یومِ تکبیر قوم کیلئے فخر اور سربلندی کی علامت ہے؛ راجہ علی اصغر
اشاعت کی تاریخ: 29th, May 2025 GMT
سٹی 42 : مسلم لیگ (ن) فرانس کے چیئرمین راجہ علی اصغر نے کہا ہے کہ 28 مئی کا دن پاکستان کی تاریخ کا یادگار اور سنہری دن ہے، یوم تکبیر قوم کے لیے فخر اور سربلندی کی علامت ہے۔
ان خیالا ت کا اظہار راجہ علی اصغر نے یوم تکبیر کی تقریب سے خطاب کے دوران کیا، کہا کہ نواز شریف نے 28 مئی 1998ء کو ایٹمی دھماکے کر کے پاکستان کو ایٹمی قوت بنایا، نواز شریف نے عالمی دباؤ اور پابندیوں پر ملکی وقار اور خود مختاری کو ترجیح دی۔
یوم تکبیر ،چیئرمین ہلال احمر ڈاکٹر سعید الہٰی کی قیادت میں ریلی
ن لیگ جاپان کے مرکزی رہنما سردار ظہور اقبال نے اس موقع پر کہا کہ 28 مئی یوم تکبیر پاکستان کا فخریہ دن ہے۔ نواز شریف نے دھمکی، دباؤ اور پابندیوں کی پرواہ کیے بغیر پاکستان کا دفاع ناقابل تسخیر بنایا۔ الحمدللّٰہ پاکستان کو ایٹمی ملک بنے 27 سال مکمل ہوگئے۔ انہوں نے کہا کہ دشمنان پاکستان ہماری ایٹمی صلاحیت سے خوفزدہ ہیں۔ پاکستان کا ایٹمی طاقت بننا ملت اسلامیہ کے لیے بھی فخر کا مقام ہے۔ ملک کو ایٹمی قوت بنانے پر ڈاکٹر عبد القدیر خان، ذوالفقار علی بھٹو اور قائد ن لیگ نواز شریف کو سلام پیش کرتے ہیں۔
ملک بھر میں عید الاضحٰی کا چاند نظر آگیا
ن لیگ آزاد کشمیر کے رہنما نعیم چوہدری نے کہا کہ ایٹمی قوت بنتے وقت بعض لوگ کہتے تھے کہ اس کی ضرورت نہیں تھی۔ 10 مئی کو ثابت ہوا کہ اس کی ضرورت تھی جس کے باعث دشمن کو نقصان اٹھا کر خاموشی اخیتار کرنی پڑی لہٰذا یوم تکبیر پورے جوش و جذبے کے تحت منانا چاہیے۔
.ذریعہ: City 42
پڑھیں:
یومِ تکبیر پاکستان کی جرات، خودمختاری اور استقامت کی علامت ہے، محسن نقوی
اسلام آباد:وفاقی وزیر داخلہ محسن نقوی نے یومِ تکبیر کے موقع پر قوم کو مبارکباد پیش کرتے ہوئے اسے پاکستان کی دفاعی تاریخ کا ایک سنہری باب قرار دیا ہے۔
انہوں نے کہا کہ 28 مئی 1998 وہ دن ہے جب پاکستان نے بھارت کے پانچ ایٹمی دھماکوں کے جواب میں چھ کامیاب ایٹمی تجربات کر کے دشمن کو دو ٹوک پیغام دیا کہ پاکستان اپنی خودمختاری اور دفاع پر کوئی سمجھوتہ نہیں کرے گا۔
محسن نقوی نے اپنے خصوصی پیغام میں کہا کہ پاکستان نے عالمی دباؤ، معاشی پابندیوں اور بیرونی خطرات کے باوجود جرات و حمیت کا مظاہرہ کرتے ہوئے ایٹمی قوت بننے کا فیصلہ کیا، جو آج ہماری اسٹریٹجک خودمختاری کی ضمانت ہے۔
انہوں نے کہا کہ یومِ تکبیر صرف ایک تاریخ نہیں، بلکہ عزم و ہمت، اتحاد اور قربانی کی وہ علامت ہے جو آج بھی پاکستانی قوم کو ہر چیلنج کا سامنا کرنے کی طاقت دیتی ہے۔
وفاقی وزیر داخلہ نے پاکستانی سائنسدانوں، افواجِ پاکستان، اور سیاسی قیادت کو خراجِ تحسین پیش کرتے ہوئے کہا کہ ان کی انتھک محنت اور قومی جذبے کی بدولت پاکستان دنیا کی ساتویں اور مسلم دنیا کی پہلی ایٹمی طاقت بنا۔
انہوں نے کہا کہ میں تمام سائنسدانوں کو قوم کا سلام پیش کرتا ہوں، آپ کا یہ کارنامہ دفاعی تاریخ میں سنہری حروف سے لکھا جائے گا۔
محسن نقوی نے چاغی کے پہاڑوں کو پاکستان کے جرات مندانہ فیصلے کا گواہ قرار دیتے ہوئے کہا کہ ان پہاڑوں کی گونج نے دنیا کو یہ باور کروا دیا کہ پاکستان اپنی خودمختاری کے تحفظ کے لیے ہر حد تک جانے کو تیار ہے۔
انہوں نے کہا کہ بھارت کی جارحانہ پالیسیوں کے باوجود پاکستان نے ہمیشہ ذمہ دارانہ طرزِ عمل اپنایا ہے، مگر 10 مئی کے واقعات دشمن کو یہ سبق دے چکے ہیں کہ کسی بھی مہم جوئی کی صورت میں اُسے سخت جواب دیا جائے گا۔
وزیراعظم سے بلاول بھٹو کی ملاقات، موجودہ صورتحال پر بات چیت