لانڈھی نمبر 4 میں آئل ٹینکر الٹ گیا، ہزاروں لیٹر تیل ضائع، ڈرائیور گرفتار
اشاعت کی تاریخ: 22nd, May 2025 GMT
کراچی کے علاقے لانڈھی نمبر 4 کے قریب صبح پانچ بجے کے قریب ایک آئل ٹینکر الٹنے کا واقعہ پیش آیا، جس کے باعث علاقے میں ہنگامی صورتِ حال نافذ کر دی گئی۔ حادثے کے فوراً بعد پولیس اور رینجرز موقع پر پہنچ گئے اور جائے وقوعہ کو مکمل طور پر سیل کر کے عوام کو دور کر دیا۔
پولیس کے مطابق ٹینکر میں 50 ہزار لیٹر کروڈ آئل موجود تھا، جس میں سے تقریباً آدھا تیل سڑک پر بہہ گیا جبکہ باقی تیل کو دوسرے ٹینکر میں منتقل کر دیا گیا۔ کسی بھی ممکنہ ہنگامی صورتحال سے نمٹنے کے لیے فائر بریگیڈ کی ٹیم بھی جائے وقوعہ پر موجود رہی۔
ٹینکر کو کرین کی مدد سے سیدھا کیا گیا اور بعد ازاں ہٹا دیا گیا۔ ابتدائی تحقیقات کے مطابق حادثہ ڈرائیور کو نیند آنے کے باعث پیش آیا۔ پولیس نے ڈرائیور کو حراست میں لے کر تھانے منتقل کر دیا ہے۔
حکام کے مطابق آئل ٹینکر پورٹ قاسم سے کورنگی کراسنگ کی طرف جا رہا تھا کہ راستے میں یہ حادثہ پیش آیا۔ خوش قسمتی سے کسی قسم کا جانی نقصان نہیں ہوا، تاہم تیل کے ضیاع کے باعث سڑک پر پھسلن اور ماحولیاتی آلودگی کا خدشہ پیدا ہو گیا ہے، جس پر قابو پانے کے لیے صفائی کا عمل جاری ہے۔
Post Views: 3.
ذریعہ
ذریعہ: Daily Mumtaz
پڑھیں:
لاہور، کرایہ داری ایکٹ کی خلاف ورزی پر رواں سال اب تک4727 ملزمان گرفتار
لاہور (اُردو پوائنٹ اخبارتازہ ترین - اے پی پی۔ 03 جون2026ء) لاہور پولیس نے کرایہ داری ایکٹ کی خلاف ورزی پر رواں سال اب تک 4 ہزار سے زائد ملزمان کو گرفتار کر لیا ۔ترجمان لاہور پولیس کے مطابق اقبال ٹائون ڈویژن میں کرایہ داری ایکٹ کی خلاف ورزی پر سب سے زیادہ 2132 ملزمان گرفتار کیے گئے جبکہ صدر ڈویژن میں 1555 اور سٹی ڈویژن میں 1040 افراد کو حراست میں لیا گیا، شہر کے مختلف تھانوں میں 651 مقدمات کا اندراج بھی یقینی بنایا گیا ہے۔سی سی پی او لاہور بلال صدیق کمیانہ نے کہا ہے کہ کرایہ داری ایکٹ پر سختی سے عملدرآمد یقینی بنایا جا رہا ہے کیونکہ جرائم پیشہ عناصر کی شناخت اور ان کی نقل و حرکت پر نظر رکھنے کے لیے کرایہ داری رجسٹریشن انتہائی ضروری ہے۔انہوں نے کہا کہ غیر رجسٹرڈ کرایہ داروں کی آڑ میں جرائم پیشہ افراد پناہ لے سکتے ہیں اس لیے قانون کی خلاف ورزی کرنےپر بلاامتیاز کارروائی جاری رہے گی اور غیر قانونی یا مشکوک افراد کو کرائے پر جگہ فراہم کرنے والے مالکان کے خلاف بھی قانونی کارروائی عمل میں لائی جائے گی۔(جاری ہے)
سی سی پی او لاہور نے مکان مالکان، کرایہ داروں اور پراپرٹی ڈیلرز کو ہدایت کی کہ وہ فوری طور پر کرایہ داری ایکٹ پر عملدرآمد کو یقینی بنائیں اور تمام ضروری کوائف متعلقہ پولیس ریکارڈ میں درج کروائیں تاکہ شہر میں امن و امان کی صورتحال کو مزید بہتر بنایا جا سکے۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ