کیا آپ کے لیے مویشی منڈی جانا مشکل ہے، تو اس کا حل ہے نا!
اشاعت کی تاریخ: 23rd, May 2025 GMT
عید قرباں پر سب سے اہم مرحلہ قربانی کا جانور خریدنے کا ہوتا ہے، خاص طور پر شہری علاقوں میں جانور خریدنا ایک چیلنج بن چکا ہے کیوں کہ منڈی کے 2,3 چکر لگانا ضروری ہوتا ہے تاکہ آپ کو قیمتوں کا اندازہ ہوسکے لیکن منڈی جانا اور اس گرمی میں تمام اسٹالز دیکھنا اورن اپنا من پسند جانور خریدنا کوئی آسان کام نہیں۔
یہ بھی پڑھیں: کراچی میں مویشی منڈی سج گئی، اس سال جانوروں کی قیمتیں کیا ہیں؟
تاہم اب یہ مسئلہ بھی حل ہوتا جا رہا ہے۔ آن لائن شاپنگ سے تو سب واقف ہوں گے ہی؟ اب باقی اشیا کی طرح آن لائن جانور بھی دستیاب ہوتے ہیں۔
حسن گوٹ کلب کے نام سے ایک ویب سائٹ لانچ ہوئی ہے جس کو کھولنے کے بعد آپ کے سامنے 3 کٹیگریز آئیں گے سب سے پہلے آپ اگر آن لائن خریداری کرنا چاہتے ہیں تو باکس کو دبائیں جہاں بکروں کی تصاویر نظر آئیں گی، آپ کی آسانی کے لیے ہر بکرے کا وزن اور قیمت بھی آویزاں ہے ساتھ ہی کمپنی صرف 20 فیصد ایڈوانس ادا کرنے پر مفت ڈیلیوری سروس بھی دے رہی ہے۔
اس ویب سائٹ سے وابستہ عرفان نے وی نیوز کو بتایا کہ ویسے تو وہ 25 برس سے اس کاروبار سے منسلک ہیں لیکن کورونا وبا کے وقت ہم نے پہلی بار آن سہولت فراہم کی تھی اور ہمارے 50 فیصد خریدار اوورسیز پاکستانی ہیں جو قربانی کا جانور آن لائن خرید کر اپنی فیملی کو بھجوا دیتے ہیں۔
ان کا مزید کہنا تھا کہ آن لائن قربانی کا جانور 10 فیصد سستا ہوتا ہے جس کی وجہ یہ ہے کہ ہمیں اس کے منڈی کے چارجز نہیں دینے ہوتے اور اگر کسی کو خریدا ہوا بکرا پسند نہیں آیا تو ہم تبدیل کرلے بھی دیتے ہیں۔
مزید پڑھیے: عید قربان کی آمد: ’اگر مویشی منڈی میں مرغی لے آئیں تو وہ بھی ایک لاکھ کی ہوجائے‘
انہوں نے کہا کہ ہمارے اب تک 300 جانور آن لائن فروخت ہو چکے ہیں۔ انہوں نے مزید کہا کہ جہاں تک بڑے جانوروں کی بات ہے تو وہ سب فروخت ہوچکے ہیں تاہم بکروں کی فروخت ابھی جاری ہے۔
ان کا کہنا تھا کہ ان کے کراچی بھر میں پوائنٹس موجود ہیں اگر کوئی فزیکلی جانور خریدنا چاہیے تو وہ وہاں وزٹ کر سکتا ہے۔
کمپنی نے ویب سائٹ پر اپنا پتا بھی دیا ہے گلستان جوہر کراچی بکرا پوائنٹ وزٹ کر سکتے ہیں اور جانور بھی لے سکتے ہیں۔
عاصم خان اور احتشام بھی کئی برسوں سے یہ کام کر رہے ہیں۔ وہ کال پر بکرے کی بکنگ لینے کے بعد بکرے گھر گھر ڈیلور بھی کرتے ہیں۔
مزید پڑھیں: لاہور میں جدید طرز کی مویشی منڈی اور کیٹل ایرینا کی تعمیر کا منصوبہ کتنا مفید ثابت ہوگا؟
عاصم خان نے وی نیوز کو بتایا کہ وہ دونوں گزشتہ 5 برس سے یہ کام کر رہے ہیں۔ انہوں نے کہا کہ 11 بکروں سے اس کام کا آغاز کیا تھا اور اب تک ہم 70 کے قریب بکرے بیچ چکے ہیں۔ انہوں نے مزید کہا کہ اوورسیز پاکستانی رقم بھیج دیتے ہیں اور ہم بکرا ڈیلیور کر دیتے ہیں، کسی کو بکرا دیکھنا ہو ہمارے پاس بھی آسکتا ہے۔
کراچی کے رہائشی دانیال احمد کا کہنا ہے کہ منڈی جانے کا اپنا مزا ہے، ٹولیوں کی شکل میں جانا اور جانور دیکھنا اس کی بات الگ ہے۔
انہوں نے کہا کہ وہ رات کو جاتے ہیں اور محلے کے سب ہی لڑکے ساتھ ہوتے ہیں جس میں انفرادی قربانی اور اجتماعی قربانی والے بھی ہوتے ہیں۔
ان کا کہنا تھا کہ ساری رات لگا کر بارگین کرنے کے بعد جانور خرید ہی لیا جاتا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
بکرا آن لائن کراچی گائے آن لائن مویشی آن لائن مویشی منڈی.ذریعہ: WE News
کلیدی لفظ: بکرا ا ن لائن کراچی گائے ا ن لائن مویشی ا ن لائن مویشی منڈی مویشی منڈی انہوں نے دیتے ہیں آن لائن کہا کہ
پڑھیں:
ڈرائیونگ لائسنس بنوانے کے خواہشمند سرکاری ملازمین کی بڑی مشکل آسان
سٹی 42 : ٹریفک پولیس نے ڈرائیونگ لائسنس بنوانے کے خواہشمند سرکاری ملازمین کی بڑی مشکل آسان کردی۔
اسلام آباد ٹریفک پولیس نے سرکاری ملازمین کے لیے ڈرائیونگ لائسنس کے حصول کی خصوصی مہم شروع کر دی۔ اس حوالے سے ترجمان پولیس کا کہنا ہے کہ یہ مہم 17 سے 26 ستمبر تک جاری رہے گی جس دوران ٹریفک دفاتر اور موبائل وینز پر تمام سہولیات فراہم کی جائیں گی۔
سی ٹی او اسلام آباد کیپٹن (ر) حمزہ ہمایوں نے کہا کہ بڑی تعداد میں سرکاری ملازمین کے پاس ڈرائیونگ لائسنس موجود نہیں، بطور سرکاری ملازم احتساب کا آغاز سب سے پہلے خود سے ہونا چاہیے۔ انہوں نے واضح کیا کہ 26 ستمبر کے بعد بغیر لائسنس ڈرائیونگ کرنے والوں کے خلاف بلا تفریق کارروائی کی جائے گی۔
کاہنہ ؛معمولی جھگڑے کے دوران فائرنگ؛ 2 افراد زخمی
سی ٹی او نے کہاکہ ٹریفک پولیس کے تمام دفاتر اور وسائل سرکاری ملازمین کو سہولت فراہم کریں گے تاہم خلاف ورزی کی صورت میں گاڑی بند کرنے سمیت محکمانہ کارروائی بھی عمل میں لائی جائے گی۔ انہوں نے کہا کہ اس اقدام کا مقصد قانون کی پاسداری اور ٹریفک نظام میں بہتری لانا ہے۔
لاہور سے جدہ جانے والی 2 پروازوں کی ہنگامی لینڈنگ؛ طیارے گراؤنڈ کردیے گئے