مسافر طیارہ شدید طوفان کی زد میں آ گیا
اشاعت کی تاریخ: 24th, May 2025 GMT
سٹی42: طوفان کے دوران ایک مسافر طیارہ شدید طوفانی ہواؤں کی زد میں آ گیا، مسافر بلند آواز سے کلمہ طیبہ کا ورد کرنے لگے۔ خوفناک حادثہ ٹل گیا۔ مشہور سیاستدان بھی اس طیارے میں سوار تھے۔
آج شام لاہور میں شدید نوعیت کا ڈسٹ سٹارم آیا تو کئی طیارے فضا میں تھے۔ بعض مسافر طیاروں کا رخ بروقت دوسرے محفوظ ائیرپورٹس کی طرف موڑ دیا گیا تاہم کراچی سے لاہور آنے والا ایک مسافر طیارہ اس ڈسٹ سٹارم میں پھنس گیا۔
اوکاڑہ ؛ ٹریفک حادثہ میں باپ سمیت 3 بچے جاں بحق ہوگئے
یہ فلائٹ اس ڈسٹ سٹارم کے وقت لاہور کی فضا میں ہی تھی۔ فلائٹ شدید طوفان کے باعث خوفناک حادثے سے بال بال بچ گئی۔ طیارے کی لینڈنگ کے دوران کراچی سے لاہور جانے والی نجی ائیرلائن کی پرواز کئی منٹ تک آندھی کی زد میں رہی اور طیارے کو طوفان کے باعث شدید جھٹکے لگے، مسافروں کی چیخیں نکل گئیں۔
نجی ائیر لائن کی پرواز ایف ایل 842 کے مسافر کلمہ طیبہ کا ورد کرتے رہے۔ پائلٹ کی مہارت کے طفیل طیارہ کامیابی سے لینڈ کر گیا۔ یہ ائیر بس 321 بڑے سائز کا طیارہ تھا۔ پائلٹ نے بڑی مہارت سے طیارے کو واپس اڑایا، ائیر ٹریفک کنٹرول نے طیارے کو کراچی واپس بھیج دیا
بھارت میں بننے والے آئی فون پر 25 فیصد ٹیرف، ٹرمپ نے دھمکی دیدی
اس طیارے مین سفر کرنے والے سیاستدان اسد عمر نے بعد میں کراچی ائیرپورٹ پر صحافیوں کو بتایا کہ پروز کی لینڈنگ کے دوران اتنا ایکسٹریم پہلی دفعہ ہوا۔ اس وقت طیارہ آلموسٹ لینڈ کر رہا تھا، جھٹکے لگ رہے تھے، طیارہ بار بار نیچے جاتا تھا۔ اسد عمر نے کہا کہ پائلٹ کی مہارت کے سبب ہم بچ گئے۔ پائلٹ کا شکریہ۔
یہ خوش قسمت جہاز اب کراچی لینڈ کر چکا ہے اور کچھ دیر بعد اسے دوبارہ لاہور روانہ کیا جا رہا ہے۔البتہ کراچی ائیرپورٹ خیریت سے اتر جانے کے بعد اس فلائٹ کے مسافروں میں سے 57 نے مزید سفر کرنے سے انکار کر دیا ہے، وہ کراچی ائیرپورٹ سے اپنے گھروں کو واپس جانا چاہتے ہیں۔
قربانی کےجانوروں کی چوری میں ملوث عناصرکیخلاف کریک ڈاؤن
طوفان کے دوران اسلام آباد سے لاہور پہنچنے والے مسافروں سے بھرے جہاز پی کے 6385 بھی کراچی منتقل کر دیا گیا جبکہ شدید طوفان کے باعث کراچی کی 2 پروازیں پی کے 305، پی اے 405 کی روانگی میں تاخیر ہو رہی ہے۔
لاہور کے علامہ اقبال ائیرپورٹ پر آج شام طوفان کے باعث ٹیک آف کرنے والی کوئی فلائٹ منسوخ نہیں کی گئی،
Waseem Azmet.ذریعہ: City 42
کلیدی لفظ: طوفان کے باعث شدید طوفان کے دوران
پڑھیں:
طوفانِ باد و باراں؛ کراچی سے لاہور کی پرواز خوفناک حادثے سے بال بال بچ گئی
سٹی 42 : طوفانِ باد و باراں کے باعث کراچی سے لاہور کی پرواز خوفناک حادثے سے بال بال بچ گئی.
شدید بارش اور موسمی خرابی کی وجہ سے 22 علامہ اقبال ایئرپورٹ پر پروازوں کو دشواری کا سامنا ہے ۔
ایئرپورٹ ذرائع کا کہنا ہے کہ لاہور ایئرپورٹ پہنچی دو پروازوں کو کراچی موڑ دیا گیا، کراچی سے لاہور پہنچی ایف ایل 842 نئے رن وے ٹچ کیا تو طوفان کی زد میں آگئی، جس کے بعد پائلٹ نے بڑی مہارت سے طیارے کو واپس اڑایا۔ ایئر ٹریفک کنٹرول (ATC) حکام نے صورتحال کا جائزہ لینے کے بعد حفاظتی اقدامات کے طور پر پرواز کا رخ دوبارہ کراچی ایئرپورٹ کی جانب موڑ دیا۔
اوکاڑہ ؛ ٹریفک حادثہ میں باپ سمیت 3 بچے جاں بحق ہوگئے
اسلام آباد سے لاہور پہنچی پرواز پی کے 6385 بھی کراچی منتقل کر دی گئی۔ اس کے علاوہ شدید طوفان کے باعث کراچی کی 2 پروازیں پی کے 305، پی اے 405 بھی تاخیر کا شکار ہوگئیں ۔
موسم کی موجودہ صورتحال کے پیش نظر دیگر پروازوں کی شیڈولنگ بھی متاثر ہونے کا خدشہ ہے، جبکہ مسافروں کو ہدایت دی گئی ہے کہ وہ سفر سے قبل ایئرلائن سے رابطے میں رہیں۔
محکمہ موسمیات کے مطابق آئندہ چند گھنٹوں میں لاہور اور گرد و نواح میں مزید آندھی اور تیز بارش کا امکان ہے، جس کے باعث فلائٹ آپریشن میں تاخیر یا تبدیلی متوقع ہے۔
بھارت میں بننے والے آئی فون پر 25 فیصد ٹیرف، ٹرمپ نے دھمکی دیدی
امریکی اخبار نے آپریشن ’بنیان مرصوص‘ پاک فوج کی بڑی کامیابی قرار دیدیا