پی ٹی آئی کا ملک گیر تحریک کا اعلان، پارٹی رہنماؤں کو تیاری کی ہدایت
اشاعت کی تاریخ: 27th, May 2025 GMT
اسلام آباد(نیوز ڈیسک)پاکستان تحریک انصاف (پی ٹی آئی) نے ’ملک گیر تحریک‘ شروع کرنے کا اعلان کر دیا جبکہ پارٹی ممبران اور حامیوں کو تیار رہنے کی ہدایت کر دی، تاہم کسی تاریخ کا اعلان نہیں کیا گیا۔
سوشل میڈیا پلیٹ فارم’ ایکس’ پر ایک پوسٹ میں، پی ٹی آئی سینیٹر علی ظفر نے لکھا کہ آج سابق وزیراعظم کے ساتھ 6 گھنٹے طویل ملاقات ہوئی، اور اس دوران تمام امور پر تبادلہ خیال ہوا۔
سینیٹر نے علی ظفر نے مزید لکھا، ’ کچھ بہت اہم معاملات پر تبادلہ خیال ہوا، ان میں ایک ملک گیر تحریک بھی شامل تھی جس کے لیے پارٹی کو تیاری کرنی چاہیے اور اچھی طرح منظم ہونا چاہیے۔’
سینیٹر علی ظفر نے خبردار کیا کہ عمران خان نے کہا ہے کہ ’ پی ٹی آئی میں کسی کے لیے بھی دونوں طرف کھیلنے کی گنجائش نہیں ہے، اور ہر کسی کو سچائی اور انصاف کے مقصد کے لیے متحد رہنا چاہیے۔’
عمران خان کا حوالہ دیتے ہوئے سینیٹر علی ظفر نے مزید لکھا،’ میں قوم کی خاطر جیل میں تمام مشکلات برداشت کر رہا ہوں، اور پی ٹی آئی کی قیادت کو قربانی سے نہیں ڈرنا چاہیے۔’
تاہم سینیٹر علی ظفر انہوں نے یہ نہیں بتایا کہ یہ تحریک کب شروع ہوگی۔
واضح رہے کہ پاکستان تحریک انصاف کے بانی اور سابق وزیراعظم عمران خان راولپنڈی کی اڈیالہ جیل میں چار مقدمات ؛ دو توشہ خانہ ریفرنسز، سائفر کیس، اور عدت کیس جس میں ان کی اہلیہ بشریٰ بی بی بھی جیل میں ہیں، میں سزا پانے کے بعد دو سال سے زائد عرصے سے قید ہیں۔
پی ٹی آئی نے اس وقت سے ان کی رہائی کا مطالبہ کرتے ہوئے کئی بڑے مظاہرے کیے ہیں، خاص طور پر 26 نومبر 2024 کو اسلام آباد کی طرف ایک مارچ، جہاں سیکیورٹی فورسز اور پی ٹی آئی کے مظاہرین کے درمیان ایک دن کی شدید جھڑپیں ہوئی تھیں جن کے دوران پارٹی کی اعلیٰ قیادت اور پارٹی کارکنان ریڈ زون سے پسپا ہونے پر مجبور ہوگئے تھے۔
دریں اثنا، عمران کی بہن علیمہ خانم نے بھی اڈیالہ جیل کے باہر صحافیوں سے بڑے پیمانے پر عوامی تحریک کے بارے میں بات کی، اگرچہ انہوں نے بھی یہ نہیں بتایا کہ یہ تحریک کب شروع ہوگی۔
علیمہ خان نے کہا:’ عمران خان نے پارٹی کو تیار رہنے کی ہدایات جاری کی ہیں، انہوں نے کہا ہے کہ ’میں کسی کو اسلام آباد نہیں بلاؤں گا، کیونکہ وہ (حکام) اسنائپر رائفلیں لے کر بیٹھے ہیں اور لوگوں کو گولی ماری دی جاتی ہے ۔۔۔۔ اس سے مجھے بہت تکلیف ہوتی،، میں ایسا نہیں کروں گا۔‘
علیمہ خان کے مطابق عمران خان نے کہا ہے کہ پارٹی کو تیار رہنا چاہیے، کیونکہ وہ جلد ہی پورے پاکستان میں ایک بڑی عوامی تحریک کا اعلان کریں گے۔
.
ذریعہ
ذریعہ: Daily Ausaf
کلیدی لفظ: سینیٹر علی ظفر علی ظفر نے پی ٹی ا ئی کا اعلان نے کہا
پڑھیں:
میاں بیوی کو تین سالہ بچی سمیت اٹھانے کی سی سی ٹی وی فوٹیج محفوظ کرنے کی درخواست ، لاہور ہائیکورٹ کی متعلقہ عدالت سے رجوع کرنے کی ہدایت
لاہور (اُردو پوائنٹ اخبارتازہ ترین - اے پی پی۔ 02 جون2026ء) لاہور ہائیکورٹ نے سی سی ڈی اہلکاروں کی جانب سے میاں بیوی اور تین سالہ بچی کو گھر سے اٹھانے کے معاملے میں سی سی ٹی وی کیمروں کی وڈیو فوٹیج محفوظ کرنے کی درخواست مسترد کرتے ہوئے درخواست گزار کو متعلقہ ٹرائل کورٹ سے رجوع کرنے کی ہدایت کر دی۔لاہور ہائیکورٹ کے جسٹس شہرام سرور چوہدری نے درخواست پر سماعت کی۔ درخواست گزار رحمان کی جانب سے ایڈووکیٹ ایاز صفدر سندھو نے دلائل دیئے۔درخواست گزار کے وکیل نے موقف اختیار کیا کہ سی سی ڈی گوجرانوالہ نے درخواست گزار کی بہن، بہنوئی اور ان کی تین سالہ بچی کو گھر سے اٹھایا اور بعد ازاں میاں بیوی کے خلاف منشیات کا جھوٹا مقدمہ درج کر دیا۔ مذکورہ میاں بیوی ایک مبینہ جعلی پولیس مقابلے کے مدعی ہیں اور پیروی سے باز نہ آنے پر انہیں جھوٹے مقدمے میں نامزد کیا گیا۔(جاری ہے)
تین سالہ بچی بھی سی سی ڈی کی تحویل میں رہی تاہم درج مقدمے میں اس کا کوئی ذکر موجود نہیں۔ عدالت سے استدعا کی گئی کہ متعلقہ مقامات کی سی سی ٹی وی فوٹیج محفوظ بنانے کے احکامات جاری کیے جائیں۔سماعت کے دوران جسٹس شہرام سرور چوہدری نے ریمارکس دیے کہ فوٹیج حاصل کرنا یا اسے محفوظ بنانا ہائیکورٹ کا کام نہیں۔ عدالت نے قرار دیا کہ ٹرائل کورٹ کے پاس سی سی ٹی وی فوٹیج محفوظ رکھنے سمیت متعدد قانونی اختیارات موجود ہیں۔عدالت نے درخواست گزار کو ہدایت کی کہ وہ اپنی درخواست متعلقہ ٹرائل کورٹ میں دائر کرے کیونکہ اس حوالے سے حکم جاری کرنے کا اختیار اسی عدالت کے پاس ہے۔بعد ازاں عدالت نے سی سی ٹی وی فوٹیج محفوظ کرنے کی درخواست مسترد کرتے ہوئے درخواست گزار کو ٹرائل کورٹ سے رجوع کرنے کی ہدایت کر دی۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ