ایم کیو ایم وفد کی وزیر اعظم سے ملاقات، بجٹ پر تفصیلی گفتگو
اشاعت کی تاریخ: 4th, June 2025 GMT
ترجمان متحدہ ایم کیو ایم کے مطابق ایم کیو ایم وفد کی وزیر اعظم شہباز شریف سے ملاقات ہوئی۔ جس میں ملک کی صورتحال اور نئے سال کے بجٹ پر تفصیلی گفتگو ہوئی۔
ترجمان کے مطابق ایم کیو ایم نے ڈیولپمنٹ پیکیج میں کراچی کیلئے 25، حیدر آباد کیلئے 10 ارب روپے مختص کرنے کا مطالبہ کیا۔
ترجمان کے مطابق وفد نے وزیراعظم سے میرپور خاص، نواب شاہ اور سکھر کیلئے خصوصی ترقیاتی پیکیج کے اعلان کا بھی مطالبہ کیا۔
ایم کیو ایم نے کے فور اور گرین لائن کیلئے فنڈز بجٹ میں شامل کرنے کا مطالبہ کیا۔
ترجمان نے کہا ایم کیو ایم نے تنخواہ دار طبقے سے ٹیکس بوجھ کم کرنے کیلیے بھی مطالبہ کیا اور کم از کم سالانہ انکم ٹیکس کے سلیب کو 6 لاکھ سے 15 لاکھ کرنے کا مطالبہ کیا۔
ترجمان کے مطابق وزیراعظم نے تمام تجاویز اور مطالبوں پر ممکنہ حد تک عملدرآمد کی یقین دہانی کرائی۔
.ذریعہ: Jang News
کلیدی لفظ: ایم کیو ایم مطالبہ کیا کے مطابق ایم کی
پڑھیں:
صدر زرداری سے وزیرِاعظم شہباز شریف کی ملاقات کی اندرونی کہانی سامنے آ گئی
—فائل فوٹولاہور میں صدرِ مملکت آصف علی زرداری سے وزیراعظم شہباز شریف اور دیگر ملاقاتوں کی اندرونی کہانی سامنے آ گئی۔
ذرائع کے مطابق صدرِ مملکت آصف علی زرداری اور وزیرِاعظم شہباز شریف کی ملاقات میں پاک بھارت کشیدگی اور ملک کی موجودہ صورتِ حال پر بات چیت ہوئی۔
ملاقات میں بجٹ میں صوبوں اور اتحادیوں کے تحفظات دور کرنے پر اتفاق ہوا، وزیرِاعظم شہباز شریف نے بلاول بھٹو زرداری کے بیرونِ ملک پاکستان کے مؤقف کو اجاگر کرنے کو سراہا۔
صدر مملکت اور وزیراعظم کی ملاقات میں وزیراعظم کے دوست ممالک کےحالیہ دوروں پر بھی گفتگو کی گئی۔
صدرِ مملکت آصف زرداری اور وزیرِ اعظم شہباز شریف نے پنجاب کی سطح پر بھی مل کر چلنے کو ضروری قرار دیا۔
دوسری جانب ذرائع کا کہنا ہے کہ سمبڑیال کے ضمنی الیکشن میں پیپلز پارٹی کی ناقص کارکردگی پر صدر زرداری پارٹی عہدیداروں سے ناخوش ہیں۔
صدر زرداری نے پارٹی کو پنجاب میں مضبوط بنانے کےلیے قیادت کو ہدایات جاری کیں،جبکہ گورنر پنجاب سردار سلیم حیدر کی کارکردگی کو سراہا۔
گورنر پنجاب نے پنجاب میں پیپلز پارٹی کو درپیش مسائل پر صدر آصف علی زرداری کو بریفنگ بھی دی۔
کراچی: آج تیز ہوائیں چلنے کا امکان