وزیر خزانہ گلگت بلتستان انجینئر محمد اسماعیل کا خصوصی انٹرویو
اشاعت کی تاریخ: 26th, May 2025 GMT
اسلام ٹائمز کے ساتھ اپنے خصوصی انٹرویو میں صوبائی وزیر خزانہ کا کہنا تھا کہ حق ملکیت اور حق حاکمیت کا نعرہ پیپلز پارٹی کا تھا، جسے لینڈ ریفارمز بل کے ذریعے عملی جامہ پہنایا گیا۔ بل میں خامیاں ہوسکتی ہیں، تاہم ترامیم کے ذریعے انہیں ٹھیک کیا جا سکتا ہے۔ رواں سال کا بجٹ بڑھانے کیلئے کوششیں کر رہے ہیں، امید ہے کہ وفاق سے اچھی پیشرفت ہوگی۔ متعلقہ فائیلیںانجینئر محمد اسماعیل وزیر خزانہ گلگت بلتستان ہیں۔ انکا شمار جی بی کے سینیئر سیاستدانوں میں ہوتا ہے، مسلسل چار مرتبہ الیکشن جیتنے کا ریکارڈ رکھتے ہیں۔ محمد اسماعیل کا تعلق جی بی کے ضلع گانچھے کے علاقے مشہ بروم سے ہے۔ پیپلزپارٹی سے وابستگی ہے۔ گلگت بلتستان میں خالد خورشید کی حکومت کے خاتمے کے بعد پیپلزپارٹی صوبائی حکومت کا حصہ بن گئی تو وہ وزیر خزانہ بن گئے۔ اسلام ٹائمز نے گلگت بلتستان کے آئندہ مالی سال کے بجٹ اور حال ہی میں اسمبلی سے پاس ہونیوالے زمینی اصلاحات کے بل (لینڈ ریفارمز ایکٹ) سے متعلق انکا انٹرویو کیا ہے، جو پیش خدمت ہے۔ قارئین و ناظرین محترم آپ اس ویڈیو سمیت بہت سی دیگر اہم ویڈیوز کو اسلام ٹائمز کے یوٹیوب چینل کے درج ذیل لنک پر بھی دیکھ اور سن سکتے ہیں۔ (ادارہ)
https://www.
youtube.com/@ITNEWSUrduOfficial
ذریعہ: Islam Times
کلیدی لفظ: گلگت بلتستان
پڑھیں:
سید سلیم گیلانی کا وادی کشمیر کی موجودہ صورتحال پر خصوصی انٹرویو
اسلام ٹائمز کیساتھ اپنے خصوصی انٹرویو میں مقبوضہ کشمیر کے معروف حریت پسند رہنماء و جموں و کشمیر مرکز سادات گیلانیہ کے سربراہ کا کہنا تھا کہ جنگ سے کشمیری عوام ہرگز خوش نہیں ہیں بلکہ وہ امن چاہتے ہیں، جنگ کسی مسئلہ کا حل نہیں ہے بلکہ جنگ صرف اور صرف تباہی ہے، افسوس کہ میڈیا بھی مثبت کردار ادا نہیں کر رہا، ایسے میں میڈیا کو لگام کسنے کی ضرورت ہے۔ متعلقہ فائیلیںسید سلیم گیلانی کا تعلق مقبوضہ جموں و کشمیر کے ضلع سرینگر سے ہے، وہ سالہا سال سے کشمیر میں مزاحمتی تحریک سے وابستہ ہیں۔ مختلف تبلیغی محاذوں پر سرگرم ہیں۔ سید سلیم گیلانی متحدہ ائمہ فورم کشمیر کے مرکزی ذمہ دار اور جموں و کشمیر مرکز سادات گیلانیہ کے سربراہ ہیں۔ اسلام ٹائمز کے نمائندے نے سید سلیم گیلانی سے ایک نشست کے دوران خصوصی انٹرویو کا اہتمام کیا، جس دوران مسئلہ کشمیر، کشمیر کی موجودہ صورتحال، بھارت اور پاکستان کے درمیان پائی جانے والی کشیدگی کو لیکر تفصیلی گفتگو کی گئی۔ سید سلیم گیلانی نے کہا کہ جنگ سے کشمیری عوام ہرگز خوش نہیں ہیں بلکہ وہ امن چاہتے ہیں، جنگ کسی مسئلہ کا حل نہیں ہے بلکہ جنگ صرف اور صرف تباہی ہے۔ بھارت اور پاکستان میں ایسے لوگوں کی اکثریت ہے، جو امن چاہتے ہیں اور چاہتے ہیں کہ دونوں ممالک باہم دوست بن کر رہیں، افسوس کہ میڈیا بھی اپنا مثبت کردار ادا نہیں کر رہا ہے، ایسے میں میڈیا کو لگام کسنے کی ضرورت ہے۔ جموں و کشمیر مرکز سادات گیلانیہ کے سربراہ کا کہنا تھا کہ بالآخر دونوں ممالک کو ایک میز پر بیٹھ کر مستقل امن کا راستہ نکالنا ہوگا، کیونکہ دونوں ممالک کے درمیان کشیدگی کا سب سے زیادہ نقصان کشمیریوں کو اٹھانا پڑتا ہے۔ قارئین و ناظرین محترم آپ اس ویڈیو سمیت بہت سی دیگر اہم ویڈیوز کو اسلام ٹائمز کے یوٹیوب چینل کے درج ذیل لنک پر بھی دیکھ اور سن سکتے ہیں۔(ادارہ)
https://www.youtube.com/@ITNEWSUrduOfficial
اہم شخصیت کو عہدے سے ہٹانے کا فیصلہ کر لیا گیا