مریم نواز کا بجلی نرخوں میں 40 فیصد تک کمی اور ایئر پنجاب شروع کرنے کا اعلان
اشاعت کی تاریخ: 3rd, June 2025 GMT
وزیراعلیٰ پنجاب مریم نواز شریف کی زیر صدارت صوبائی کابینہ کا 26واں اجلاس منعقد ہوا جس میں 101 ایجنڈا پوائنٹس پر غور کیا گیا۔ اجلاس میں عوامی ریلیف کے لیے متعدد اہم فیصلے کیے گئے۔ وزیراعلیٰ نے بجلی کے نرخوں میں نمایاں کمی کی منظوری دی، جس کے تحت قائداعظم تھرمل پاور پرائیویٹ لمیٹڈ اور پنجاب تھرمل پاور پرائیویٹ لمیٹڈ کے ٹیرف میں 30 سے 40 فیصد تک کمی ممکن ہوگی۔ پنجاب رضاکارانہ طور پر بجلی کے نرخ کم کرنے والا پہلا صوبہ بن گیا ہے۔
وزیراعلیٰ نے کہا کہ لوگ مسلم لیگ (ن) پر اعتماد کرتے ہیں کیونکہ وہ وعدے پورے کرتی ہے۔ اجلاس میں سمبڑیال کے ضمنی الیکشن میں کامیابی پر مبارکباد دی گئی۔ وزیراعلیٰ نے کہا کہ 80 فیصد دیہی حلقے میں کامیابی ان کی پالیسیوں پر کاشتکاروں کے اعتماد کا ثبوت ہے۔ نوجوانوں اور خواتین نے بھی بڑی تعداد میں ووٹ ڈالے۔
وزیراعلیٰ مریم نواز شریف نے لیہ میں اسپتال اور سڑکوں کی بہتری پر متعلقہ وزرا اور سیکریٹریز کو شاباش دی۔ پنجاب جرنلسٹ ہاؤسنگ فاؤنڈیشن کے لیے 400 ملین روپے کی گرانٹ ان ایڈ کی منظوری دی گئی، جو لاہور پریس کلب ہاؤسنگ سکیم فیز ٹو کے لیے مختص ہے۔
مزید پڑھیں: نوجوانوں میں مریم نواز کی بڑھتی مقبولیت، وجہ کیا ہے؟
کسانوں کے لیے بھی بڑے پیکج کا اعلان کیا گیا۔ پنجاب میں گندم کے 5 لاکھ 14 ہزار کاشتکاروں کو فی ایکڑ 5 ہزار روپے سبسڈی دی جا چکی ہے، جبکہ مزید 5 لاکھ کو ادائیگی جلد مکمل کی جائے گی۔ کسان کارڈ کے ذریعے دوسرے مرحلے میں 63 ارب روپے مہیا کیے گئے جن سے کاشتکاروں نے 18 ارب کی کھاد خریدی۔ کابینہ نے چیف منسٹر ویٹ پروگرام 2025 کی بھی منظوری دی۔
اجلاس میں پنجاب کی پہلی نجی فضائی کمپنی ’ایئر پنجاب پرائیویٹ لمیٹڈ‘ کے قیام کی منظوری دی گئی اور وزیراعلیٰ نے ایک سال کے اندر اسے شروع کرنے کا ہدف دیا۔ ویپنگ سنٹرز بند کرنے، مزدوروں کے لیے سیفٹی گیئر یقینی بنانے اور گٹروں میں صفائی کرنے والے ورکروں کو حفاظتی کٹ دینے کی بھی ہدایت کی گئی۔
کابینہ نے صوبے کے 9 ڈویژنوں میں الیکٹرک بسوں کی فراہمی کی منظوری دی، جبکہ چارجنگ اسٹیشنز کے قیام کی بھی ہدایت کی گئی۔ لاہور میں آٹزم سکول اینڈ ریسورس سنٹر ایکٹ 2025 کی منظوری دی گئی اور وزیراعلیٰ نے بچوں کو بلا تفریق داخلہ دینے کا حکم دیا۔
مزید پڑھیں: وزیراعلیٰ پنجاب مریم نواز کے صاحبزادے جنید صفدر کا رشتہ طے ہوگیا
لاہور میں نواز شریف میڈیکل سٹی کے قیام کے لیے اراضی کی منتقلی کی منظوری دی گئی، جو 5 ہزار کنال پر محیط ہوگا۔ یہاں بون میرو، بلڈ ڈیزیز، اور دیگر اسپیشلائزڈ سینٹرز کے علاوہ پارکس، فوڈ کورٹ، ہوٹل اور اربن فارسٹ بھی بنائے جائیں گے۔
تمام سرکاری اسکولوں میں کلاس رومز، ٹائلٹ بلاکس، فرنیچر اور لیبارٹریز کی فراہمی کے لیے 40 ارب روپے کی منظوری دی گئی۔ کابینہ نے لیبر ڈیپارٹمنٹ میں رجسٹرڈ ورکرز اور کان کنوں کے لیے راش کارڈ، لاہور میں 1100 بلاسود الیکٹرک ٹیکسیز، اور لیہ میں میڈیکل کالج کے قیام کے لیے اقدامات کی منظوری دی۔
پنجاب کی پہلی چائلڈ پروٹیکشن پالیسی کی منظوری دی گئی جس کے تحت بچوں کے تحفظ کو یقینی بنانے کے لیے ادارہ جاتی ذمہ داریوں کا تعین ہوگا۔ اٹک ڈسٹرکٹ کورٹس حملے میں جاں بحق افراد کے ورثا کے لیے خصوصی گرانٹ ان ایڈ کی منظوری دی گئی۔
مزید پڑھیں: حسان نیازی کا مستقبل تباہ ہوگیا، مریم نواز نے ایسا کیوں کہا؟
کابینہ نے چھانگا مانگا وائلڈ لائف، لال سونرا، اور نیشنل پارک میں ایکو ٹورازم پراجیکٹس، لاہور میں بس شیلٹرز کی تعمیر و مرمت، الیکٹرک بسوں کے لیے ٹھوکر نیاز بیگ اور ریلوے اسٹیشن پر ڈپو کے قیام، اور فلور ملوں و فوڈ گرین لائسنس ہولڈرز کی معاونت کے لیے 100 ارب روپے کی فنانسنگ سہولت کی بھی منظوری دی۔
کاشتکاروں کی سہولت کے لیے الیکٹرانک ویئر ہاؤس ریسیٹ سسٹم (EWR) نافذ کرنے کی منظوری بھی اجلاس کا حصہ رہی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
ایئر پنجاب بجلی نرخ جرنلسٹ ہاؤسنگ سوسائٹی مریم نواز وزیر اعلیٰ پنجاب.ذریعہ: WE News
کلیدی لفظ: ایئر پنجاب بجلی نرخ جرنلسٹ ہاؤسنگ سوسائٹی مریم نواز وزیر اعلی پنجاب کی منظوری دی گئی مریم نواز کابینہ نے لاہور میں کے قیام کی بھی کے لیے
پڑھیں:
عوام کی خدمت پر تنقید کی جارہی ہے، ایسا کرنے والوں کی بے بسی سمجھتی ہوں، مریم نواز
وزیراعلیٰ پنجاب مریم نواز نے کہا ہے کہ عوام کی خدمت اور عملی اقدامات پر آج ان پر تنقید کی جا رہی ہے، مگر وہ بخوبی جانتی ہیں کہ ایسے اعتراضات محض بے بسی کا اظہار ہیں۔
میانوالی میں ایک تقریب سے خطاب کرتے ہوئے مریم نواز نے کہاکہ گجرات جو انتظامی لحاظ سے پنجاب کے بڑے شہروں میں شمار ہوتا ہے، وہاں ڈرینج سسٹم موجود ہی نہیں تھا۔ اب صوبائی حکومت 26 ارب روپے کی خطیر لاگت سے نیا نظام قائم کر رہی ہے۔
یہ بھی پڑھیں: وزیراعلیٰ پنجاب مریم نواز کا جلالپور پیروالا کا دورہ، سیلاب متاثرین میں امدادی چیک تقسیم کیے
انہوں نے کہاکہ پنجاب کے تمام شہری برابر ہیں، صرف بیانات دینا اور دعوے کرنا آسان ہوتا ہے، مگر اصل خدمت کے لیے میدان میں اترنا پڑتا ہے۔
سیلاب میں جس کی جان چلی گئی ہے اس کو 10 لاکھ ملے گا ، جن کا مکمل گھر گر گیا ان کو 10 لاکھ اور جن کے گھر کا کچھ حصہ گرا ہے انکو 5 لاکھ روپے دیے جائیں گے جبکہ جس کی گائے یا بھینس بہہ گئی ہے ان کو 5 لاکھ ملے گا ،وزیراعلیٰ پنجاب مریم نواز pic.twitter.com/9crSE6yaJB
— WE News (@WENewsPk) September 15, 2025
وزیراعلیٰ نے کہا کہ گزشتہ 3 ماہ کی مسلسل بارشوں کے بعد بدترین سیلابی صورتحال کا سامنا ہے، مگر اس کڑے وقت میں بھی کچھ لوگ صرف تنقید کو ہی اپنا معمول بنائے ہوئے ہیں۔
مریم نواز نے کہاکہ جب وہ دریائے روای میں کشتی پر گئیں تو یہ پروپیگنڈہ کیا گیا کہ اگر کوئی حادثہ پیش آجاتا تو کیا ہوتا، لیکن وہ جانتی ہیں کہ اس طرح کی باتیں صرف ناقدین کی لاچاری کو ظاہر کرتی ہیں۔
وزیراعلیٰ نے کہاکہ سیلاب متاثرین کے لیے تین وقت کے کھانے کا بندوبست کیا گیا ہے، ہر خیمہ بستی میں موبائل اسپتال قائم کیا گیا ہے جبکہ جانوروں کی دیکھ بھال اور چارے کا انتظام بھی موجود ہے۔
انہوں نے عزم ظاہر کیا کہ سیلاب سے ہونے والے تمام نقصانات کا ازالہ کیا جائے گا، اور اس مقصد کے لیے ابھی سے عملی اقدامات شروع کر دیے گئے ہیں۔
مریم نواز نے کا کہنا تھا کہ پانی میں ڈوبنے اور دیواریں گرنے کے واقعات میں 100 جانیں ضائع ہوئیں۔ جاں بحق افراد کے لواحقین کو فی کس 10 لاکھ روپے دیے جائیں گے۔
ان کا مزید کہنا تھا کہ جن کا مکمل کچا مکان تباہ ہوا انہیں 10 لاکھ روپے، جزوی نقصان والے گھروں کے مالکان کو 5 لاکھ روپے، بڑے مویشی جیسے گائے یا بھینس کے مرنے یا بہہ جانے پر 5 لاکھ روپے جبکہ چھوٹے جانوروں کے نقصان پر 50 ہزار روپے فی کس ادا کیے جائیں گے۔
وزیراعلیٰ نے کہا کہ ماضی میں امداد کی حد 4 لاکھ روپے تک محدود تھی، لیکن اب وہ 10،10 لاکھ روپے دینے جا رہی ہیں۔
یہ بھی پڑھیں: سیلاب متاثرین کو ایئر لفٹ کرنے کے لیے پنجاب حکومت کتنے ڈرون استعمال کررہی ہے؟
مریم نواز نے اعلان کیا کہ سیلاب متاثرین ہمارے مہمان ہیں اور جب تک وہ اپنے گھروں کو واپس نہیں لوٹتے، حکومت چین سے نہیں بیٹھے گی۔
2022 میں سیلاب آیا تو اس وقت کے وزیراعظم نے فضائی دورہ کیا، عینک ٹھیک کی نیچے دیکھا اور کہا او ہو بہت نقصان ہوگیا ہے سیلاب آنے کے کل 15 دنوں بعد ان کو ہوش آیا اور اس کیمپ پر جاکر تصویریں بنوا کر آئے جہاں مریم نواز کا ریسکیو کیمپ بنا ہوا تھا ، مریم نواز pic.twitter.com/LRcnqgel7t
— WE News (@WENewsPk) September 15, 2025
انہوں نے عمران خان کا نام لیے بغیر تنقید کرتے ہوئے کہاکہ 2022 میں جب سیلاب آیا تو اس وقت کے وزیراعظم نے فضائی دورہ کیا، عینک ٹھیک کی، نیچے دیکھا اور کہا او ہو! بہت نقصان ہوگیا ہے، سیلاب آنے کے کل 15 دنوں بعد ان کو ہوش آیا اور اس کیمپ پر جاکر تصویریں بنوا کر آئے جہاں مریم نواز کا ریسکیو کیمپ بنا ہوا تھا۔آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews بے بسی تنقید سیلاب متاثرین مخالفین مریم نواز وزیراعلٰی پنجاب وی نیوز
سیلاب سے سینکڑوں بستیاں زیر آب، لاکھوں افراد بے گھر، ملتان کیلئے دو دن انتہائی اہم