آئی بی ایم کا نیا کوانٹم کمپیوٹر کب لانچ ہوگا؟
اشاعت کی تاریخ: 11th, June 2025 GMT
لاس اینجلس (نیوز ڈیسک)آئی بی ایم نے اپنے کوانٹم کمپیوٹر کا نیا ماڈل لانے کا اعلان کیا ہے،جسے ‘کوانٹم اسٹارلنگ’ کا نام دیا گیا ہے۔
کوانٹم اسٹارلنگ نیو یارک کے پوکیپسی میں آئی بی ایم ہیڈ کوارٹر ز میں تیار کیا جائے گا، جو آئی بی ایم کے نئے کوانٹم نائٹ ہاک پروسیسر کا حصہ ہوگا جو اس سال کے آخر میں ریلیز کیا جائے گا۔
کمپنی نے ایک بلاگ پوسٹ میں بتایا ہے کہ نائٹ ہاک کوانٹم ہیرون پروسیسر کی جگہ لینے کے لئے تیار ہے، نائٹ ہاک 5،000 گیٹس پر چلتا ہے اور کمپنی اسے اگلے 3 سالوں میں 15،000 گیٹس تک بڑھانے کا ارادہ رکھتی ہے۔
کوانٹم گیٹ کوانٹم معلومات کی بنیادی اکائی کیوبٹ پر ایک بنیادی آپریشن ہے، آئی بی ایم حکام کا کہنا ہے کہ نائٹ ہاک ایک ایسے نظام کی جانب پہلا قابل عمل راستہ ہے جو آج کے معیار کے مطابق کوانٹم کمپیوٹرز کے مقابلے میں 20 ہزار گنا زیادہ آپریشنز چلائے گا۔
آئی بی ایم سے منسلک اہلکار کرشنا کے مطابق ریاضی، فزکس اور انجینئرنگ میں ہماری مہارت بڑے پیمانے پر غلطی برداشت کرنے والے کوانٹم کمپیوٹر کی راہ ہموار کررہی ہے جو حقیقی دنیا کے چیلنجز کو حل کرے گا اور کاروبار کے لیے بے پناہ امکانات کھولے گا۔
کمپنی کے بلاگ پوسٹ میں کہا گیا ہے کہ کوانٹم کمپیوٹنگ کے لیے ایک ایسی ڈیوائس کی ضرورت ہوگی جو بڑے سرکٹ چلانے کی صلاحیت رکھتا ہو اور جس میں کم از کم سینکڑوں کیوبٹ پر کروڑوں گیٹس کام کرسکیں۔
اس میں مزید کہا گیا ہے کہ اس کے لیے غلطی برداشت کرنے والے کوانٹم کمپیوٹر کی ضرورت ہوگی، یہ کمپیوٹر ایک نظام کی معلوم غلطیوں کو درست کرنے کی صلاحیت ہے.
کوانٹم کی دوڑ میں شامل دیگر ٹیکنالوجی کمپنیاں جیسے گوگل کی ‘ولو’، مائیکروسافٹ کی کوانٹم چپ میجورانا 1 اور ‘اوسیلوٹ’ چپ شامل ہیں۔
مزید پڑھیں:شدید گرمی کی پیش گوئی، سول ڈیفنس کا شہریوں کے لیے انتباہ
ذریعہ: Daily Ausaf
کلیدی لفظ: آئی بی ایم نائٹ ہاک کے لیے
پڑھیں:
ایشیا کپ 9 سے 28 ستمبر تک یو اے ای میں ہوگا: صدر اے سی سی کا اعلان
ایشین کرکٹ کونسل کے صدر محسن نقوی نے ایشیاکپ کرکٹ ٹورنامنٹ 2025 کی تاریخوں کا اعلان کر دیا۔ایشین کرکٹ کونسل کے سربراہ محسن نقوی کی جانب سے جاری بیان میں بتایا گیا ہے کہ ایشیا کپ 9 سے 28 ستمبر تک متحدہ عرب امارات میں ہو گا، ٹورنامنٹ کے میچز کا شیڈول بعد میں جاری کیا جائے گا۔ قبل ازیں کرکٹ ویب سائٹ کی رپورٹ میں بتایا گیا تھا کہ ایشیا کپ پر تمام معاملات حل ہو گئے ہیں اور ٹورنامنٹ کا شیڈول اگلے 24 سے 48 گھنٹوں میں آسکتا ہے۔رپورٹ کے مطابق ایشین کرکٹ کونسل کے اجلاس میں بی سی سی آئی نے ٹورنامنٹ کے شیڈول کے لیے وقت مانگا تھا۔کرکٹ ویب سائٹ کی رپورٹ میں کہا گیا تھا کہ ایشیا کپ میں کل 8 ٹیمیں شرکت کریں گی، ایشیا کپ کی مجوزہ ونڈو 10 سے 28 ستمبر کے درمیان رکھی گئی ہے اور ایشیا کپ کے شیڈول کے حوالے سے ابتدائی اعلان آج متوقع ہے۔یاد رہے کہ ایشیا کپ کرکٹ ٹورنامنٹ 2025 کی میزبانی بھارت کے پاس تھی تاہم بھارتی ٹیم کے آئی سی سی چیمپئنز ٹرافی کے لیے پاکستان نہ آنے کے بعد پاکستان نے بھی واضح طور پر کہہ دیا تھا کہ ہم بھی ایشیا کپ کے لیے اپنی ٹیم بھارت نہیں بھیجیں گے۔
غزہ میں جنگ بندی کے لیے دوحہ میں مذاکرات بدستور بے نتیجہ