ایران اسرائیل جنگ: 935 ایرانی شہری شہید، خواتین اور بچوں کی بھی بڑی تعداد شامل
اشاعت کی تاریخ: 30th, June 2025 GMT
data-id="863a0a8" data-element_type="widget" data-widget_type="theme-post-content.default">
تہران سے موصولہ اطلاعات کے مطابق ایران اور اسرائیل کے درمیان 12 روزہ جنگ کے دوران اسرائیلی حملوں میں شہید ہونے والے ایرانی شہریوں کی تعداد 900 سے تجاوز کر گئی ہے۔
ایرانی سرکاری میڈیا کے مطابق اب تک مجموعی طور پر 935 ایرانی شہری شہید ہو چکے ہیں، جن میں 132 خواتین اور 38 بچے بھی شامل ہیں۔ یہ اعداد و شمار ایرانی وزارت انصاف کے ترجمان نے جاری کیے۔
اسرائیل نے 13 جون کو ایران پر حملوں کا آغاز کیا تھا۔ ابتدائی حملوں میں ایرانی فوج کے اعلیٰ افسران اور جوہری سائنسدانوں کو نشانہ بنایا گیا۔ جواباً ایران نے بھی اسرائیلی علاقوں پر شدید میزائل حملے کیے، جن میں 28 اسرائیلی شہری ہلاک ہوئے۔
ذرائع کے مطابق جنگ کے دوران امریکا نے بھی مداخلت کرتے ہوئے فردو، اصفہان اور نطنز میں واقع ایران کی جوہری تنصیبات پر فضائی حملے کیے، جنہیں مکمل طور پر تباہ کرنے کا دعویٰ کیا گیا ہے۔
واضح رہے کہ ایران اور اسرائیل کے درمیان یہ شدید تنازع 24 جون کو جنگ بندی کے اعلان کے بعد وقتی طور پر تھم گیا ہے۔ تاہم خطے میں کشیدگی اب بھی برقرار ہے۔
.ذریعہ: Jasarat News
پڑھیں:
کراچی میں ڈاکو راج، ایک اور شہری مزاحمت پر زندگی کی بازی ہار گیا، رواں سال کی تعداد 67 ہوگئی
شہر میں جاری ڈاکو راج کے ڈاکوؤں نے ایک اور شہری کی جان لے لی، جس کے بعد رواں سال میں اب تک ڈکیتی مزاحمت پر مارے جانے والے شہریوں کی تعداد 67 ہوگئی۔
ایکسپریس نیوز کے مطابق ڈسٹرکٹ ویسٹ اقبال مارکیٹ اورنگی ٹاؤن میں چند روز کے دوران ڈکیتی کے دوران مزاحمت پر ڈاکوؤں کی فائرنگ سے ایک اور شہری کے قتل نے پولیس کی کارکردگی کا پول کھول دیا۔
مقتول دکاندار نے بہادری کا مظاہرہ کرتے ہوئے ایک ڈاکو سے اسلحہ چھین کر اسے فائرنگ کر نشانہ بنا کر شدید زخمی کر دیا جسے پولیس نے گرفتار کرلیا۔
اقبال مارکیٹ تھانے کی حدود اورنگی ٹاؤن سیکٹر ساڑھے گیارہ خلیل مارکیٹ کے علاقے میں دنداناتے ہوئے ڈاکوؤں نے لوٹ مار کے دوران مزاحمت پر ایک اور شہری کو موت کے گھاٹ اتار دیا جس کی شناخت 35 سالہ نور عالم ولد شیر عالم کے نام سے کی گئی۔
اس حوالے سے ترجمان ڈسٹرکٹ ویسٹ پولیس کے مطابق اقبال مارکیٹ تھانے کے علاقے خلیل مارکیٹ میں گیس سلینڈر کی دکان پر مسلح ملزمان ڈکیتی کی کوشش کر رہے تھے کہ اس دوران دکاندار نور عالم نے مزاحمت کی تو ملزمان نے فائرنگ کر کے اسے زخمی کر دیا تاہم زخمی دکاندار نے بہادری کا مظاہرہ کرتے ہوئے دوران مزاحمت ایک ملزم سے اسلحہ چھین کر فائرنگ کر کے اسے شدید زخمی کر دیا جس کی شناخت عبدالرحیم ولد محمد اسلم کے نام سے کی گئی۔
پولیس کو جائے وقوعہ سے 30 بور پستول ، گولیاں اور 3 چلیدہ خول ملے ہیں جبکہ زخمی دکاندار اور گرفتار ملزم کو طبی امداد کے لیے اسپتال منتقل کر دیا گیا جبکہ گرفتار ملزم عادی جرائم پیشہ اور اس سے قبل بھی قتل ، پولیس مقابلہ ، ڈکیتی اور اسلحہ کے مقدمات میں گرفتار ہوچکا ہے۔
ڈاکوؤں کی فائرنگ سے شدید زخمی ہو کر دکاندار کے جاں بحق ہونے پر علاقہ مکینوں میں شدید اشتعال پھیل گیا اور انھوں نے پولیس کی کارکردگی کو شدید تنقید کا نشانہ بناتے ہوئے پولیس کے اعلیٰ افسران سے مطالبہ کیا ہے کہ ڈسٹرکٹ ویسٹ میں لوٹ مار کی وارداتوں پر قابو پانے میں سنجیدہ اقدامات کیے جائیں تاکہ مکینوں کو بھی احساس تحفظ ہو سکے۔
حالیہ واقعے کے بعد رواں سال شہر میں ڈکیتی کے دوران مزاحمت پر ڈاکوؤں کی فائرنگ سے جاں بحق افراد کی مجموعی تعداد 67 ہوگئی۔
واضح رہے کہ چند روز قبل اسی تھانے کی حدود میں سفاک ڈاکوؤں نے گھر کی دہلیز پر معصوم بیٹے کے سامنے باپ کو فائرنگ کا نشانہ بنا کر ابدی نیند سلا دیا تھا اور اس واقعے کے بعد ایس ایچ او اقبال مارکیٹ کو معطل کر کے ایک درجے تنزلی بھی کر دی گئی تھی
پاکستان اور آئی ایم ایف میں کلائمٹ فنانسنگ پروگرام کے تحت مذاکرات جاری