ملک ریاض کی جائیدادیں نیلامی کے لیے پیش: نیب نے 12 جون کی تاریخ مقرر کر دی
اشاعت کی تاریخ: 2nd, June 2025 GMT
اسلام آباد (صغیر چوہدری) — ملک کے سب سے بڑے پراپرٹی ٹائیکون اور بحریہ ٹاؤن کے چیئرمین ملک ریاض کی اہم جائیدادیں نیلامی کے لیے پیش کر دی گئی ہیں۔ قومی احتساب بیورو (نیب) نے بحریہ ٹاؤن کی متعدد غیر منقولہ پراپرٹی کی نیلامی کے لیے 12 جون 2025 بروز جمعرات صبح 11 بجے کا وقت مقرر کر دیا ہے۔
نیب کے مطابق، نیلامی کا عمل قومی احتساب آرڈیننس 1999 کے سیکشن 33(E) کے تحت پلی بارگیننگ میں ڈیفالٹ شدہ رقوم کی وصولی کے لیے کیا جا رہا ہے۔ نیلامی نیب ریجنل آفس، نزد لال مسجد، اسلام آباد میں منعقد کی جائے گی۔
نیلامی میں شامل جائیدادیں:
کارپوریٹ آفس پلاٹ نمبر 7-E، پارک روڈ، بحریہ ٹاؤن فیز ٹو، راولپنڈی
کارپوریٹ آفس ٹو پلاٹ نمبر 7-D، پارک روڈ، بحریہ ٹاؤن فیز ٹو، راولپنڈی
روبیش مارکی اور لان، بحریہ گارڈن سٹی، گالف کورس کے قریب، اسلام آباد
ارینہ سینما، پلاٹ نمبر 984، بورڈ A، بحریہ ٹاؤن فیز فور، راولپنڈی
سفاری کلب، پلاٹ نمبر 27، سفاری ولاز ون، بحریہ ٹاؤن راولپنڈی
نیب کے مطابق، دلچسپی رکھنے والے خریداروں کے لیے نیلامی سے دو روز قبل ایک بریفنگ سیشن کا اہتمام بھی کیا جائے گا، جو ریجنل نیب آفس، لال مسجد اسلام آباد میں ہوگا۔
نیب حکام کا کہنا ہے کہ یہ اقدام قانون کے مطابق پلی بارگیننگ کی باقی ماندہ رقوم کی وصولی کے لیے کیا جا رہا ہے، اور اس ضمن میں کسی قسم کی رعایت یا تاخیر نہیں کی جائے گی۔
یہ پیش رفت پاکستان کی کرپشن کے خلاف جاری کارروائیوں میں ایک بڑا قدم تصور کی جا رہی ہے، جس سے نہ صرف احتساب کا عمل آگے بڑھے گا بلکہ قومی خزانے کو بھی فائدہ پہنچے گا۔
Post Views: 2.ذریعہ: Daily Mumtaz
کلیدی لفظ: اسلام آباد بحریہ ٹاؤن پلاٹ نمبر کے لیے
پڑھیں:
پی آئی اے کا سعودی عرب کے مسافروں کیلئے50 فیصد رعایت کا اعلان
پاکستان انٹرنیشنل ائیرلائن (پی آئی اے) نے سعودی عرب سے آنے اور جانے والے مسافروں کو بڑا ریلیف دے دیا۔
قومی ایئرلائنز کے ترجمان کا کہنا ہے کہ پی آئی اے نے آئی اے کی جانب سے پاکستان سے سعودی شہر دمام، ریاض اور القسیم کی پروازوں کے ٹکٹوں پر 50 فیصد کی بڑی رعایت کا اعلان کیا ہے۔
پاکستان سے دمام،ریاض ،القسیم کے ٹکٹس پر پچاس فیصد رعایت ہوگی،مسافر نو جون تک رعایت سے فائدہ اُٹھاسکیں گے،سعودی عرب کی پروازوں پر رعایت پر فوری طور پر عمل درآمد ہو گا۔
Post Views: 4
یومِ تکبیر: مسلح افواج، چیئرمین جوائنٹ چیفس آف اسٹاف کمیٹی، سروسز چیفس کی عوام کو مبارکباد