چیمپیئنز لیگ فرانس کی تاریخی فتح، پیرس کی سڑکوں پر جشن کا سماں
اشاعت کی تاریخ: 1st, June 2025 GMT
پیرس سینٹ جرمین (پی ایس جی) نے یورپی فٹبال کی تاریخ میں نیا باب رقم کرتے ہوئے انٹر میلان کو 5-0 سے شکست دے کر یوئیفا چیمپیئنز لیگ 2025 کا ٹائٹل اپنے نام کر لیا۔
یہ بھی پڑھیں:کرسٹیانو رونالڈو نے مسلسل تیسرے سال کون سا اعزاز اپنے نام کیا؟
یہ پی ایس جی کی تاریخ کا پہلا چیمپیئنز لیگ ٹائٹل ہے، جو انہوں نے شاندار کارکردگی کے ساتھ حاصل کیا۔
میونخ کے الیانز ایرینا میں کھیلے گئے فائنل میں 19 سالہ فرانسیسی مڈفیلڈر دیزیرے دوئے نے 2 گول کیے اور ایک گول میں مدد فراہم کی، جس پر انہیں میچ کا بہترین کھلاڑی قرار دیا گیا۔
یہ کامیابی چیمپیئنز لیگ فائنل کی تاریخ میں سب سے بڑے مارجن سے حاصل کی گئی کامیابیوں میں شامل ہے۔
پی ایس جی نے اس سیزن میں لیگ 1، کوپ ڈی فرانس اور چیمپیئنز لیگ جیت کر فرانسیسی فٹبال کی تاریخ میں پہلی بار ’ٹریبل‘ مکمل کیا۔
ہیڈ کوچ لوئس انریکے نے اس کامیابی کے ساتھ دوسری بار یورپی ٹریبل جیتنے والے کوچ کا اعزاز حاصل کیا۔
اس تاریخی فتح کے بعد پیرس کی سڑکوں پر جشن کا سماں ہے، جہاں ہزاروں مداح خوشی سے جھوم رہے ہیں۔
پی ایس جی اب اگست میں یوئیفا سپر کپ میں ٹوٹنہم ہاٹسپر کا سامنا کرے گا اور 2025 فیفا انٹرکانٹینینٹل کپ اور 2029 فیفا کلب ورلڈ کپ میں بھی شرکت کرے گا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
پی ایس جی پیرس پیرس سینٹ جرمین چیمپیئنز لیگ فرانس لوئس انریکے.
ذریعہ
ذریعہ: WE News
کلیدی لفظ: پی ایس جی پیرس پیرس سینٹ جرمین چیمپیئنز لیگ پی ایس جی کی تاریخ
پڑھیں:
مالی سال 26-2025 کے اختتام پر کلیمز جمع کرانے کی آخری تاریخ 12 جون مقرر
اکاؤنٹنٹ جنرل پاکستان ریونیو (اے جی پی آر) اسلام آباد نے مالی سال 26-2025 کے اختتام کے سلسلے میں ادائیگیوں، بلوں اور کلیمز کی وصولی کے لیے اہم ڈیڈ لائنز مقرر کردی ہیں۔
اے جی پی آر کی جانب سے جاری نوٹیفکیشن کے مطابق تمام ڈرائنگ اینڈ ڈسبرسنگ آفیسرز (ڈی ڈی اوز) کو ہدایت کی گئی ہے کہ حالیہ خریداریوں اور حاصل کی گئی خدمات کے تمام کلیمز 12 جون 2026 تک لازمی طور پر جمع کرائے جائیں۔
نوٹیفکیشن میں کہا گیا ہے کہ 12 جون 2026 تک جاری کیے گئے ٹوکنز کے تحت تمام غیر منظور شدہ بلوں اور دعوؤں کو دوبارہ جمع کرانے کی آخری تاریخ 15 جون 2026 مقرر کی گئی ہے۔
اسی طرح اے جی پی آر اسلام آباد اور اس کے ماتحت دفاتر کے زیر انتظام اسائنمنٹ اکاؤنٹس کے لیے ریلیز جمع کرانے کی آخری تاریخ 19 جون 2026 ہوگی۔
اے جی پی آر نے واضح کیا ہے کہ 12 جون 2026 کے بعد اعزازیہ (ہونوریرئم) سے متعلق کوئی کلیم وصول نہیں کیا جائے گا۔
مزید برآں آف سائیکل ادائیگیوں کے حوالے سے کمپیوٹرائزڈ تبدیل شدہ اسٹیٹمنٹس صرف 11 جون 2026 تک وصول کی جائیں گی، جبکہ ان پر کارروائی عارضی طور پر 16 جون 2026 تک مکمل کر لی جائے گی۔
نوٹیفکیشن میں تمام ڈی ڈی اوز اور متعلقہ دفاتر کو تاکید کی گئی ہے کہ ادائیگیوں اور مالی معاملات میں کسی قسم کی تاخیر سے بچنے کے لیے تمام کیسز مقررہ مدت کے اندر جمع کرائے جائیں۔
اے جی پی آر نے یہ بھی آگاہ کیا ہے کہ موجودہ مالی سال سے متعلق تنخواہوں کے چیکس مالی سال کے اختتام پر زائد المعیاد (اسٹیل) تصور ہوں گے اور 30 جون 2026 کے بعد ان کے متبادل چیکس جاری نہیں کیے جائیں گے۔
ادارے نے تمام متعلقہ سرکاری دفاتر اور مالیاتی حکام پر زور دیا ہے کہ بلوں، ادائیگیوں اور کلیمز سے متعلق تمام مقررہ ڈیڈ لائنز پر سختی سے عمل درآمد یقینی بنایا جائے تاکہ مالی سال 26-2025 کے حسابات بروقت اور مؤثر انداز میں مکمل کیے جا سکیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews آخری تاریخ مقرر کلیمز مالی سال کا اختتام وی نیوز
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ