بانی پی ٹی آئی کو پیٹرن انچیف بنادیا گیا ہے: بیرسٹر گوہر علی خان
اشاعت کی تاریخ: 3rd, June 2025 GMT
---فائل فوٹو
پاکستان تحریکِ انصاف کے چیئرمین بیرسٹر گوہر علی خان نے پی ٹی آئی کے ملک گیر احتجاج سے متعلق نئے لائحہ عمل پر بات کی ہے۔
بیرسٹر گوہر نے اڈیالہ جیل کے باہر غیر رسمی گفتگو کے دوران بتایا کہ بانی پی ٹی آئی کو پیٹرن انچیف بنادیا گیا ہے، ملک گیر احتجاج کے دوران بانی پی ٹی آئی کی نمائندگی عمر ایوب اور سلمان اکرم راجہ کریں گے۔
انہوں نے مزید کہا کہ علی امین گنڈاپور کے پی میں گورننس کے معاملات پر فوکس کریں گے، احتجاج کے دوران مجھے بطور چیئرمین ڈپلومیٹک برادری سے رابطوں کی ذمہ داری ملی ہے۔
بیرسٹر گوہر علی نے یہ بھی کہا ہے کہ میں ہی پارٹی کا چیئرمین ہوں، ہائی کورٹ میں پارٹی کے کیسز لے کر چلوں گا۔
.ذریعہ: Jang News
کلیدی لفظ: بیرسٹر گوہر
پڑھیں:
عمران خان کو بڑا عہدہ مل گیا
عمران خان پاکستان تحریک انصاف کے پیٹرن انچیف بن گئے۔
اڈیالہ جیل میں بانی سے ملاقات کے بعد میڈیا سے گفتگو کرتے ہوئے بیرسٹر گوہرنے کہاکہ بانی نے کہا ہے وہ آج سے پی ٹی آئی کے پیٹرن انچیف ہوں گے،پہلے کی طرح تمام فیصلے بانی پی ٹی آئی ہی کریں گے،ان کاکہناتھا کہ مجھے چیئرمین شپ سے ہٹانے کی خبریں محض افواہ ہیں،بانی پی ٹی آئی پیٹرن انچیف اور میں چیئرمین رہوں گا۔
بیرسٹر گوہر کاکہناتھا کہ بانی نے کہا ہے احتجاجی تحریک کے سوا کوئی راستہ نہیں،اسلام آباد کے بجائے پورے ملک میں احتجاج ہوگا، بانی نے کہا ہے احتجاجی تحریک کو وہ خود لیڈ کریں گے،تحریک سے متعلق تمام ہدایات عمر ایوب کو دی جائیں گی،ان کاکہناتھا کہ احتجاج کا ٹائم فریم بانی پی ٹی آئی خود دیں گے،احتجاج کے حوالے سے مختلف افراد کو ذمہ داری دی جائے گی،احتجاج کی ذمہ داری اب صرف علی امین گنڈا پور پر نہیں ہوگی۔
بیرسٹر گوہر نے کہاکہ بانی نے پارٹی قیادت پر کوئی عدم اعتماد نہیں کیا، ہمیشہ کوشش رہی مسائل بات چیت سے حل ہوں،اب بھی بات چیت سے مسائل حل کرنا چاہتے ہیں، بانی نے ہمیشہ لچک اور بات چیت کو ترجیح دی،ان کاکہناتھا کہ سمبڑیال الیکشن میں دھاندلی ہوئی،ہم نے مشکل حالات میں حکومت کا ساتھ دیا، مخصوص نشستوں پر عدالتیں فیصلہ نہیں کر رہیں۔ان کا مزید کہنا تھا کہ ہماری کسی سے کوئی بات نہیں ہورہی،اسٹیبلشمنٹ سے مذاکرات کا آپشن کھلا رکھا ہے۔
متبادل توانائی کا انقلاب آچکا، بجلی کے نظام میں بھاشا ڈیم کی شمولیت اہم ہوگی، وزیر توانائی