بحریہ ٹاؤن کی جائیدادوں کا نیلام عام، نیب نے تاریخ کا اعلان کر دیا
اشاعت کی تاریخ: 2nd, June 2025 GMT
قومی احتساب بیورو (نیب) نے پلی بارگیننگ کی ڈیفالٹ شدہ رقوم کی وصولی کے لیے بحریہ ٹاؤن کی متعدد غیر منقولہ جائیدادوں کو نیلام کرنے کا فیصلہ کرلیا ہے۔ نیلامی 12 جون بروز جمعرات صبح 11 بجے نیب ریجنل آفس، نزد لال مسجد، اسلام آباد میں ہوگی۔
ترجمان نیب کے مطابق یہ اقدام قومی احتساب آرڈیننس 1999 کے سیکشن 33 (ای) کے تحت کیا جا رہا ہے، جس کے تحت ڈیفالٹرز کی جائیدادیں بحق سرکار نیلام کی جا سکتی ہیں تاکہ واجب الادا رقوم کی وصولی ممکن ہو سکے۔
مزید پڑھیں: بحریہ ٹاؤن کراچی کے خلاف بڑی کارروائی، تمام کمرشل پراپرٹی منجمد
نیلام کی جانے والی جائیدادوں میں بحریہ ٹاؤن کارپوریٹ آفس (پلاٹ نمبر 7-E، پارک روڈ، فیز 2، راولپنڈی)، بحریہ ٹاؤن کارپوریٹ آفس 2 (پلاٹ نمبر 7-D، پارک روڈ، فیز 2، راولپنڈی)، روبیش مارکی اور لان (بحریہ گارڈن سٹی، نزد گالف کورس، اسلام آباد)، ارینہ سینما (پلاٹ نمبر 984، بورڈ اے، فیز 4، راولپنڈی) اور سفاری کلب (پلاٹ نمبر 27، سفاری ولاز ون، راولپنڈی) شامل ہیں۔
نیب کے مطابق نیلامی میں دلچسپی رکھنے والے خریداروں کے لیے نیلامی سے 2 روز قبل نیب ریجنل آفس اسلام آباد میں بریفنگ کا اہتمام کیا جائے گا، تاکہ وہ طریقہ کار اور شرائط سے مکمل آگاہی حاصل کر سکیں۔
حکام کے مطابق نیلامی کا مقصد پلی بارگیننگ کے تحت طے شدہ مگر غیر ادا شدہ رقوم کی وصولی کو یقینی بنانا ہے، جو نیب قوانین کے تحت ایک اہم قانونی اور مالی عمل ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
بحریہ ٹاؤن جائیداد نیلامی قومی احتساب بیورو ملک ریاض حسین نیب.ذریعہ: WE News
کلیدی لفظ: بحریہ ٹاؤن جائیداد نیلامی قومی احتساب بیورو ملک ریاض حسین بحریہ ٹاؤن پلاٹ نمبر کے تحت
پڑھیں:
11 ٹرینوں کی اوپن نیلامی، پاکستان ریلوے کا بڑا فیصلہ
ویب ڈیسک : پاکستان ریلوے کی جانب سے نئے طریقہ کار کے تحت ٹرینوں کو آوٹ سورس کرنے کا فیصلہ کیا گیا ہے، جس کے تحت 11 ٹرینوں کی بولی کی بجائے اوپن نیلامی کی جائے گی۔
محکمہ ریلوے کی جانب سے ٹرینوں کو آوٹ سورس کرنے کےعمل میں شفافیت لانے کے لئے ٹرینوں کو بڈز کی بجائے اوپن نیلام کرنے کا فیصلہ کیا گیا ہے ۔ اس فیصلے کے تحت 11 ٹرینوں کی اوپن نیلامی کے لئے محکمہ ریلوے کی جانب سے اشتہار بھی جاری کردیا گیا ہے۔ اس کے علاوہ نیلام کی جانے والی ٹرینوں میں فرید ایکسپریس، میانوالی ایکسپریس اور فیض احمد فیض پسنجر ٹرین بھی شامل ہے۔
فضائی آلودگی کا وبال، لاہور دنیا کے آلودہ شہروں میں پھر سرفہرست
واضح رہے کہ ٹرینوں کی اوپن نیلامی 20 نومبر کو کی جائے گی۔
پیپلز پارٹی کی وزیراعظم آزاد کشمیر کو استعفیٰ دینے کی مہلت