جاپانی بیس بال لیجنڈ شیگیو ناگاشیما 89 برس کی عمر میں چل بسے
اشاعت کی تاریخ: 4th, June 2025 GMT
جاپان(نیوز ڈیسک)جاپان کے مایہ ناز سابق بیس بال کھلاڑی شیگیو ناگاشیما 89 برس کی عمر میں چل بسے۔
غیر ملکی میڈیا کے مطابق شیگیو ناگاشیما کی سابقہ ٹیم یومیوری جائنٹس کی جانب سے جاری بیان میں بتایا گیا کہ وہ ٹوکیو کے ایک اسپتال میں زیر علاج تھے اور ان کی وفات نمونیا کے باعث ہوئی۔
جائنٹس کے نام سے مشہور ناگاشیما نے 1960 اور 1970 کی دہائی میں یومیوری جائنٹس کے ساتھ مسلسل نو ٹائٹلز جیتے۔
لیجنڈ کھلاڑی کی وفات پر جاپانی حکومت کے ترجمان نے کہا کہ ناگاشیما نے معاشرے کو روشن خواب اور امیدیں دکھائیں۔
ناگاشیما کو “مسٹر پرو بیس بال” کے نام سے بھی جانا جاتا تھا اور انہوں نے 1959 میں جاپانی شہنشاہ کے پہلے پروفیشنل بیس بال میچ میں فاتحانہ ہوم رن بنایا تھا۔
انہوں نے 1974 میں 17 سالہ کیریئر کے بعد ریٹائرمنٹ لی تھی۔
ناگاشیما نے بطور منیجر 15 سیزنز میں یومیوری جائنٹس کو دو جاپان سیریز ٹائٹلز بھی جتوائے۔
.ذریعہ: Daily Ausaf
کلیدی لفظ: بیس بال
پڑھیں:
عالمی جونیئر اسکواش چیمپئن شپ، پاکستان کے عبداللہ نواز کی دوسرے راؤنڈ میں کامیابی
پاکستان کے عبداللہ نواز نے عالمی جونیئر اسکواش چیمپئن شپ کے دوسرے راؤنڈ میں بھی کامیابی حاصل کرلی۔ سیڈ 7 عبداللہ نواز نے بہترین کارکردگی کا مظاہرہ کرتے ہوئے کینیڈا کے کھلاڑی کو بآسانی 0-3 سے شکست دے کر 32 کھلاڑیوں کے راؤنڈ میں جگہ بنا لی۔
موصولہ اطلاعات کے مطابق مصر کے شہرنیوقاہرہ میں جاری عالمی جونیئر اسکواش چیمپئن شپ کے دوسرے راؤنڈ میں واحد پاکستانی کھلاڑی عبداللہ نواز نے کینیڈا سے تعلق رکھنے والے روہن پلوال کو ایک آسان مقابلے کے بعد 0-3 سے زیرکر لیا۔
عبداللہ نواز نے پہلا گیم 6-11، دوسرا گیم میں3-11 اور پھر تیسرا گیم میں بھی اسی اسکور سے جیت کر فتح کو گلے لگا لیا۔
اگلے راؤنڈ میں عبداللہ نواز کا مقابلہ امریکا کے آسکر اوکونکو سے ہوگا۔
دوسری جانب بائی حاصل کرنے والے دفاعی چیمپئن وٹاپ سیڈعالمی نمبر14 مصر کے محمد ذکریا نے دوسرے راؤنڈ میں پولینڈ کے سیمیول ونکلر کو کسی دقت کے بغیر0-3 سے ہرا دیا۔
128 کھلاڑیوں کے انفرادی ایونٹ کے پہلے راونڈ میں عبداللہ نواز نے ہانگ کانگ کے کینگ ان لیونگ کو 0-3 شکست دی تھی۔
پاکستان کے 4 میں سے 3 کھلاڑی محمدعمیرعارف، یحییٰ خان اور انس علی شاہ پہلے ہی راؤنڈ میں ہار گئے تھے۔
خواتین کے انفرادی ایونٹ میں ٹاپ سیڈ وعالمی نمبر5 مصر کی امینہ عارفی نے دفاعی چیمپین محمد ذکریا کی چھوٹی بہن تالیہ ذکریا کو0-3 سے زیر کرلیا۔امینہ مسلسل چوتھی مرتبہ ٹائیٹل جیت کر تاریخ رقم کرنے کی کوشش کریں گی۔
ٹیم ایونٹ27 جولائی سے شروع ہوگا۔ پاکستان جونیئر ٹیم میں عبداللہ نواز، انس علی شاہ بخاری، محمد عمیر آصف اورعبیداللہ شامل ہیں، راوعاطف کامران منیجراور فراز محمد کوچ کی زمہ داری ادا کررہے ہیں۔
حکومت کاروباری برادری کے ساتھ مشاورت پر مبنی پالیسی سازی جاری رکھنے کے لیے پرعزم ہے، وزیر خزانہ