خانیوال سٹیشن پر مسافر پل کا حصہ گرگیا، ریلوے ملازم جاں بحق،خاتون زخمی
اشاعت کی تاریخ: 31st, May 2025 GMT
خانیوال(این این آئی)خانیوال سٹیشن پر مسافر پْل کا ایک حصہ گرنے سے ریلوے ملازم ایس ٹی اکرام جاں بحق جبکہ ایک خاتون زخمی ہوگئی۔ ترجمان ریلوے کے مطابق امدادی کارروائی مکمل کر لی گئیں،ریلوے ٹریفک معمول کے مطابق چل رہی ہے۔ریسکیو 1122 کی ٹیم نے موقع پر پہنچ کر لاش کو ملبے سے نکالا جبکہ زخمی خاتون کو ابتدائی طبی امداد دے کرہسپتال منتقل کر دیا گیا۔مسافر پل کا حصہ گرنے سے ریلوے ملازم ملبے کے نیچے دب گیا تھا، گرنے والا پل قیامِ پاکستان سے قبل تعمیر کیا گیا تھا۔وفاقی وزیر ریلوے محمد حنیف عباسی نے نوٹس لیتے ہوئے 3 افسران کو معطل کر دیا، جن میں گریڈ 18 کے ڈویژنل انجینئر عابد رزاق، گریڈ 17 کے اسسٹنٹ انجینئر راجا یوسف اور گریڈ 16 کے انسپکٹر برج ملتان محمد عادل شامل ہیں۔ریلوے نے معاملے پر اظہار افسوس کرتے ہوئے ذمہ داروں کے خلاف سخت کارروائی کی ہدایت کر دی جبکہ اس حوالے سے سی ای او ریلوے، آئی جی ریلوے اور ڈی ایس لاہور پر مشتمل انکوائری کمیٹی تشکیل دے دی گئی۔
.ذریعہ: Nawaiwaqt
پڑھیں:
کراچ: ٹرین کی ٹکر سے خاتون جاں بحق
اسامہ ملک: کراچی کے علاقے ڈرگ روڈ ریلوے اسٹیشن کے قریب افسوسناک واقعہ پیش آیا جہاں ایک نامعلوم خاتون ٹرین کی زد میں آکر جاں بحق ہو گئیں۔
ریسکیو حکام کے مطابق خاتون کی شناخت تاحال نہیں ہو سکی۔لاش کو ایدھی ایمبولینس کے ذریعے جناح oسپتال منتقل کر دیا گیا ہے۔
واقعے کے وقت ریلوے ٹریک پر غیر معمولی رش یا صورتحال کی اطلاع نہیں ملی۔ پولیس نے جائے وقوعہ سے شواہد اکٹھے کر کے تفتیش شروع کر دی ہے جبکہ ورثاء کی تلاش جاری ہے۔
خوفناک زلزلہ نے عمارتیں ہلا کر رکھ دیں
شہریوں سے اپیل کی گئی ہے کہ اگر کوئی اپنے لاپتہ عزیز کی تلاش میں ہے تو جناح ہسپتال سے رجوع کرے۔
غزہ میں اسرائیلی حملہ، خاتون فلسطینی ڈاکٹر کے 10 میں سے 9 بچے شہید