اسرائیل کا محمود عباس کے احسانات کا دھمکیوں سے جواب
اشاعت کی تاریخ: 31st, May 2025 GMT
اپنی ایک رپورٹ میں صیہونی ٹی وی کا کہنا تھا کہ سعودی عرب اور فرانس دو ریاستی حل کو آگے بڑھانے کیلیے اگلے ماہ اقوام متحدہ میں ایک کانفرنس منعقد کرنے والے ہیں جبکہ پیرس اس تقریب میں فلسطینی ریاست کو تسلیم کرنے پر غور کر رہا ہے۔ اسلام ٹائمز۔ صیہونی ٹی وی کان نے رپورٹ دی کہ اسرائیلی عہدیداروں نے فلسطینی اتھارٹی کے صدر "محمود عباس" کے گرد نئی لکیر کھینچ دی۔ اس بارے میں صیہونی حکام کا کہنا ہے کہ فلسطینی اتھارٹی آج "رام الله" میں خود مختار فلسطینی ریاست کے قیام کو وسعت دینے کے لئے ایک اجلاس کی میزبانی کا ارادہ رکھتی تھی اور اگر اس طرح کی کوششوں کے نتیجے میں ایک خود مختار ملک کے طور پر فلسطین کا قیام عمل میں آ جائے تو یہ اسرائیل کے قلب میں ایک دہشت گرد ریاست کی مانند ہو گا۔ لہٰذا اسرائیل اپنی سلامتی کے لئے خطرہ بننے والے کسی بھی اقدام کی اجازت نہیں دے گا۔ اسرائیل نے محمود عباس کو خبردار کرتے ہوئے کہا کہ فلسطینی اتھارٹی، اسرائیل کے ساتھ کئے گئے تمام معاہدوں کی ہر سطح پر خلاف ورزی بند کرے۔ واضح رہے کہ فلسطینی اتھارٹی نے آج تک آپریشن "طوفان الاقصیٰ" کے نتیجے میں ہونے والے قتل عام کی مذمت تک نہیں کی۔
تاہم اسرائیل نے محمود عباس کی خدمت کا یہ صلہ دیا کہ صیہونی رژیم، مشرق وسطیٰ کے ممالک کے وزرائے خارجہ کے وفد کو مغربی کنارے میں داخلے کی اجازت نہیں دے رہی۔ وفد کی سربراہی سعودی عرب کے سر ہے۔ جس میں یو اے ای، مصر، اردن، قطر اور ترکیہ شامل ہے۔ مذکورہ وفد کے شیڈول میں رام الله میں محمود عباس سے ملاقات شامل ہے۔ اسرائیلی اہلکار نے بتایا کہ فلسطینی اتھارٹی، "فلسطینی ریاست کے قیام" کے موضوع پر ایک اجلاس منعقد کرنا چاہ رہی ہے۔ سعودی عرب اور فرانس دو ریاستی حل کو آگے بڑھانے کے لیے اگلے ماہ اقوام متحدہ میں ایک کانفرنس منعقد کرنے والے ہیں جب کہ پیرس اس تقریب میں فلسطینی ریاست کو تسلیم کرنے پر غور کر رہا ہے۔ اسرائیل ایسے اقدمات کی اجازت نہیں دے گا جو اس کی سلامتی کے لئے خطرہ ہیں۔ اس فیصلے سے خطے کے عرب ممالک کے ساتھ اسرائیل کے تعلقات مزید کشیدہ ہونے کا خدشہ ہے جو غزہ جنگ کے آغاز کے بعد سے شدید تناؤ کا شکار ہیں۔
ذریعہ
ذریعہ: Islam Times
کلیدی لفظ: فلسطینی ریاست میں ایک
پڑھیں:
’مضبوط رہیں‘، ریپر طلحہ انجم کا بھارتی طلبا کے ساتھ اظہارِ یکجہتی
پاکستان کے معروف ریپر اور گلوکار طلحہ انجم نے نئی دہلی میں تعلیمی نظام کے خلاف احتجاج کرنے والے بھارتی طلبا سے اظہارِ یکجہتی کرتے ہوئے ان کے حوصلے اور ثابت قدمی کو سراہا ہے۔ انہوں نے طلبا پر ہونے والی پولیس کارروائی کے بعد ایک پیغام جاری کرتے ہوئے کہا کہ وہ ان کے غصے اور احساسات کو بخوبی سمجھتے ہیں۔
طلحہ انجم نے اپنی انسٹاگرام اسٹوری پر بھارتی طلبا کے احتجاج کی ایک ویڈیو شیئر کی، جس میں مظاہرین پر آنسو گیس اور لاٹھی چارج ہوتے دکھایا گیا۔ ویڈیو کے ساتھ انہوں نے لکھا کہ ’بھارت کے طلبا مظاہرین کے نام، مجھے آپ کی ثابت قدمی کا بے حد احترام ہے، میں آپ کی مایوسی اور غصے کو سمجھ سکتا ہوں، اور یہ بھی جانتا ہوں کہ آپ کے ساتھ کیا کیا جا رہا ہے، مضبوط رہیں۔‘
طلحہ انجم پاکستان کے سب سے زیادہ سنے جانے والے موسیقاروں میں شمار ہوتے ہیں اور اسٹریمنگ پلیٹ فارم اسپاٹیفائی پر ان کی مقبولیت کئی ریکارڈ قائم کر چکی ہے۔ بھارت میں بھی ان کے مداحوں کی بڑی تعداد موجود ہے۔ گزشتہ برس نیپال میں ایک کنسرٹ کے دوران ایک مداح کی جانب سے بھارتی پرچم پیش کیے جانے پر وہ خبروں میں آئے تھے، بعد ازاں انہوں نے پاکستان میں اس معاملے پر وضاحت بھی کی تھی۔
سماجی اور انسانی مسائل پر کھل کر مؤقف اختیار کرنے والے طلحہ انجم اس سے قبل بھی کئی معاملات پر آواز بلند کر چکے ہیں۔ اپریل میں صومالیہ کے ساحل کے قریب قزاقوں کے قبضے میں جانے والے پاکستانی ملاحوں کی رہائی کے لیے انہوں نے حکومت سے مؤثر اقدامات کا مطالبہ کیا تھا اور وزارتِ خارجہ سے متاثرہ خاندانوں کے لیے مستقل ہیلپ لائن قائم کرنے کی اپیل بھی کی تھی۔
دوسری جانب بھارت میں تعلیمی امتحانات کے مبینہ پیپر لیکس کے خلاف احتجاج کا سلسلہ گزشتہ ماہ سے جاری ہے۔ کاکروچ جنتا پارٹی (CJP) کے پلیٹ فارم سے ہونے والے اس دھرنے میں طلبہ وزیرِ تعلیم دھرمیندر پردھان کے استعفے اور تعلیمی نظام میں اصلاحات کا مطالبہ کر رہے ہیں۔ حالیہ دنوں پارلیمنٹ کی جانب مارچ کی کوشش کے دوران پولیس نے مظاہرین کو روکنے کے لیے طاقت کا استعمال کیا، جس کے نتیجے میں متعدد افراد زخمی ہوئے۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار