ایئر انڈیا کا طیارہ احمد آباد ایئرپورٹ کے قریب حادثے کا شکار، 110 افراد ہلاک
اشاعت کی تاریخ: 12th, June 2025 GMT
ابتدائی معلومات کے مطابق طیارے میں 242 مسافر سوار تھے، ایئر انڈیا بوئنگ 787 کو حادثہ ٹیک آف کے دوران پیش آیا جب طیارہ لندن کے لیے روانہ ہو رہا تھا۔ اسلام ٹائمز۔ ایئر انڈیا کی ایک پرواز جمعرات کو احمد آباد ایئرپورٹ کے قریب حادثے کا شکار ہو گئی۔ طیارے میں 242 مسافر سوار تھے۔ ابتدائی معلومات کے مطابق ایئر انڈیا بوئنگ 787 کو حادثہ ٹیک آف کے دوران پیش آیا جب طیارہ لندن کے لیے روانہ ہو رہا تھا۔خبر ایجنسی کے مطابق حادثے کا شکار طیارے میں 169 بھارتی، 53 برطانوی، ایک کینیڈین اور 7 پرتگالی مسافر سوار تھے، حادثے کا شکار طیارے میں 11 بچے بھی موجود تھے۔ دوسری جانب بھارتی ڈی جی سول ایوی ایشن کا کہنا ہے کہ طیارہ گرنے سے قبل 1بج کر 39 منٹ پر کیپٹن نے مےڈے کی کال دی تھی۔ بھارتی میڈیا رپورٹس کے مطابق حادثے کا شکار ہونے والی ایئر انڈیا کی پرواز میں گجرات کے سابق وزیرِ اعلیٰ روپانی بھی سوار تھے۔بھارتی میڈیا کا کہنا ہے کہ حادثے کے شکار طیارے بوئنگ 787-8 ڈریم لائنر نے ایک بج کر 38 منٹ پر اُڑان بھری تھی، پرواز سے اڑان بھرنے کے بعد ایک منٹ سے بھی کم وقت میں 625 فٹ کی بلندی پر رابطہ منقطع ہو گیا تھا۔ حادثے کی وجوہات ابھی تک سامنے نہیں آ سکیں اور حکام کی جانب سے تحقیقات جاری ہیں۔ انتظامیہ نے ایئرپورٹ کے آس پاس کی تمام سڑکوں کو بند کر دیا ہے اور ریسکیو ٹیمیں جائے وقوعہ پر پہنچ چکی ہیں۔
.ذریعہ: Islam Times
کلیدی لفظ: حادثے کا شکار ایئر انڈیا طیارے میں کے مطابق سوار تھے
پڑھیں:
احمد آباد طیارہ حادثہ: بوئنگ شیئرز میں عالمی سطح پر گراوٹ
بھارتی شہر احمد آباد میں ایئر انڈیا کا بوئنگ ساختہ مسافر طیارہ گر کر تباہ ہونے کے بعد عالمی اسٹاک مارکیٹ میں بوئنگ کمپنی کے شیئرز میں 6 فیصد تک کمی واقع ہوئی ہے۔ حادثے کے وقت طیارے میں 242 افراد سوار تھے، جن میں 169 بھارتی، 53 برطانوی، 7 پرتگالی اور ایک کینیڈین شہری شامل تھے۔
یہ بھی پڑھیں: ایئر انڈیا کا طیارہ کیسے تباہ ہوا؟ ویڈیو منظر عام پر آگئی
حادثے سے چند لمحے قبل طیارے کے پائلٹ نے 1 بج کر 39 منٹ پر ایمرجنسی کال دی، جب کہ پرواز کے روانہ ہونے کے ایک منٹ کے اندر ہی 625 فٹ کی بلندی پر اس کا رابطہ منقطع ہو گیا تھا۔ بھارتی میڈیا کے مطابق جہاز میں گجرات کے سابق وزیراعلیٰ بھی سوار تھے۔
واضح رہے کہ بوئنگ کمپنی کو حالیہ برسوں میں کئی بڑے حادثات اور تکنیکی مسائل کا سامنا رہا ہے، جن میں 737 میکس کے حادثات سرفہرست تھے۔ ان واقعات کے بعد کمپنی کے تیار کردہ طیاروں کی ساکھ پر بارہا سوالات اٹھے۔
یہ بھی پڑھیں: ایئر انڈیا کا طیارہ پرواز بھرتے ہی کریش کرگیا، 242 مسافروں سمیت متعدد ہلاکتوں کا خدشہ
اب احمد آباد کے حادثے نے ایک بار پھر دنیا بھر میں مسافروں اور سرمایہ کاروں کی تشویش میں اضافہ کر دیا ہے۔ سرمایہ کاروں کے اعتماد میں کمی کے باعث بوئنگ کے شیئرز پر فوری منفی اثر پڑا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news ایئر انڈیا بھارت بوئنگ طیارہ شیئرز مسافر طیارہ
مریم نواز کا عید الاضحی پر فول پروف سیکیورٹی انتظامات کا حکم