گوادر میں خصوصی افراد کیلئےخود کفیل روزگار اسکیم کا افتتاح
اشاعت کی تاریخ: 24th, May 2025 GMT
گوادر میں خصوصی افراد کو باوقار روزگار کی فراہمی کے لیے ایک تاریخی اور انقلابی قدم اٹھایا گیا ہے۔ ضلعی انتظامیہ اور مارکیٹ کمیٹی کے اشتراک سے شروع کی جانے والی یہ اسکیم نہ صرف روزگار بلکہ خود انحصاری، وقار اور سماجی شمولیت کی بھی ایک شاندار مثال ہے۔ 30 خصوصی ریڑھیاں، باوقار کاروبار کا آغاز اس اسکیم کے تحت 30 خصوصی طور پر تیار کردہ ریڑھیاں گوادر اور پسنی کے علاقوں میں فراہم کی گئی ہیں، جو ضروری اشیائے خوردونوش سے لیس ہیں۔ ان ریڑھیوں کو خصوصی افراد کی جسمانی ضروریات کو مدنظر رکھتے ہوئے تیار کیا گیا ہے تاکہ وہ آسانی سے اپنا کاروبار چلا سکیں۔ پانی کی ترسیل کے لیے لوڈر رکشوں کا انتظام 30 سیلز پرسنز، ایک ہیلپر اور ڈرائیور کے ساتھ، دفاتر اور مارکیٹوں میں پانی کی ترسیل کے لیے لوڈر رکشوں کے ذریعے اپنا کام شروع کریں گے۔ ضلعی انتظامیہ کی براہ راست سرمایہ کاری اس تمام منصوبے کی مالی معاونت ضلعی انتظامیہ نے خود فراہم کی ہے، جو کہ پسماندہ طبقوں کی خود انحصاری کے لیے ایک عملی اقدام ہے۔ تمام سرکاری محکموں اور مارکیٹ اداروں کو ہدایت کی گئی ہے کہ وہ ان خصوصی افراد سے خریداری کریں اور ان کی حوصلہ افزائی کریں۔ خواتین کی شمولیت، بااختیار بنانے کی جانب ایک اور قدم اس منصوبے کے تحت 60 مزید افراد نے بھی مختلف کاروباروں کا آغاز کیا ہے جن میں 22 خواتین بھی شامل ہیں۔ یہ خواتین اب ٹک شاپس، فیول پوائنٹس، سلائی اور استری مراکز جیسے باوقار کاروبار چلا رہی ہیں۔ ان کاروباروں کی رہنمائی اور معاونت کے لیے ایک نگران کمیٹی بھی تشکیل دی گئی ہے۔خواتین کی شرکت کو خاص طور پر فروغ دیا جا رہا ہے تاکہ وہ بھی خود مختار بن سکیں۔ معاشی شمولیت اور امید کی نئی مثال یہ اسکیم صرف روزگار نہیں بلکہ خود انحصاری، وقار اور شمولیت کا عہد ہے،مدد کے بجائے مواقع فراہم کرنا ہی اس اسکیم کا اصل مقصد ہے،ضلعی تعاون اور کمیونٹی کی شراکت سے یہ افراد اب معیشت میں فعال کردار ادا کر رہے ہیں۔ گوادر کی کہانی اب امید، ترقی اور شمولیت کی علامت بنتی جا رہی ہے،ہم پُرامید ہیں کہ آئندہ مہینوں میں یہ منصوبہ مزید افراد تک پھیلایا جائے گا،آپ کی رہنمائی اور تعاون کے ساتھ، ہمیں یقین ہے کہ خود کفیل اسکیم بلوچستان بھر میں ترقی کا ماڈل بن کر ابھرے گی۔
.ذریعہ: Nawaiwaqt
کلیدی لفظ: خصوصی افراد کے لیے
پڑھیں:
راولپنڈی میں اربوں کے پراجیکٹس کا افتتاح، پنجاب میں پینے کے صاف پانی کے منصوبے شروع کرینگے: مریم نواز
لاہور (نیوز رپورٹر+ نوائے وقت رپورٹ) وزیرعلیٰ مریم نواز نے راولپنڈی میں نوازشریف فلائی اوور اور جی پی او / ٹی ایم انڈر پاس کی افتتاحی تقریب سے خطاب میں اہم اعلانات کیے۔ وزیراعلیٰ نے پنجاب میں پینے کے صاف پانی کے پراجیکٹ شروع کرنے جنوبی پنجاب اور پوٹھوہار ریجن میں پینے کے صاف پانی کے پراجیکٹس جلد لانے اور پینے کے صاف پانی کے لئے پائپ لائنیں بچھانے کے پراجیکٹ تیارکرنے مری میں پانی کی فراہمی کا مسئلہ جلد از جلد حل کرنے اور راولپنڈی کے نالہ لئی کی تعمیر و توسیع کے پراجیکٹ کی تیاری کا بھی اعلان کیا۔ مریم نواز نے راولپنڈی نواز شریف فلائی اوور اور جی پی او انڈر پاس کی افتتاحی تقریب سے خطاب میں کہا کہ راولپنڈی رنگ روڈ کو ریکارڈ ٹائم مکمل کریں گے۔ پنڈی کے تمام سکولوں کی ری ویمپنگ کی جا رہی ہے، جلد مکمل کر لی جائے گی۔ راولپنڈی شہر کی بیوٹی فکیشن کے پراجیکٹس کی خود مانیٹرنگ کررہی ہوں۔ مری سے باڑیاں پہنچنے پر پنجاب کی حدود ختم ہوتی ہے۔ تو صفائی اور انفراسٹرکچر کا واضح فرق نظر آتا ہے۔ ستھرا پنجاب پراجیکٹ کے تحت صوبہ بھر میں صفائی کا اچھاکام ہو رہا ہے۔ نوازشریف فلائی اوور کی تعمیر سے پنڈی سے چکری کے سفر کا دورانیہ ایک گھنٹہ کم ہو جائے گا۔ پنجاب بھر میں 12ہزار کلو میٹر سے زائد سڑکوں کی تعمیر و مرمت کی مثال قائم کی ہے۔ چند ہفتوں میں پنجاب بھر میں 19 ہزار کلو میٹر سڑکوں کی تعمیر و مرمت اور بحالی کے پراجیکٹ مکمل ہو جائیں گے۔ لوگ کہتے ہیں کہ ریکارڈ مدت میں سڑکیں بن رہی ہیں، ایسے لگتا ہے کہ جیسے جنات کام کر رہے ہیں۔ 30، 30 سال سے نہ بننے والی سڑکیں بن چکی ہیں۔ پنجاب بھر میں 1250 سے زائد مراکز صحت ری ویمپ کر کے منی ہسپتال میں بدل دیا، ریکارڈ ٹائم میں ہسپتالوں کی حالت بدل چکی ہے۔ دو لاکھ گاڑیاں روزانہ گزرنے کا یہ منصوبہ سٹیٹ آف دی آرٹ بنایا گیا ہے۔ جی پی او انڈر پاس پراجیکٹ کو ہر طرح سے فلڈ سیف بنانے پر توجہ دی گئی ہے۔ پنجاب میں ٹیم ورک ہمارا طرہ امتیاز بن چکا ہے۔ عاشورہ/ محرم الحرام میں پوری ٹیم نے محنت اور عقیدت سے کام کیا۔ عوام بالخصوص اہل تشیع برادری نے عاشورہ/ محرم الحرام کے انتظامات کو سراہا۔ کئی سال بعد پاکستان میں مثالی مذہبی ہم آہنگی دیکھی گئی۔ ایک دوسرے سے عقائد کا احترام کا جذبہ قابل قدر ہے۔ علاوہ ازیں مریم نواز نے راولپنڈی میں 8 ارب 77 کروڑ روپے کے میگا پراجیکٹس کا افتتاح کر دیا۔ وزیراعلیٰ اڈیالہ روڈ نواز شریف فلائی اوور اور مال روڈ جی پی او چوک کے انڈر پاس کا باقاعدہ آغازکیا۔ وزیراعلیٰ مریم نواز کی آمد پر عوام نے پھولوں کی پتیاں نچھاور کیں۔ وزیراعلیٰ نے ہاتھ ہلا کر نعروں کا جواب دیا۔ مریم نواز کو بریفنگ میں بتایا گیا کہ راولپنڈی میں 607 کلومیٹر طویل 67 روڈز کے پراجیکٹس شروع کیے گئے ہیں جن میں سے51 روڈز پراجیکٹ پایہ تکمیل کو پہنچ چکے ہیں۔ مریم نواز شریف نے کہا کہ عوام کی سہولت کے لئے بننے والے تمام ترقیاتی منصوبے ترجیح ہیں۔ کچہری روڈ اور مال روڈ کی ری ماڈلنگ بھی کی جائے گی۔ انڈرپاس اور فلائی اوور بننے سے راولپنڈی کے عوام کے لئے گیم چینجر ثابت ہو گی۔ مریم نواز نے لاہور سمیت پنجاب بھر میں موسلادھار بارشوں کے پیش نظر تمام اداروں کو ہائی الرٹ رہنے کی ہدایت کی۔ وزیراعلیٰ نے واسا، پی ڈی ایم اے،لوکل گورنمنٹ، ریسکیو 1122 اور ٹریفک پولیس کو فیلڈ میں رہنے‘ انتظامیہ اور واسا کے افسروں کو فیلڈ میں خود نگرانی کرنے کا حکم دیا اور کمشنرز اور ڈپٹی کمشنرز کو نشیبی علاقوں سے نکاسی آب کی مسلسل مانیٹرنگ کی ہدایت کی۔ وزیراعلیٰ نے کہا کہ ٹریفک پولیس جامع پلان جاری کرے اور شہریوں کو بروقت متبادل راستوں سے آگاہ کرنے کا حکم دیا۔ بارش کا پانی کھڑا رہنے سے عوام کو ہونے والی دشواری کا بروقت ازالہ کیا جائے۔ مریم نواز شریف نے کہا ہے کہ عبدالستار ایدھی کو سلام پیش کرتی ہوں۔ عبدالستار ایدھی کی زندگی سکھاتی ہے اگر جذبہ صادق ہو توایک فرد بھی انسانی خدمت کر سکتا ہے۔ وزیراعلیٰ نے عبدالستار ایدھی کو برسی پرخراج تحسین پیش کیا۔ انہوں نے کہا کہ عبدالستار ایدھی پاکستان کا فخر ہیں۔ان کا نام تا قیامت زندہ رہے گا۔ عبدالستار ایدھی جیسے لوگ انسانیت کی معراج اور معاشرے کی خوبصورتی ہیں۔
دبئی میں منشیات کے ذائقے والی مٹھائیاں فروخت کرنے والا گروہ گرفتار