بانی پی ٹی آئی کی نااہلی کیخلاف فیض آباد احتجاج کیس، پراسیکیوشن کے 2 گواہان کا بیان قلمبند
اشاعت کی تاریخ: 29th, May 2025 GMT
—فائل فوٹو
اسلام آباد کی انسداد دہشت گردی کی عدالت میں بانی پی ٹی آئی کی نااہلی کے خلاف فیض آباد احتجاج کے کیس میں پراسیکیوشن کے 2 گواہان نے اپنا بیان قلمبند کرا دیا۔
دورانِ سماعت گواہ نے کہا کہ میں موقع پر موجود تھا، پی ٹی آئی کارکنان نعرے بازی کرتے ہوئے آئے، کارکنان کو روکا تو انہوں نے کہا ہم نے الیکشن کمیشن کے باہر جانا ہے، کارکنان نے پی ٹی آئی کے جھنڈے اور ڈنڈے اٹھا رکھے تھے۔
جس کے بعد عدالت نے کیس کی مزید سماعت 16 جون تک ملتوی کردی۔
اگلی سماعت پر مزید گواہان کے بیانات ریکارڈ اور جرح کی جائے گی۔
واضح رہے کہ پی ٹی آئی رہنماؤں کے خلاف تھانہ آئی 9 میں مقدمہ درج ہے، جس میں علی امین گنڈاپور، فیصل جاوید، عامر کیانی، واثق قیوم اور دیگر نامزد ہیں۔
.ذریعہ: Jang News
پڑھیں:
اسلام آباد ہائیکورٹ میں 190 ملین پاﺅنڈ کیس کی سماعت 5 جون مقرر
اسلام آباد (ڈیلی پاکستان آن لائن )اسلام آباد ہائیکورٹ نے 190 ملین پاﺅنڈ کیس کی سماعت 5 جون 2025 کو مقرر کر دی ہے۔
نجی ٹی وی سما نے عدالت عالیہ کی کاز لسٹ کے حوالے سے بتایا کہ بانی پی ٹی آئی عمران خان اور ان کی اہلیہ بشریٰ بی بی کی سزا معطلی کی درخواستوں پر سماعت 5 جون کو ہوگی۔
قائم مقام چیف جسٹس سرفراز ڈوگر اور جسٹس محمد آصف پر مشتمل بینچ اس کیس کی سماعت کرے گا۔
گزشتہ ہفتے پی ٹی آئی رہنماﺅں نے عدالت سے استدعا کی تھی کہ اس کیس کو جلد سماعت کے لئے مقرر کیا جائے۔
ایبٹ آباد، توہین رسالت کے ملزم کو عمر قید،2لاکھ روپے جرمانہ کی سزا