بلال بن ثاقب کی ٹرمپ کے مشیر سے ملاقات، ڈیجیٹل اثاثوں پر حکمت عملی پر تبادلہ خیال
اشاعت کی تاریخ: 4th, June 2025 GMT
واشنگٹن: وزیر مملکت برائے کرپٹو و بلاک چین اور پاکستان کرپٹو کونسل (پی سی سی) کے سی ای او بلال بن ثاقب نے امریکی صدر ڈونلڈ ٹرمپ کی ڈیجیٹل اثاثوں کی کونسل کے ایگزیکٹو ڈائریکٹر، رابرٹ ’بو‘ ہائنس سے وائٹ ہاؤس میں ملاقات کی جس میں ڈیجیٹل اثاثوں پر سٹریٹجک صف بندی پر تبادلہ خیال کیا گیا۔
ملاقات کے دوران دونوں حکام نے ’بٹ کوائن‘ کے انضمام، ڈی سینٹرالائزڈ انفراسٹرکچر کے مستقبل پر گفتگو کی۔
اعلامیہ کے مطابق بو ہائنس کو امریکی صدر ڈونلڈ ٹرمپ نے جنوری 2025 میں ڈیجیٹل اثاثوں کی جدت، ریگولیشن اور ابھرتی ہوئی مالیاتی ٹیکنالوجیز سے متعلق قومی پالیسی کی تیاری کی قیادت کیلئے مقرر کیا تھا جبکہ مئی میں وزیراعظم شہباز شریف نے پاکستان کرپٹو کونسل کے چیف ایگزیکٹو افسر بلال بن ثاقب کو وزیر مملکت کے درجے کے ساتھ بلاک چین اور کرپٹو کرنسی پر اپنا معاون خصوصی مقرر کیا تھا۔
بلال بن ثاقب اب ڈیجیٹل اثاثوں کیلئے ایک جامع، ایف اے ٹی ایف کے مطابق ریگولیٹری فریم ورک تیار کرنے، بٹ کوائن مائننگ کے اقدامات شروع کرنے اور گورننس، فنانس اور زمین کے ریکارڈز میں بلاک چین کے انضمام کی نگرانی کے ذمہ دار ہیں۔
یہ ملاقات لاس ویگاس میں بٹ کوائن 2025 کانفرنس میں پاکستان کی جانب سے اپنے ’اسٹریٹجک بٹ کوائن ریزرو (ایس بی آر)‘ کے اعلان کے بعد ہوئی، جس کے نتیجے میں پاکستان ایشیا کے ان اولین ممالک میں شامل ہوگیا ہے جنہوں نے اپنی خودمختار اثاثہ حکمت عملی میں بٹ کوائن کو شامل کیا ہے۔
بلال بن ثاقب نے کہا کہ میں پاکستان کو ڈیجیٹل اثاثوں کے حوالے سے گلوبل ساؤتھ میں ایک لیڈر بنتے دیکھتا ہوں، ہمارے سٹریٹجک بٹ کوائن ریزرو کے آغاز سے لے کر کرپٹو مائننگ اور اے آئی ڈیٹا زونز کیلئے قومی بنیادی ڈھانچے کے قیام تک، پاکستان ایک حقیقی فریم ورک تیار کر رہا ہے تاکہ ڈیجیٹل اثاثوں کو اپنایا جاسکے اور معیشت کو جدید بنایا جا سکے۔
بیان میں کہا گیا کہ ملاقات کے دوران دونوں فریقین نے امریکا اور پاکستان کے درمیان ڈیجیٹل اثاثوں کی جدت، ریگولیٹری ہم آہنگی اور ابھرتی ہوئی مالیاتی ٹیکنالوجیز پر تعاون بڑھانے میں دلچسپی ظاہر کی۔
اعلامیہ کے مطابق بلال بن ثاقب نے ایسے اختراعی ماحولیاتی نظام کی تشکیل پر بھی تبادلہ خیال کیا جو نوجوانوں کو بااختیار بنائیں اور بلاک چین کے ذریعے اقتصادی شمولیت کو فروغ دیں۔
ذریعہ: Daily Mumtaz
کلیدی لفظ: ڈیجیٹل اثاثوں کی بلال بن ثاقب بلاک چین بٹ کوائن
پڑھیں:
وزیر ریلوے کی اٹلی کی سفیر مارلینا آرمیلن سے ملاقات،مختلف شعبوں میں تعاون بڑھانے پر تبادلہ خیال
اسلام آباد(اُردو پوائنٹ اخبارتازہ ترین - این این آئی۔ 05 جون2025ء)وزیر ریلوے محمد حنیف عباسی نے پاکستان میں اٹلی کی سفیر محترمہ مارلینا آرمیلن سے ملاقات کی، جس میں دونوں رہنماؤں نے پاکستان اور اٹلی کے درمیان تعلقات کو مزید مستحکم کرنے اور مختلف شعبوں میں تعاون بڑھانے پر تبادلہ خیال کیا۔ملاقات کے دوران وزیر ریلوے محمد حنیف عباسی نے اٹلی کے ساتھ ریلوے کے شعبے میں تکنیکی تعاون کو مزید وسعت دینے کے عزم کا اظہار کیا۔ انہوں نے کہا کہ پاکستان ریلوے کے شعبے میں جدید ٹیکنالوجی اور مہارت کے فروغ کے لیے اٹلی کے تجربات سے استفادہ کرنا چاہتا ہے، تاکہ پاکستان کے ریلوے نظام کو جدید اور موثر بنایا جا سکے۔دونوں رہنماؤں نے اس بات پر زور دیا کہ پاکستان اور اٹلی کے مابین دیرینہ دوستانہ تعلقات ہیں، جو نہ صرف ثقافتی اور تجارتی سطح پر مضبوط ہیں بلکہ دونوں ممالک کے عوام کے درمیان محبت اور تعاون کی علامت بھی ہیں۔(جاری ہے)
وزیر ریلوے نے کہا کہ ان تعلقات کو مزید بڑھانے کے لیے مشترکہ ترقیاتی منصوبوں اور تجربات کے تبادلے پر کام کیا جائے گا۔ملاقات میں ریلوے کے بنیادی ڈھانچے کی ترقی، مسافر سروسز میں بہتری، اور فریٹ نیٹ ورک کو مزید مستحکم کرنے پر بھی تفصیل سے تبادلہ خیال کیا گیا۔ وزیر ریلوے نے کہا کہ اٹلی کی جانب سے فراہم کردہ جدید ترین ریلوے ٹیکنالوجی، سسٹمز، اور تربیتی پروگراموں سے پاکستان کو فائدہ پہنچ سکتا ہے، خاص طور پر اس کے مسافر اور مال برداری کے شعبے میں۔دونوں فریقین نے ریلوے کے شعبے میں تعاون کو مزید فروغ دینے اور مشترکہ منصوبوں پر کام کرنے کی اہمیت پر زور دیا، تاکہ دونوں ممالک کے درمیان روابط کو مزید مستحکم کیا جا سکے۔ وزیر ریلوے نے اس موقع پر اٹلی کی حکومت کا شکریہ ادا کیا اور اس بات کا عہد کیا کہ پاکستان اپنے ریلوے نیٹ ورک کی بہتری کے لیے اٹلی کے تجربات سے بھرپور فائدہ اٹھائے گا۔
پنجاب: سسرالیوں کے تشدد سے بہو جاں بحق، 3 افراد کیخلاف مقدمہ درج