عالمی برادری نتین یاہو کو سزا دلوانے کیلئے کارروائی کرے، حماس
اشاعت کی تاریخ: 22nd, May 2025 GMT
اپنے ایک جاری بیان میں فلسطین کی مقاومت اسلامی کا کہنا تھا کہ ہمیں ایک ایسے مجرم کا سامنا ہے جو قتل و نسل کشی کے جنون میں مبتلا ہے۔ اسلام ٹائمز۔ آج صبح فلسطین کی مقاومتی تحریک "حماس" نے صیہونی وزیراعظم "نتین یاہو" کے ٹرائل کا مطالبہ کر دیا۔ حماس نے ایک بیان جاری کرتے ہوئے کہا کہ نتین یاہو کے بیانات اس بات کی تصدیق کرتے ہیں کہ ہمیں ایک ایسے مجرم کا سامنا ہے جو قتل و نسل کشی کے جنون میں مبتلا ہے۔ وہ اپنے مفادات کی خاطر خطے کو آگ کے دہانے پر لے جا رہا ہے۔ نتین یاہو کا عارضی جنگ بندی پر اصرار، مذاکرات کو بے نتیجہ کرنے اور صیہونی قیدیوں کی رہائی کو خطرے میں ڈالنے کے سوا کچھ بھی نہیں۔ حماس نے مزید کہا کہ واشنگٹن اس بات کی وضاحت کرے کہ صیہونی وزیراعظم کیوں فلسطینیوں کی جبری نقل مکانی کے لئے ڈونلڈ ٹرامپ کے پیش کردہ منصوبے کو اپنا جنگی ہدف قرار دے رہے ہیں۔ حماس نے واضح الفاظ میں کہا کہ عالمی برادری کو چاہئے کہ وہ غزہ کی پٹی میں فلسطینیوں کے وحشیانہ قتل عام کو بند کروانے کے لئے اقدامات اور نتین یاہو کے خلاف کارروائی کریں۔ انہوں نے کہا کہ اسرائیلی وزیراعظم بین الاقوامی قوانین و کنونشنز کی خلاف ورزی کرتے ہوئے وحشیانہ نسل کشی، قحط اور جبری نقل مکانی کے اپنے جرائم پر مہر تصدیق ثبت کر رہے ہیں۔
.
ذریعہ
ذریعہ: Islam Times
پڑھیں:
ایڈیشنل ایڈووکیٹ جنرل خیبر پختونخوا اپنے عہدے سے مستعفی
محمد انعام یوسفزئی کا کہنا تھا کہ بطور ایڈیشنل ایڈووکیٹ جنرل ذمہ داری ادا کرنا میرے لیے اعزاز کی بات ہے، تاہم مزید اس پوسٹ پر کام جاری نہیں رکھ سکتا۔ اسلام ٹائمز۔ ایڈیشنل ایڈووکیٹ جنرل خیبرپختونخوا محمد انعام یوسفزئی نے استعفا دے دیا۔ محمد انعام یوسفزئی کا کہنا تھا کہ بطور ایڈیشنل ایڈووکیٹ جنرل ذمہ داری ادا کرنا میرے لیے اعزاز کی بات ہے، تاہم مزید اس پوسٹ پر کام جاری نہیں رکھ سکتا۔ مستعفی ہونے والے ایڈیشنل ایڈووکیٹ جنرل کا کہنا تھا کہ وزیر قانون اور سیکرٹری قانون کا شکریہ ادا کرتا ہوں۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار