کشمیر دنیا میں انسانی حقوق کی پامالی کی ایک المناک داستان ہے، چوہدری قربان
اشاعت کی تاریخ: 1st, June 2025 GMT
کوآرڈینیٹر کشمیر سالیڈیریٹی کمپین لوٹن کا اپنے ایک بیان میں کہنا ہے کہ کشمیر تنازعہ دنیا کے طویل المدتی تنازعات میں سے ایک ہے جس نے لاکھوں انسانوں کی زندگیوں کو متاثر کیا ہے۔ اسلام ٹائمز۔ حاجی چوہدری محمد قربان کوآرڈینیٹر، کشمیر سالیڈیریٹی کمپین لوٹن نے کہا ہے کہ اقوام متحدہ کی قراردادوں کے مطابق کشمیریوں کو ان کے مستقبل کا فیصلہ کرنے کا موقع فراہم کیا جائے۔ اپنے بیان میں حاجی چوہدری محمد قربان کوآرڈینیٹر، کشمیر سالیڈیریٹی کمپین لوٹن نے کہا ہے کہ کشمیر دنیا بھر میں انسانی حقوق کی پامالی کی ایک المناک داستان ہے۔ اقوام متحدہ کی قراردادوں کے تحت کشمیری عوام کو یہ حق حاصل ہے کہ وہ اپنے مستقبل کا فیصلہ خود کریں مگر بدقسمتی سے سات دہائیوں سے زائد عرصے گزر جانے کے باوجود کشمیریوں کو یہ بنیادی حق نہیں دیا گیا۔ انہوں نے کہا کہ وہ اپیل کرتے ہیں کہ کشمیری عوام کو تسلیم شدہ حق خودارادیت اور اقوام متحدہ کی قراردادوں کے مطابق ان کے مستقبل کا فیصلہ کرنے کا موقع فراہم کریں۔ محمد قربان نے کہا کہ کشمیر تنازعہ دنیا کے طویل المدتی تنازعات میں سے ایک ہے جس نے لاکھوں انسانوں کی زندگیوں کو متاثر کیا ہے۔ 1948ء اور 1949ء کی اقوام متحدہ کی قراردادوں کے مطابق، کشمیری عوام کو یہ حق دیا گیا تھا کہ وہ آزادانہ اور غیر جانبدارانہ طور پر اپنی مرضی سے اپنے مستقبل کا فیصلہ کریں تاہم، ان قراردادوں آج تک عملدرآمد نہیں ہو سکا۔
انہوں نے کہا کہ بھارت کی حکومت سے مطالبہ کرتے ہیں کہ وہ مقبوضہ کشمیر میں انسانی حقوق کی خلاف ورزیوں کو فوری طور پر بند کرے۔ کشمیریوں پر ظلم، جبر اور تشدد کا سلسلہ ختم ہونا چاہیے۔ عورتوں، بچوں اور بزرگوں سمیت تمام کشمیریوں کو ان کے بنیادی حقوق دیے جائیں۔ کشمیری رہنماؤں کو نظربند کرنے کی پالیسی ترک کی جائے اور تمام سیاسی قیدیوں کو رہا کیا جائے اور بھارت کشمیریوں کو آزادانہ رائے شماری کا حق دے۔ عالمی برادری، خاص طور پر اقوام متحدہ، یورپی یونین اور انسانی حقوق کی تنظیموں سے اپیل کرتے ہیں کہ وہ کشمیر میں انسانی حقوق کی صورتحال پر فوری توجہ دیں۔
ذریعہ: Islam Times
کلیدی لفظ: اقوام متحدہ کی قراردادوں کے میں انسانی حقوق کی مستقبل کا فیصلہ کشمیریوں کو کہ کشمیر نے کہا
پڑھیں:
اٹامک انرجی ہسپتال مظفرآباد خطے کے لیے وفاق کی جانب سے بہترین تحفہ ہے؛ چوہدری انوار الحق
سٹی 42 : وزیراعظم آزاد کشمیر چوہدری انوار الحق نے کہا ہے کہ اٹامک انرجی ہسپتال مظفرآباد خطے کے لیے وفاق کی جانب سے بہترین تحفہ ہے۔
وزیراعظم آزاد کشمیر چوہدری انوار الحق نے وفاقی حکومت کے تعاون سے نو تعمیر شدہ اٹامک انرجی کینسر ہسپتال مظفر آباد کا دورہ کیا، جہاں انہوں نے ہسپتال کے مختلف شعبوں کا معائنہ کیا۔ چوہدری انوار الحق نے ہسپتال میں مریضوں کو فراہم کی جانے والی علاج معالجہ کی سہولیات کا جائزہ بھی لیا۔
مون سون بارشیں, پی ڈی ایم اے کا الرٹ جاری
ڈائریکٹر جنرل این ایم او ڈاکٹر شازیہ فاطمہ نے وزیراعظم آزاد کشمیر کو ہسپتال کے مختلف شعبہ جات بارے تفصیلی بریفنگ دی۔ انہیں ہسپتال میں کینسر کی مختلف اقسام کی تشخیص اور علاج کے لیے دستیاب جدید مشینری بارے بھی بریفنگ دی گئی ۔
چوہدری انوار الحق نے کہا کہ اٹامک انرجی ہسپتال مظفرآباد خطے کے لیے وفاق کی جانب سے بہترین تحفہ ہے، مستقبل میں مختلف اقسام کے کینسرز کی تشخیص اور بروقت علاج کے لیے اس ہسپتال کا کردار انتہائی اہمیت کا حامل ہوگا۔ انہوں نے کہا کہ خواہش تھی آزاد کشمیر کی عوام کے لئے ایک بہترین کینسر ہسپتال قائم ہو ۔ ہسپتال کی ضروریات کے لیے محکمہ صحت آزاد کشمیر اٹامک انرجی ہسپتال مظفر آباد کو ہر ممکن آپریشنل تعاون فراہم کرے گا ۔
معروف برطانوی گلوکار انتقال کر گئے
وزیراعظم آزاد کشمیر نے کہا کہ یہاں ہسپتال کا انفراسٹرکچر اور سٹیٹ آف دی آرٹ مشینری دیکھ کر دلی خوشی ہوئی، صحت کے مسائل کا خاتمہ موجودہ حکومت کی ترجیحات میں شامل ہے ۔ انہوں نےکہا کہ 5.4ارب کی خطیر رقم سے تعمیر ہونے والا یہ ہسپتال کینسر جیسے مہلک امراض کے علاج معالجے میں کلیدی کردار ادا کرے گا ۔
سیکیورٹی خدشات کے باعث کوئٹہ سے اندورن ملک ٹرین سروس معطل