ہم نے امریکی ایلچی کی جنگ بندی کی تجویز پر اتفاق کر لیا ہے، حماس
اشاعت کی تاریخ: 28th, May 2025 GMT
المیادین کی رپورٹ کے مطابق حماس کا کہنا ہے کہ یہ معاہدہ ایک ایسے عمومی فریم ورک پر مبنی ہے جو مستقل جنگ بندی، غزہ کی پٹی سے قابض افواج کے مکمل انخلاء، امدادی سامان کے بہاؤ، اور معاہدے کے اعلان کے فوراً بعد ایک پیشہ ور کمیٹی کو غزہ کے امور کی نگرانی سونپنے کو یقینی بناتا ہے۔ اسلام ٹائمز۔ اسلامی مزاحمتی تحریک حماس نے امریکی ایلچی اسٹیو وٹکوف کی جانب سے پیش کردہ جنگ بندی کی تجویز سے اتفاق کر لیا ہے۔ المیادین کی رپورٹ کے مطابق حماس کا کہنا ہے کہ یہ معاہدہ ایک ایسے عمومی فریم ورک پر مبنی ہے جو مستقل جنگ بندی، غزہ کی پٹی سے قابض افواج کے مکمل انخلاء، امدادی سامان کے بہاؤ، اور معاہدے کے اعلان کے فوراً بعد ایک پیشہ ور کمیٹی کو غزہ کے امور کی نگرانی سونپنے کو یقینی بناتا ہے۔ بیان کے مطابق، " اس معاہدے میں "10 اسرائیلی قیدیوں اور چند لاشوں کی رہائی کے بدلے، طے شدہ تعداد میں فلسطینی قیدیوں کی رہائی بھی شامل ہے، جس کی ضمانت ثالث قوتیں دیں گی۔" تحریک نے یہ بھی اشارہ دیا کہ وہ "اس فریم ورک پر حتمی ردعمل کی منتظر ہے۔" منگل کے روز، حماس کے رہنما باسم نعیم نے اعلان کیا تھا کہ مزاحمتی تحریک نے امریکی ایلچی کی پیشکش قبول کر لی ہے، جو کہ جنگ کے خاتمے، دشمن افواج کے انخلاء، اور مستقل جنگ بندی کے قیام پر مشتمل ہے۔ واضح رہے کہ غزہ کی پٹی گزشتہ 600 دنوں سے ایک اسرائیلی نسل کش جنگ کا شکار ہے، جس کا ہدف نہتے شہری، ہسپتال، اور شہری انفراسٹرکچر ہیں۔ اس کے علاوہ سخت ناکہ بندی بھی جاری ہے، جس کے نتیجے میں اب تک 54,084 افراد شہید ہو چکے ہیں، 123,308 زخمی ہوئے ہیں، جب کہ متعدد لاپتہ اور گرفتار کیے جا چکے ہیں۔
.
ذریعہ
ذریعہ: Islam Times
پڑھیں:
عالمی منڈی میں خام تیل کی قیمتیں بے قابو، فی بیرل 100 ڈالر سے متجاوز
تازہ اعداد و شمار کے مطابق برطانوی خام تیل (برینٹ) 100.56 ڈالر فی بیرل میں فروخت ہو رہا ہے، جبکہ امریکی خام تیل (ڈبلیو ٹی آئی) کی قیمت بڑھ کر 92.05 ڈالر فی بیرل تک پہنچ گئی ہے۔ اسلام ٹائمز۔ ایران پر امریکی جارحیت کے بعد عالمی توانائی منڈی میں خام تیل کی قیمتوں میں نمایاں اضافہ ریکارڈ کیا گیا، جبکہ برطانوی خام تیل 100 ڈالر فی بیرل کی سطح عبور کر گیا۔ تازہ اعداد و شمار کے مطابق برطانوی خام تیل (برینٹ) 100.56 ڈالر فی بیرل میں فروخت ہو رہا ہے، جبکہ امریکی خام تیل (ڈبلیو ٹی آئی) کی قیمت بڑھ کر 92.05 ڈالر فی بیرل تک پہنچ گئی ہے۔
دوسری جانب متحدہ عرب امارات کا مربن خام تیل 108 ڈالر فی بیرل میں فروخت ہونے لگا ہے، جو عالمی منڈی میں توانائی کی بڑھتی ہوئی بے یقینی کی عکاسی کرتا ہے۔ادھر قدرتی گیس کی قیمت بھی بڑھ کر 2.95 ڈالر فی ایم ایم بی ٹی یو (MMBtu) ہو گئی ہے، جس سے عالمی توانائی مارکیٹ میں کشیدگی کے اثرات مزید نمایاں ہو رہے ہیں۔
ٹی20 ورلڈ کپ 2026: پاکستان نے سپر 8 کے لیے جگہ پکی کر لی