کراچی؛ تاجر سے دن دیہاڑے 58 لاکھ روپے لوٹنے کی سی سی ٹی وی فوٹیج سامنے آ گئی
اشاعت کی تاریخ: 4th, June 2025 GMT
کراچی:
شہرکے مصروف ترین علاقے صدر میں تاجر سے 58 لاکھ روپے لوٹ لیے گئے۔ ڈکیتی کی واردات کی سی سی ٹی وی فوٹیج سامنے آگئی۔
دن دیہاڑے ہونے والی ڈکیتی کا مقدمہ متاثرہ تاجر کی مدعیت میں پریڈی تھانے میں درج کرکے تفتیش شروع کردی گئی ہے۔ پولیس کے مطابق صدر میں اسٹار سٹی مال کے قریب تاجر سے 58 لاکھ روپے لوٹ لیے گئے۔
منگل کی دوپہر ہونے والی ڈکیتی کی واردات میں 2 موٹرسائیکلوں پر 4 ملزمان نے نہایت دیدہ دلیری سے واردات کی۔
3افراد بینک سے رقم نکلواکر پیدل جارہے تھے کہ ملزمان نے انہیں گھیر لیا اور چلتے روڈ پر اسلحہ کے زور پر واردات کرنے کے بعد باآسانی فرارہوگئے۔ دن دیہاڑے ہونے والی ڈکیتی کا مقدمہ متاثرہ تاجر محمد آصف کی مدعیت میں پریڈی تھانے میں درج کرکے تفتیش شروع کردی گئی ہے۔
دوسری جانب الیکٹرونکس ڈیلرز ایسوسی ایشن کے صدرمحمد رضوان عرفان کا کہنا ہے کہ الیکٹرونکس مارکیٹ میں ڈکیتی کی بڑھتی ہوئی وارداتیں ناقابل برداشت اور سخت تشویش کا باعث ہیں۔ اس سے قبل بھی بینک سے رقم لانے پر ڈیلرز لوٹے جاچکے ہیں لیکن ملزمان گرفتار نہیں کیے جاسکے اور تاجروں کے نقصانات کا ازالہ نہ ہو سکا۔
انہوں نے مزید کہا کہ کروڑوں روپے ٹیکس ادا کرنے والی مارکیٹوں میں پولیس کی نفری انتہائی کم ہے،جس کے سبب کاروباری مراکز جرائم پیشہ عناصر کی جنت بن گئے ہیں۔
محمد رضوان عرفان نے وزیراعلیٰ،وزیر داخلہ،آئی جی سندھ اورایڈیشنل آئی جی کراچی سے مطالبہ کیا ہےکہ لا اینڈ آرڈر کی بگڑتی ہوئی صورتحال کا سخت نوٹس لے کرالیکٹرونکس اور موبائل مارکیٹوں کو فوری اور موثر تحفظ فراہم کیا جائے۔
.
ذریعہ
ذریعہ: Express News
پڑھیں:
چیری نے پاکستان میں اپنی گاڑیوں کے تمام ماڈلز کی قیمتیں بڑھا دیں
ٹویوٹا، ہونڈا اور سوزوکی کے بعد چیری(Cherry) نے بھی ہائبرڈ گاڑیوں پر سیلز ٹیکس میں حالیہ اضافے کے بعد پاکستان میں اپنے تمام ماڈلز کی قیمتوں میں اضافہ کردیا۔
تاہم کمپنی نے فوری طور پر مکمل اضافہ صارفین پر منتقل نہیں کیا اور محدود مدت کی پروموشنل آفر کے تحت جزوی طور پر بڑھی ہوئی قیمتیں متعارف کرائی ہیں۔
چیری ٹِگو 7 پی ایچ ای وی کی سابقہ قیمت 94 لاکھ 99 ہزار روپے تھی، جسے بڑھا کر پروموشنل قیمت 99 لاکھ 99 ہزار روپے کردی گئی ہے، جبکہ آفر ختم ہونے کے بعد اس کی اصل قیمت 1 کروڑ 9 لاکھ 49 ہزار روپے ہوگی۔
چیری ٹِگو 8 پی ایچ ای وی کی قیمت 1 کروڑ 12 لاکھ 99 ہزار روپے سے بڑھا کر پروموشنل قیمت 1 کروڑ 14 لاکھ 99 ہزار روپے کردی گئی ہے، جبکہ آفر کے بعد گاڑی کی اصل قیمت 1 کروڑ 29 لاکھ 99 ہزار روپے ہوگی۔
مزیدپڑھیں:اداکار شان بیگ اور روما مائیکل رشتۂ ازدواج میں منسلک، مداحوں کو خوشخبری سنا دی
اسی طرح ٹِگو 9 پی ایچ ای وی کی سابقہ قیمت 1 کروڑ 36 لاکھ 94 ہزار روپے تھی، جس کی پروموشنل قیمت 1 کروڑ 42 لاکھ 99 ہزار روپے مقرر کی گئی ہے۔ آفر ختم ہونے کے بعد گاڑی کی اصل قیمت 1 کروڑ 57 لاکھ 49 ہزار روپے ہوگی۔
کمپنی کے مطابق پروموشنل قیمتیں محدود مدت کے لیے ہیں اور 31 جولائی تک دستیاب ہوں گی، جبکہ اسٹاک ختم ہونے تک موجودہ صارفین بھی اس آفر سے فائدہ اٹھا سکیں گے۔
چیری کی جانب سے نئی قیمتوں کو محدود مدت کی ڈسکاؤنٹ آفر کے طور پر پیش کیا گیا ہے، تاہم رعایت کے باوجود تینوں گاڑیاں اپنی سابقہ قیمتوں کے مقابلے میں مہنگی ہوگئی ہیں۔
ٹی20 ورلڈ کپ 2026: پاکستان نے سپر 8 کے لیے جگہ پکی کر لی