ولادیمیر پیوٹن کیجانب سے جلد ہی تہران کا دورہ کیا جائیگا، کاظم جلالی
اشاعت کی تاریخ: 5th, June 2025 GMT
یہ بیان کرتے ہوئے کہ ایران و روس کے باہمی تعلقات اسٹریٹجک شراکتداری کی سطح تک پہنچ چکے ہیں، ماسکو میں ایرانی سفیر نے اعلان کیا ہے کہ توقع ہے کہ روسی صدر مستقبل قریب میں ہی ایران کا دورہ کرینگے اسلام ٹائمز۔ ماسکو میں ایرانی سفیر کاظم جلالی نے اعلان کیا ہے کہ ہم روسی صدر ولادیمیر پیوٹن کے جلد دورہ تہران کی توقع رکھتے ہیں۔ روسی سرکاری خبر رساں ایجنسی ٹاس (TASS) کے مطابق کاظم جلالی نے روس و ایران کے باہمی تعلقات کی سطح کو "اسٹریٹجک پارٹنرشپ" قرار دیتے ہوئے مزید کہا کہ دونوں ممالک کے اعلی عہدیداروں کے دوطرفہ دورے باقاعدگی کے ساتھ انجام پا رہے ہیں اور یہ کہ روسی صدر بھی مستقبل قریب میں تہران کا دورہ کریں گے۔
یاد رہے کہ ایرانی وزیر خارجہ سید عباس عراقچی نے بھی حال ہی میں اعلان کیا تھا کہ تہران و ماسکو، پیوٹن کے دورہ ایران کی تیاریوں میں مصروف ہیں۔ اس حوالے سے روسی صدارتی ترجمان دیمتری پیسکوف کا بھی کہنا ہے کہ اس دورے کی تاریخ ابھی طے نہیں ہوئی۔
ذریعہ
ذریعہ: Islam Times
پڑھیں:
فیفا نے ورلڈ کپ 2026 کی ٹیم آف دی ٹورنامنٹ کا اعلان کر دیا
فیفا نے ورلڈ کپ 2026 کے اختتام پر شاندار کارکردگی دکھانے والے کھلاڑیوں پر مشتمل ٹیم آف دی ٹورنامنٹ کا اعلان کر دیا ہے، جس میں عالمی فٹبال کے کئی نامور ستاروں کو پورے ایونٹ میں بہترین کھیل کی بنیاد پر شامل کیا گیا ہے۔
غیر ملکی خبر رساں ادارے رائٹرز کے مطابق منتخب ٹیم میں ارجنٹائن کے کپتان لیونل میسی، فرانس کے کپتان کیلیان ایمباپے اور ناروے کے اسٹار اسٹرائیکر ایرلنگ ہالینڈ کو فرنٹ لائن کا حصہ بنایا گیا ہے۔
مڈفیلڈ میں ورلڈ کپ کے گولڈن بال کے فاتح اور اسپین کے کپتان روڈری ، انگلینڈ کے جوڈ بیلنگھم اور فرانس کے مائیکل اولیسے کو جگہ دی گئی ہے، جنہوں نے پورے ٹورنامنٹ میں نمایاں کارکردگی کا مظاہرہ کیا۔
دفاعی لائن میں کیپ وردے کے گول کیپر ووزینیا کو منتخب کیا گیا ہے، جبکہ اسپین کے عالمی چیمپئن مارک کوکوریلا اور پیڈرو پورو ، فرانس کے ڈایو اوپامیکانو اور ارجنٹائن کے لیساندرو مارٹینیز بھی دفاع کا حصہ ہیں۔
فیفا کے مطابق ٹیم آف دی ٹورنامنٹ کا انتخاب کھلاڑیوں کی مجموعی کارکردگی، ٹیم پر اثراندازی اور پورے ایونٹ کے دوران مستقل بہترین کھیل کو مدنظر رکھتے ہوئے کیا گیا ہے۔
دوسری جانب فیفا نے ورلڈ کپ کے اختتام پر نئی عالمی رینکنگ بھی جاری کر دی ہے۔ نئی عالمی چیمپئن اسپین ایک درجہ ترقی کے بعد دنیا کی نمبر ایک ٹیم بن گئی، جبکہ رنر اپ ارجنٹائن ایک درجہ تنزلی کے بعد دوسرے نمبر پر چلی گئی۔
رینکنگ میں فرانس تیسرے اور انگلینڈ چوتھے نمبر پر برقرار ہیں، جبکہ برازیل اور مراکش ایک، ایک درجہ ترقی کے ساتھ بالترتیب پانچویں اور چھٹے نمبر پر پہنچ گئے ہیں۔
ادھر کرسٹیانو رونالڈو کی پرتگال دو درجے تنزلی کے بعد ساتویں نمبر پر آ گئی، جبکہ میزبان میکسیکو نے ورلڈ کپ میں عمدہ کارکردگی کی بدولت چار درجے ترقی کرکے ٹاپ ٹین میں جگہ بنا لی۔
ورلڈ کپ کے کوارٹر فائنل تک رسائی حاصل کرنے والی ناروے کی ٹیم نے بھی نمایاں پیش رفت کرتے ہوئے 12 درجے ترقی کی اور عالمی رینکنگ میں 19ویں پوزیشن حاصل کر لی۔
تحریکِ تحفظِ آئینِ پاکستان کا پارلیمنٹ ہائوس سے دھرنا ختم