برطانیہ؛ مستقبل کی ملکہ شہزادی کیٹ مڈلٹن کا نیا مومی مجسمہ سب کی نگاہوں کا مرکز بن گیا
اشاعت کی تاریخ: 21st, May 2025 GMT
برطانیہ کی شہزادی آف ویلز کیٹ مڈلٹن کا نیا مجسمہ عالمی شہرت یافتہ میوزیم "میڈم تساؤز لندن" میں عوام کے سامنے پیش کر دیا گیا۔
عالمی خبر رساں ادارے کے مطابق یہ نیا مجسمہ دسمبر 2023 میں کنگ چارلس کی دوسری سالانہ سفارتی استقبالیہ تقریب میں شہزادی کے خوبصورت لباس سے متاثر ہو کر تیار کیا گیا۔
میڈم تساؤز لندن کی اسٹوڈیو مینیجر جو کنسی نے بتایا کہ پرنسز آف ویلز ایک خوبصورت ہلکے گلابی رنگ کے گاؤن میں ملبوس ہیں جو مشہور فیشن ڈیزائنر جینی پیکہم نے تیار کیا تھا۔
مجسمے میں شہزادی نے مشہور"لوورز ناٹ ٹائرا اور گریول ڈائمنڈ‘‘ زیورات اور جھمکوں کی نقل بھی پہن رکھی ہے۔
جو کنسی نے مزید بتایا کہ اس مومی مجسمے کی تیاری میں تقریباً 12 ماہ لگے اور 20 ماہر فنکاروں نے اس کی باریکیوں پر کام کیا۔
یہ نیا مجسمہ "رائل پیلس ایکسپیرینس" سیکشن میں رکھا گیا ہے۔ جہاں پہلے ہی پرنس ولیم، کنگ چارلس اور ملکہ کامیلا سمیت دیگر شاہی افراد کے مومی مجسمے بھی موجود ہیں۔
یاد رہے کہ میڈم تساؤز لندن نے پہلی بار 2012 میں ولیم اور کیٹ کی شادی کے ایک سال بعد جوڑے کے مومی مجسمے رکھے گئے تھے۔
.
ذریعہ: Express News
پڑھیں:
کراچی میں معمولی زلزلے کے جھٹکے محسوس کیے گئے
محکمہ موسمیات کے مطابق کراچی کے مختلف علاقوں میں معمولی زلزلے کے جھٹکے محسوس کیے گئے، جن کی شدت 2.2 ریکارڈ کی گئی۔ زلزلے کا مرکز ڈیفنس ہاؤسنگ اتھارٹی (ڈی ایچ اے) کے شمال میں تقریباً 24 کلومیٹر کے فاصلے پر تھا اور گہرائی 10 کلومیٹر تھی۔ یہ جھٹکے دوپہر 3 بج کر 39 منٹ پر محسوس کیے گئے۔
اس سے قبل یکم اکتوبر کو بھی کراچی کے علاقے ملیر میں زلزلے کے جھٹکے آئے تھے۔ زلزلہ پیما مرکز کے مطابق اس وقت شدت 3.2 ریکارڈ کی گئی تھی اور زلزلے کا مرکز ملیر کے شمال مغرب میں تقریباً 7 کلومیٹر کے فاصلے پر زیر زمین 10 کلومیٹر کی گہرائی میں تھا۔
فی الحال کسی جانی یا مالی نقصان کی اطلاع نہیں ملی، اور محکمہ موسمیات نے شہریوں کو فی الحال گھبرانے کی ضرورت نہ ہونے کی ہدایت کی ہے۔
ڈی جی این سی سی اے وقارالدین سید کو ہٹا دیا گیا، سید خرم علی تعینات