق متوفی کا آبائی تعلق کشمور سے تھا،جبکہ متوفی نوجوان کے رشتے داروں سے پولیس نے رابط کیا اور ضروری کارروائی کے بعد لاش رشتے داروں کے حوالے کردی گئی ہے۔
متوفی کے رشتے داروں کا کہنا تھاکہ تدفین سے فارغ ہوکر واقعے کا مقدمہ درج کرائیں گے۔
دورہ سی ایم ایچ راولپنڈی، زخمیوں کی عیادت، قوم جارحیت سے نمٹنے کیلئے پرعزم: صدر