ٹریڈ تبدیلی فیسوں میں کمی سے چھوٹے اوردرمیانے درجے کے کاروباری اداروں کو فائدہ پہنچے گا، صدر ایف پی سی سی آئی
اشاعت کی تاریخ: 30th, May 2025 GMT
اسلام آباد (اُردو پوائنٹ اخبارتازہ ترین - اے پی پی۔ 30 مئی2025ء) صدر فیڈریشن آف پاکستان چیمبر آف کامرس اینڈ انڈسٹریز عاطف اکرام شیخ نے سی ڈی اے بورڈ کے اہم فیصلوں کا خیرمقدم کرتے ہوئے کہا کہ ٹریڈ تبدیلی فیسوں میں کمی،انڈسٹریل پلاٹس کے ریٹس کے جائزے جیسے اقدامات احسن اقدام ہے،فارم ہائوسز سے انڈسٹریل کی جگہ رہائشی چارجز وصول کرنے کا فیصلہ بھی درست سمت میں قدم کے مترادف ہے۔
انہوں نے کہا کہ ہم نے وزیر اعظم کے خصوصی مشیر ہارون اختر کے ایف پی سی سی آئی دورہ پر اس اہم مسئلے کی طرف توجہ مبذول کروائی تھی، ہماری تجاویز پر صنعتی پلاٹوں پر عائد غیر حقیقی نرخوں پر نظر ثانی اور انہیں ایڈجسٹ کرنے پر اتفاق کر لیا گیا ہے جو کہ بزنس کمیونٹی کی بڑی کامیابی ہے ،جس کا تجارتی اور صنعتی سٹیک ہولڈرز کو طویل عرصے سے انتظار تھا۔(جاری ہے)
معاون خصوصی ہارون اختر نے نہ صرف بزنس کمیونٹی کی آواز کو سنا بلکہ عمل بھی کروایا جس پر ہم ان کے مشکور ہیں۔صدر ایف پی سی سی آئی عاطف اکرام شیخ نے کہا کہ ٹریڈ سے متعلق فیسوں میں کمی سے چھوٹے اور درمیانے درجے کے کاروباری اداروں کو سب سے زیادہ فائدہ پہنچ سکتا ہے۔کم اخراجات کے باعث ان کے لیے نئے کاروبار شروع کرنا یا موجودہ کاروبار میں توسیع کرنا آسان ہو جائے گا، جب کاروباری اخراجات کم ہوتے ہیں تو مقامی اور غیر ملکی سرمایہ کاروں کے لیے ملک میں سرمایہ کاری کرنا زیادہ پرکشش ہو جاتا ہے،یہ ملکی معیشت کی ترقی کے لیے سازگار ماحول فراہم کر سکتا ہے۔.ذریعہ: UrduPoint
کلیدی لفظ: تلاش کیجئے
پڑھیں:
پھیپھڑوں کی جان لیوا بیماری کے خلاف ویکسین منظور
عالمی ادارہ صحت (ڈبلیو ایچ او) نے پھیپھڑوں میں انفیکشن کو روکنے کے لیے 2 نئی ویکسین کے استعمال کی منظوری دے دی ہے جس سے لاکھوں زندگیوں کو تحفظ ملے گا۔
یہ بھی پڑھیں:پھیپھڑوں کے کینسر میں مبتلا خواتین کی نصف تعداد نان اسموکر، پھر عارضے کی وجہ کیا؟
پھیپھڑوں کی نالیوں میں انفیکشن (آر ایس وی) چھوٹے بچوں میں سانس کی شدید بیماریوں کی سب سے بڑی وجہ ہے جس سے ہر سال 5 سال سے کم عمر کے ایک لاکھ بچے موت کے منہ میں چلے جاتے ہیں۔ ایسی 97 فیصد اموات کم اور متوسط درجے کی آمدنی والے ممالک میں ہوتی ہیں۔
اگرچہ ‘آر ایس وی’ ہر عمر کے لوگوں کو متاثر کر سکتی ہے، لیکن یہ بہت چھوٹے بالخصوص قبل از وقت پیدا ہونے والے بچوں کے لیے کہیں زیادہ نقصان دہ ہے۔
‘ڈبلیو ایچ او’ میں حفاظتی ٹیکوں، ویکسین اور ان کی تیاری میں استعمال ہونے والے حیاتیاتی مادوں سے متعلق شعبے کی ڈائریکٹر کیٹ و برائن نے کہا ہے کہ ‘آر ایس وی’ کے باعث نصف سے زیادہ اموات 6 ماہ سے کم عمر کے بچوں میں ہوتی ہیں۔
حاملہ خواتین اور نومولود بچوں کا تحفظ
‘ڈبلیو ایچ او’ نے اس مرض کے خلاف جو ویکسین استعمال کرنے کی سفارش کی ہے ان میں ایک حاملہ خواتین کو حمل کے 28 ویں ہفتے سے زچگی تک دی جائے گی تاکہ نومولود بچوں کو بیماری سے تحفظ مل سکے۔
دوسری ویکسین چھوٹے بچوں کے لیے ہے۔ یہ انہیں ایسی اینٹی باڈیز کی صورت میں دی جائے گی جو ایک ہفتہ بعد جسم کو تحفظ مہیا کرنا شروع کر دیتی ہیں اور ان کا اثر پانچ ماہ تک رہتا ہے۔
‘ڈبلیو ایچ او’ نے دنیا بھر میں چھوٹے بچوں کی بڑی تعداد کے ‘آر ایس وی’ سے متاثر ہونے کی وجہ سے تمام ممالک کو سفارش کی ہے کہ وہ دونوں میں سے ایک ویکسین کا بڑے پیمانے پر استعمال یقینی بنائیں۔
کیٹ او برائن کا کہنا ہے کہ یہ ویکسین ‘آر ایس وی’ کے خلاف جنگ میں مثبت نتائج دے سکتی ہیں اور ان کی بدولت مرض کی شدت اور اس سے ہونے والی اموات میں کمی آئے گی اور دنیا بھر میں لاکھوں چھوٹے بچوں کی زندگی کو تحفظ ملے گا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
آر ایس وی پھیپھڑوں کی بیماری پھیپھڑے ڈبلیو ایچ او کیٹ او برائن
اسلام آباد میں دن کے وقت اندھیراچھاگیا، تیز ہواﺅں کے ساتھ شدید بارش اور ژالہ باری