وفاقی وزیر ریلوے کی جانب سے عید کا بڑا تحفہ ، پانچ خصوصی ٹرینیں چلانے کا اعلان اور کرایوں میں بڑی رعایت
اشاعت کی تاریخ: 2nd, June 2025 GMT
اسلام آباد (رضوان عباسی سے)وفاقی وزیر برائے ریلوے حنیف عباسی نے ریلوے کی کارکردگی اور مستقبل کے منصوبوں کے حوالے سے اہم اعلانات کرتے ہوئے کہا ہے کہ عیدالاضحیٰ کے موقع پر پانچ خصوصی ٹرینیں چلائی جائیں گی جبکہ عید کے تینوں دن کرایوں میں 20 فیصد خصوصی رعایت دی جائے گی۔حنیف عباسی نے کہا کہ پاکستان ریلوے نے اپنی 77 سالہ تاریخ میں نمایاں کامیابیاں حاصل کی ہیں اور گزشتہ گیارہ ماہ میں ریلوے کی مجموعی کارکردگی بہترین رہی ہے۔
ان کے مطابق ریلوے کی آمدن 83 ارب روپے تک پہنچ چکی ہے، جن میں سے 42 ارب روپے پسنجر سروسز، 29 ارب فریٹ سروسز سے جبکہ 13 ارب روپے دیگر ذرائع سے حاصل کیے گئے۔انہوں نے بتایا کہ ریلوے ملازمین کو تنخواہیں باقاعدگی سے ادا کی جا رہی ہیں جبکہ لیز شدہ زمینوں سے بھی آمدن حاصل کی جا رہی ہے۔ ان کا کہنا تھا کہ وزیر اعظم کی ہدایت پر رائل پام کلب کو شفاف طریقے سے آؤٹ سورس کیا جا رہا ہے اور تمام بڈز عوام کے سامنے کھولی جائیں گی۔
ریلوے کے آٹھ ہسپتالوں کے لیے ایک ارب روپے کا بجٹ مختص کیا گیا ہے اور ان ہسپتالوں کو بھی جلد آؤٹ سورس کیا جائے گا۔ وزیر نے یقین دہانی کرائی کہ ریلوے ملازمین کے علاج معالجے کی سہولیات مفت رہیں گی جبکہ عام شہریوں سے خدمات کے عوض فیس وصول کی جائے گی۔وزیر ریلوے نے اعلان کیا کہ چودہ ریلوے اسکول آؤٹ سورس کیے جا رہے ہیں تاکہ پرائیویٹ تعلیمی معیار کی سہولیات فراہم کی جا سکیں۔
ملازمین کے بچوں کی فیسیں ریلوے کی شرائط کے مطابق ہوں گی۔ریلوے اسٹیشنز خصوصاً چکلالہ اور مارگلہ میں صفائی کے بہترین انتظامات کیے گئے ہیں۔ ملک بھر کی فوڈ اتھارٹیز کی مدد سے کھانے کے معیار پر سخت نگرانی جاری ہے۔ حنیف عباسی نے بتایا کہ فرنٹ ڈیسک سروسز کو ترجیح دی جا رہی ہے اور ٹرین ہوسٹس سروس کا آغاز بھی جلد کیا جائے گا۔وفاقی وزیر نے کہا کہ پنجاب طرز پر اینٹی انکروچمنٹ آپریشن کیا جائے گا، جس کے تحت اربوں روپے کی قیمتی زمین واگزار کرائی جائے گی۔ اسٹیشن یارڈز، کمرشل، زرعی اور رہائشی زمینیں بھی خالی کرائی جائیں گی۔ان کا کہنا تھا کہ پنجاب حکومت کے ساتھ ریلوے کے منصوبوں پر بھرپور تعاون جاری ہے اور 2016 سے رکے ہوئے منصوبے دوبارہ فعال کیے جا رہے ہیں۔ ریلوے ٹریکس کے اطراف درخت لگا کر گرین پاکستان منصوبے پر عملدرآمد کیا جائے گا۔
پنجاب کے لیے 45 ارب روپے کا منصوبہ تیار ہے، جس کے تحت ٹرین کی رفتار 160 کلومیٹر فی گھنٹہ تک بڑھائی جائے گی۔ انہوں نے بتایا کہ 1413 نئی ویگنز تیار کی جا رہی ہیں اور 15 جون کو لاہور سے نارووال اور ملتان سے سندھ ہوتے ہوئے بارڈر تک روس کے لیے فریٹ ٹرین روانہ کی جائے گی۔قازقستان کے ساتھ ریلوے کا منصوبہ زیر غور ہے جبکہ ریکوڈک اور تھرکول جیسے قومی منصوبوں کی کامیابی کے لیے ریلوے کو اپ گریڈ کرنا ناگزیر ہے۔وفاقی وزیر نے انکشاف کیا کہ فریٹ اور آڈٹ سے متعلق تین غیر فعال کمپنیوں کو بند کر دیا گیا ہے اور مارگلہ ریلوے اسٹیشن کو جدید خطوط پر اپ لفٹ کیا جائے گا۔
.
ذریعہ
ذریعہ: Daily Ausaf
کلیدی لفظ: کیا جائے گا وفاقی وزیر ریلوے کی ارب روپے جائے گی جا رہی کیا جا ہے اور کے لیے
پڑھیں:
24 جولائی کیلئے بھی ڈیزل اور پیٹرول کی قیمت میں اضافہ کردیا گیا
علامتی فوٹوحکومت نے مسلسل تیسرے روز پیٹرول جبکہ چوتھے روز ڈیزل کی فی لیٹر قیمت میں اضافہ کردیا ہے۔
اس حوالے سے جاری نوٹیفکیشن کے مطابق پیٹرول کی قیمت میں 4 روپے 40 پیسے فی لیٹر جبکہ ڈیزل کی قیمت میں 3 روپے 62 پیسے فی لیٹر اضافہ کردیا گیا ہے۔
نوٹیفکیشن کے مطابق پیٹرول کی نئی قیمت 327 روپے 12 پیسے فی لیٹر مقرر کردی گئی ہے۔ اسی طرح ڈیزل کی نئی قیمت 378 روپے 66 پیسے فی لیٹر مقرر کی گئی ہے۔
اس میں کہا گیا ہے کہ پیٹرول اور ڈیزل کی نئی قیمتیں 24 جولائی کے لیے ہوں گی۔
خیال رہے کہ حکومت کی جانب سے فیصلہ کیا گیا ہے کہ خطے کی بگڑتی صورتحال کے پیش نظر روزانہ کی بنیاد پر پیٹرولیم مصنوعات کی قیمتوں کا تعین کیا جائے گا۔
اوگرا وزیراعظم یا حکومت کی منظوری کے بغیر قیمتوں کا اعلان کرے گا، جبکہ ہفتہ اور اتوار کو گزشتہ اعلان کردہ قیمتیں برقرار رہیں گی۔
یومیہ اعلان کے تحت اب تک کی تبدیلیعلم میں رہے کہ 21 جولائی کےلیے حکومت نے پیٹرول کی فی لیٹر قیمت میں 35 پیسے کمی جبکہ ڈیزل کی قیمت میں 5 روپے 71 پیسے فی لیٹر اضافہ کیا تھا۔
22 جولائی کیلئے پیٹرول کی قیمت میں 4 روپے 93 پیسے فی لیٹر جبکہ ڈیزل کی قیمت میں 7 روپے 15 پیسے فی لیٹر کا اضافہ کیا گیا تھا۔
اسی طرح 23 جولائی کےلیے حکومت نے پیٹرول کی قیمت میں 6 روپے 39 پیسے فی لیٹر جبکہ ڈیزل کی قیمت میں 7 روپے 83 پیسے فی لیٹر اضافہ کیا تھا۔
متنازع ٹوئٹس کیس: ایمان مزاری، ہادی چٹھہ کی اپیل کی سماعت کل ہوگی