فرانس؛ چمپیئنز لیگ میں فتح کا جشن خونی شکل اختیار کرگیا، دو افراد ہلاک اور سیکڑوں زخمی
اشاعت کی تاریخ: 1st, June 2025 GMT
PARIS:
فرانس کے دارالحکومت میں فٹ بال کلب پیرس سینٹ جرمین کی چمپیئنز لیگ کے فائنل میں اطالوی کلب انٹرمیلان کے خلاف فتح کا جشن بدترین شکل اختیار کر گیا جہاں دو افراد ہلاک اور 192 زخمی ہوگئے جبکہ پولیس نے 500 سے زائد افراد کو گرفتار کرلیا۔
غیرملکی خبرایجنسی رائٹرز کی رپورٹ کے مطابق فرانس کی وزارت داخلہ نے بتایا کہ پولیس نے چمپیئنز لیگ کی فتح کا جشن منانے کے دوران 500 سے زائد افراد کو گرفتار کرلیا ہے جہاں دو افراد کی ہلاکت اور 192 کے زخمی ہونے کی اطلاع ہے۔
فرانسیسی فٹ بال کلب پیرس سینٹ جرمین نے ہفتے کو چمپیئنز لیگ کے فائنل میں اٹلی کے مشہور کلب انٹر میلان کو شکست دے کر پہلی مرتبہ چمپیئن بننے کا اعزاز حاصل کیا تھا اور پیرس میں ان کے مداحوں نے زبردست جشن منایا اور پولیس نے بتایا کہ کئی دیگر تقریبات بھی شیڈول تھیں۔
وزارت داخلہ کے ابتدائی بیان کے مطابق اتوار کو 559 افراد کو گرفتار کرلیا گیا ہے، جن میں سے 491 کو پیرس میں حراست میں لیا گیا تھا، گرفتار افراد میں سے 320 کو پولیس نے اپنی تحویل میں لے لیا ہے۔
پولیس سربراہ لورینٹ نونیز نے میڈیا کو بتایا کہ ایک 20 سالہ نوجوان جشن کے دوران ایک گاڑی سے ٹکرا کر جان کی بازی ہار گیا اور جنوب مغربی شہر ڈیکس میں 17 سالہ نوجوان ہلاک ہوا جن پر چھری کے وار کے نشانات تھے۔
لورینٹ نونیز نے بتایا کہ جوڈیشل تفتیش سے واضح ہوجائے گا کہ آیا پیرس میں ہونے والی کشیدگی چمپیئنز لیگ میں فتح کے جشن سے منسلک تھی یا نہیں تاہم اس وقت یہ حادثات جشن سے جڑے ہوئے نظر آ رہے ہیں۔
مشتعل مظاہرین چیمپز ایلسیس ایونیور میں بس اسٹیڈ کو تباہ کردیا، آنسو گیس کا فائر کرنے والے پولیس کے پروجیکٹائل کو بھی نقصان پہنچایا اور کلب کے ہزاروں مداحوں نے واٹر کینن کو پیچھے دھکیل دیا۔
فرانس کی وزارت داخلہ نے بتایا کہ آتشزدگی کے سیکڑوں واقعات رپورٹ ہوئے ہیں اور 200 سے زائد گاڑیاں جلائی گئی ہیں، سیکیورٹی فورسز کے 22 اہلکار اور 7 فائر فائٹرز کو بھی زخم آئے ہیں۔
پولیس چیف کے مطابق پیرس سینٹ جرمین کی فتح کے بعد ہونے جشن کے پیش نظر پیرس میں 5 ہزار 400 افسران کو تعینات کردیا گیا تھا۔
.ذریعہ: Express News
کلیدی لفظ: چمپیئنز لیگ نے بتایا کہ پولیس نے پیرس میں
پڑھیں:
تربت میں انسانی اسمگلنگ کی کوشش ناکام، 29 غیرملکی شہری گرفتار
کوئٹہ (نمائندہ خصوصی )بلوچستان کے ضلع تربت میں پولیس اور وفاقی تحقیقاتی ایجنسی (ایف آئی اے) نے مشترکہ کارروائی کے دوران انسانی اسمگلنگ کے اقدام کو ناکام بناتے ہوئے 29 غیر ملکی شہریوں کو غیر قانونی طور پر سرحد عبور کرنے کی کوشش پر گرفتار کر لیا۔پاکستان میں گزشتہ چند برسوں کے دوران انسانی اسمگلنگ کے واقعات میں خطرناک حد تک اضافہ ہوا ہے، جس کے تحت افراد کو کسی ملک میں داخل ہونے یا وہاں غیر قانونی طور پر قیام پذیر رہنے میں مدد فراہم کی جاتی ہے۔ یہ رجحان نہ صرف ملک کی ساکھ کو متاثر کرتا ہے بلکہ اس میں ملوث افراد کی زندگیوں کے لیے بھی خطرہ بن جاتا ہے۔
سینئر سپرنٹنڈنٹ پولیس (ایس ایس پی) کیچ کیپٹن زوہیب محسن نے ممتازنیوز کو بتایا کہ یہ کارروائی تربت کے نواحی علاقے میں کی گئی، جہاں ایک لینڈ کروزر کو روکا گیا جس میں درجنوں افراد سوار تھے۔انہوں نے بتایا کہ’ گرفتار ہونے والوں میں 12 مرد، 13 بچے اور 4 خواتین شامل ہیں، دو ڈرائیوروں کو بھی حراست میں لیا گیا ہے جو مبینہ طور پر ان افراد کو غیر قانونی راستوں کے ذریعے ایران لے جانے میں ملوث تھے۔’
ایس ایس پی زوہیب محسن نے مزید بتایا کہ ابتدائی تحقیقات سے پتہ چلا ہے کہ گرفتار افغان شہری بلوچستان کے راستے ایران میں داخل ہو کر یورپ جانے کا منصوبہ بنا رہے تھے۔انہوں نے کہا، ’ تمام گرفتار افراد کو مزید تحقیقات کے لیے ایف آئی اے کے حوالے کر دیا گیا ہے، جبکہ اسمگلنگ میں ملوث نیٹ ورک کے خلاف تحقیقات شروع کر دی گئی ہیں۔’عہدیدار نے مزید کہا کہ ابتدائی تحقیقات کے بعد مزید گرفتاریوں کی توقع ہے اور تفتیش کا دائرہ کار وسیع کر دیا گیا ہے۔
سکھر: امیر جماعت اسلامی سندھ کاشف سعید شیخ اجتماع عام کی تیاریوں کے سلسلے میں ضلع سکھر کے ذمے داران کے اجلاس سے خطاب کررہے ہیں، نائب قیم علامہ حزب اللہ جھکڑوبھی موجود ہیں