وزیرِاعظم شہباز شریف ایک روزہ دورے پر متحدہ عرب امارات پہنچ گئے
اشاعت کی تاریخ: 12th, June 2025 GMT
وزیرِ اعظم پاکستان محمد شہباز شریف متحدہ عرب امارات کے صدر اور ابو ظہبی کے فرمانروا عزت مآب شیخ محمد بن زاید النہیان کی دعوت پر ایک روزہ سرکاری دورے پر جمعرات کو ابوظہبی پہنچ گئے۔
ابوظہبی کے البطین ہوائی اڈے پر وزیرِ اعظم کا پرتپاک استقبال صدرِ یو اے ای کے بھائی اور قومی سلامتی کے مشیر عزت مآب شیخ طحنون بن زاید النہیان نے کیا، جو انہیں خود گاڑی میں لے کر صدارتی محل روانہ ہوئے۔
استقبالی وفد میں سپریم نیشنل سیکیورٹی کونسل کے سیکریٹری جنرل علی احمد الشمسی، متحدہ عرب امارات میں پاکستان کے سفیر فیصل نیاز ترمذی، اور پاکستانی سفارتخانے کے دیگر اعلیٰ افسران بھی شامل تھے۔
مزید پڑھیں: یو اے ای کے 5 سالہ ویزے کے لیے درکار دستاویزات اور بینک بیلنس کتنا ہونا چاہیے؟
وزیرِ اعظم شہباز شریف اپنے وفد کے ہمراہ صدر یو اے ای شیخ محمد بن زاید النہیان سے اہم ملاقات کریں گے، جس میں دوطرفہ تعلقات، اقتصادی تعاون، سرمایہ کاری، توانائی اور علاقائی و عالمی امور پر تبادلۂ خیال متوقع ہے۔
وزیرِاعظم کے وفد میں نائب وزیرِ اعظم و وزیرِ خارجہ اسحاق ڈار، چیف آف آرمی اسٹاف فیلڈ مارشل سید عاصم منیر، وفاقی وزیرِ داخلہ محسن رضا نقوی، وفاقی وزیرِ اطلاعات و نشریات عطاء اللہ تارڑ اور وزیرِ اعظم کے معاونِ خصوصی برائے خارجہ امور طارق فاطمی شامل ہیں۔
اس دورے کو پاکستان اور متحدہ عرب امارات کے درمیان برادرانہ تعلقات کو مزید وسعت دینے اور اسٹریٹیجک تعاون کو مضبوط بنانے کی ایک اہم پیش رفت قرار دیا جا رہا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
ابو ظہبی شیخ طحنون بن زاید النہیان شیخ محمد بن زاید النہیان متحدہ عرب امارات محمد شہباز شریف وزیر اعظم پاکستان.
ذریعہ
ذریعہ: WE News
کلیدی لفظ: شیخ طحنون بن زاید النہیان شیخ محمد بن زاید النہیان متحدہ عرب امارات محمد شہباز شریف وزیر اعظم پاکستان متحدہ عرب امارات بن زاید النہیان شہباز شریف
پڑھیں:
اسلام آباد، بلاول بھٹو سے وزیر اعلیٰ گلگت بلتستان امجد حسین کی ملاقات
وزیر اعلیٰ نے انہیں وزیراعظم پاکستان میاں محمد شہباز شریف سے ہونے والی ملاقات اور گلگت بلتستان کو عبوری صوبہ بنانے کے حوالے سے اسمبلی قرارداد سے متعلق تفصیلات سے آگاہ کیا۔ اسلام ٹائمز۔ پاکستان پیپلزپارٹی کے چیئرمین بلاول بھٹو زرداری سے گلگت بلتستان کے وزیر اعلیٰ امجد حسین ایڈووکیٹ نے زرداری ہاؤس اسلام آباد میں ملاقات کی اور انہیں وزیراعظم پاکستان میاں محمد شہباز شریف سے ہونے والی ملاقات اور گلگت بلتستان کو عبوری صوبہ بنانے کے حوالے سے اسمبلی قرارداد سے متعلق تفصیلات سے آگاہ کیا۔ پارٹی ذرائع کے مطابق ملاقات میں جی بی میں حکومت سازی، خطے کے مسائل اور پارٹی امور پر تبادلہ خیال کیا گیا۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار