عمران خان سے متعلق سوال، امریکی محکمہ خارجہ کا جواب دینے سے گریز
اشاعت کی تاریخ: 9th, July 2025 GMT
امریکی محکمہ خارجہ کی ترجمان ٹیمی بروس نے پاکستان کے سابق وزیر اعظم عمران خان سے متعلق سوالات پر باضابطہ جواب دینے سے گریز کیا ہے۔
صحافی نے سوال کیا تھا کہ کیا امریکی حکومت بانی پی ٹی آئی عمران خان کی جیل میں قید کو پاکستان کا داخلی معاملہ سمجھتی ہے؟
ٹیمی بروس نے اس سوال کا جواب دیتے ہوئے کہا کہ اگر امریکی حکومت کا موقف جاننا ہو تو وائٹ ہاؤس کی ترجمان کیرولائن لیویٹ سے رابطہ کریں۔ انہوں نے اس پر مزید بات کرنے سے گریز کیا۔
یہ بھی پڑھیں کیا صدر ٹرمپ عمران خان کو رہا کروائیں گے؟ ترجمان امریکی محکمہ خارجہ نے سوال نظر انداز کردیا
یہ پہلی بار نہیں ہے کہ امریکی محکمہ خارجہ نے عمران خان کی قید کے حوالے سے سوالات پر واضح جواب دینے سے گریز کیا ہو۔ 20 مارچ کو بھی امریکی محکمہ خارجہ نے عمران خان کی قید پر سوالات کے جواب میں کہا تھا کہ وہ کسی دوسرے ملک کے داخلی معاملات پر تبصرہ نہیں کریں گے۔
اس وقت بھی صحافی نے پوچھا تھا کہ کیا امریکی صدر ٹرمپ، عمران خان کو جیل میں ڈالے جانے کے حوالے سے کوئی قدم اٹھائیں گے؟ ٹیمی بروس نے اس سوال کا جواب دیتے ہوئے کہا تھا کہ وہ کسی دوسرے ملک کے اندرونی معاملات پر بات نہیں کریں گی۔
یہ بھی پڑھیے چیئرمین تحریک انصاف عمران خان کی گرفتاری پر امریکی مؤقف کا کیا مطلب ہے؟
تجزیہ کاروں کا کہنا ہے کہ امریکی محکمہ خارجہ کی اس محتاط پوزیشن کا مقصد دونوں ممالک کے تعلقات میں توازن برقرار رکھنا اور داخلی سیاست پر تبصرہ کرنے سے اجتناب کرنا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
امریکی محکمہ خارجہ ٹیمی بروس عمران خان.ذریعہ: WE News
کلیدی لفظ: امریکی محکمہ خارجہ ٹیمی بروس امریکی محکمہ خارجہ عمران خان کی ٹیمی بروس تھا کہ
پڑھیں:
ایم 6 موٹروے اور نوشہرو فیروز کی تعمیر، سندھ کی وفاق کو ساڑھے 4 ارب قرض دینے کی منظوری
فائل فوٹومحکمہ خزانہ سندھ نے وفاق کو تعمیراتی منصوبے کے لیے قرض کی منظوری دے دی۔
صوبائی محکمہ خزانہ کے مطابق موٹر وے ایم 6 مٹیاری اور نوشہرو فیروزکی تعمیر کے معاملے پر وفاق کو 4 ارب 51 کروڑ روپے قرض دینے کی منظوری دی گئی ہے۔
محکمہ خزانہ کے مطابق نوشہرو فیروز کےلیے وفاق کو 3 ارب 49 کروڑ 3 لاکھ 33 ہزار روپے کی منظوری دی گئی ہے۔
اسلام آباد وفاقی وزیر مواصلات، نجکاری و سرمایہ...
اس کے علاوہ مٹیاری کے لیے ایک ارب 11 کروڑ 15 لاکھ 70 ہزار روپے قرض کی منظوری دی گئی ہے۔
وفاق کو فنڈز جاری کرنے کی حتمی منظوری آج سندھ کابینہ کے اجلاس میں دی جائے گی۔
پشاور ہائیکورٹ:سانحہ سوات پر چیئرمین انکوائری کمیٹی کا مختلف محکموں کی کوتاہیاں کا اعتراف