پی ایس ایل، اسلام آباد کے اہم کھلاڑی اچانک لیگ چھوڑ گئے، وجہ کیا بنی؟
اشاعت کی تاریخ: 23rd, May 2025 GMT
اسلام آباد یونائیٹڈ نے تصدیق کی ہے کہ انگلینڈ کے تجربہ کار اوپننگ بلے باز الیکس ہیلز پاکستان سپر لیگ (پی ایس ایل) سیزن 10 کے باقی ماندہ میچز میں ٹیم کا حصہ نہیں ہوں گے۔
فرنچائز کی جانب سے جاری کردہ اعلامیے میں بتایا گیا ہے کہ ہیلز پہلے سے طے شدہ ذاتی مصروفیات کی بنا پر پاکستان سے روانہ ہو گئے ہیں اور وہ کوالیفائر 2 یا ممکنہ فائنل میں دستیاب نہیں ہوں گے۔
اسلام آباد یونائیٹڈ نے وضاحت کی کہ پی ایس ایل کے شیڈول میں تبدیلی کے باعث الیکس ہیلز کی دستیابی 18 مئی تک محدود رہی، اور اس حوالے سے معاہدے کے وقت فریقین کے درمیان باہمی اتفاق ہو چکا تھا۔ ہیلز اسپین میں اپنے قریبی دوست کی شادی میں شرکت کے لیے جا رہے ہیں۔ فرنچائز نے اپنے بیان میں کہا کہ الیکس ہیلز ہمیشہ اسلام آباد یونائیٹڈ فیملی کا حصہ رہے ہیں اور رہیں گے۔
مزید پڑھیں: پی ایس ایل، کراچی کنگز فائنل کی دوڑ سے باہر، لاہور قلندرز کی امیدیں برقرار
الیکس ہیلز نے بھی ایک بیان میں کہا کہ اسلام آباد یونائیٹڈ ان کے لیے محض ایک ٹیم نہیں بلکہ خاندان کی طرح ہے۔ انہوں نے کہا کہ اس سیزن میں ٹیم کے ساتھ واپسی ایک شاندار تجربہ رہی اور وہ پلے آف مرحلے میں ٹیم کے لیے نیک تمنائیں رکھتے ہیں۔ ہیلز نے وعدہ کیا کہ وہ اسپین سے اسلام آباد یونائیٹڈ کو بھرپور سپورٹ کریں گے۔
اگرچہ ہیلز نے اس سیزن میں صرف 2 میچز کھیلے، لیکن وہ مختصر قیام کے دوران بھی اپنا اثر چھوڑ گئے۔ خاص طور پر کراچی کنگز کے خلاف میچ میں انہوں نے صرف 35 گیندوں پر 88 رنز کی دھواں دار اننگز کھیلی، جس میں 6 چوکے اور 8 چھکے شامل تھے، جبکہ ان کا اسٹرائیک ریٹ 251.
مزید پڑھیں: پی ایس ایل: پلے آف میں پہنچنے والی چاروں ٹیموں کا فیصلہ ہوگیا، پشاور پہلی مرتبہ اگلے مرحلے سے باہر
تاہم اگلے میچ میں، جو کوالیفائر 1 تھا، ہیلز بدقسمتی سے دوسری ہی گیند پر بغیر کوئی رن بنائے آؤٹ ہو گئے، اور اسلام آباد یونائیٹڈ 210 رنز کے ہدف کے تعاقب میں صرف 179 رنز پر ڈھیر ہو گئی۔ اس شکست کے بعد اسلام آباد یونائیٹڈ براہ راست فائنل میں جگہ بنانے میں ناکام رہا اور اب وہ کوالیفائر 2 میں کراچی کنگز اور لاہور قلندرز کے درمیان ہونے والے ایلمنیٹر میچ کے فاتح لاہور قلندرز سے مقابلہ کرے گی۔ یہ اہم میچ 23 مئی (آج) کو قذافی اسٹیڈیم لاہور میں کھیلا جائے گا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
(پی ایس ایل) سیزن 10 اسلام آباد یونائیٹڈ الیکس ہیلز پاکستان سپر لیگ لاہور قلندرز
ذریعہ
ذریعہ: WE News
کلیدی لفظ: پی ایس ایل سیزن 10 اسلام آباد یونائیٹڈ پاکستان سپر لیگ لاہور قلندرز اسلام آباد یونائیٹڈ لاہور قلندرز پی ایس ایل کے لیے
پڑھیں:
لاہور میں موسلا دھار بارش، سڑکیں زیر آب، معمولات زندگی متاثر
لاہور میں مون سون کی شدید بارشوں نے معمولات زندگی متاثر کر دیے، کئی علاقوں میں سڑکیں، چوراہے اور انڈر پاسز پانی میں ڈوب گئے جبکہ ٹریفک کی روانی شدید متاثر ہوئی۔ محکمہ موسمیات کے مطابق گزشتہ 48 گھنٹوں کے دوران شہر میں 343 ملی میٹر بارش ریکارڈ کی گئی، جس کے باعث متعدد نشیبی علاقوں میں پانی جمع ہوگیا۔
لاہور کے مختلف علاقوں میں بارش کا پانی جمع ہونے سے شہریوں کو آمدورفت میں مشکلات کا سامنا کرنا پڑا۔ بعض سڑکوں اور گلیوں میں 3 سے 4 فٹ تک پانی کھڑا رہا، جبکہ کئی مقامات پر گاڑیوں کی لمبی قطاریں لگ گئیں۔
یہ بھی پڑھیں: لاہور میں بارش کے بعد کئی علاقے زیر آب، ’اب آفس جانےکے لیے کشتی کی ضرورت ہوگی‘
ڈیفنس کے فیز ون سے فیز فائیو تک مختلف مقامات پر پانی جمع ہونے سے ٹریفک متاثر ہوئی، جبکہ غازی انڈر پاس اور مسجد چوک انڈر پاس کو پانی بھرنے کے باعث بند کرنا پڑا اور ٹریفک کو متبادل راستوں پر منتقل کیا گیا۔
حربنس پورہ، مال روڈ، کوپر روڈ، لکشمی چوک اور چوبرجی چوک سمیت متعدد علاقوں میں بھی پانی جمع ہونے کی اطلاعات ملیں، جہاں واسا کی ٹیمیں نکاسی آب میں مصروف رہیں۔
شدید بارش کے باعث شہر کی کئی سڑکوں پر گڑھے بھی پڑ گئے۔ کینال روڈ، جوہر ٹاؤن مین بلیوارڈ اور بھیکے والا موڑ سمیت مختلف مقامات پر سڑکیں متاثر ہوئیں، جس کے بعد ٹریفک پولیس نے متاثرہ علاقوں کو بند کرکے متبادل راستے فراہم کیے۔
یہ بھی پڑھیں: مون سون سیزن: لاہور سے ایک گھنٹے میں بارش کا پانی نکالنا ہدف ہے، ڈی ایم ڈی واسا
صوبائی ڈیزاسٹر مینجمنٹ اتھارٹی کے مطابق پنجاب میں حالیہ مون سون بارشوں کے دوران مختلف حادثات میں اب تک 21 افراد جاں بحق اور 154 زخمی ہو چکے ہیں۔ جاں بحق ہونے والوں میں 15 افراد مکانات گرنے، 2 آسمانی بجلی گرنے، 3 کرنٹ لگنے جبکہ ایک شخص ڈوبنے سے جاں بحق ہوا۔
واسا لاہور کے مطابق شہر میں ہنگامی بنیادوں پر نکاسی آب کا عمل جاری ہے، تمام ڈسپوزل اسٹیشن مکمل استعداد کے ساتھ کام کر رہے ہیں جبکہ متاثرہ مقامات پر اضافی مشینری اور عملہ تعینات کیا گیا ہے۔
ضلعی انتظامیہ اور واسا نے شہریوں کو غیر ضروری سفر سے گریز کرنے، نشیبی علاقوں اور بجلی کے کھمبوں سے دور رہنے کی ہدایت کی ہے۔ شہریوں نے تاہم ہر سال بارشوں کے دوران پانی جمع ہونے کے مسئلے پر تشویش کا اظہار کرتے ہوئے نکاسی آب کے نظام کو بہتر بنانے کا مطالبہ کیا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news بارش پانی زیر آب لاہور
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار