طیارہ حادثہ، وزیراعظم مودی اور بھارتی عوام سے ہمدردی ہے، نواز شریف
اشاعت کی تاریخ: 13th, June 2025 GMT
data-id="863a0a8" data-element_type="widget" data-widget_type="theme-post-content.default">
اسلام آباد(نمائندہ جسارت)سابق وزیراعظم اور پاکستان مسلم لیگ (ن) کے سربراہ نواز شریف نے بھارت کے شہر احمد آباد میں طیارہ حادثے میں انسانی جانوں کے ضیاع پر بھارتی عوام اور نریندر مودی سے اظہار تعزیت کرتے ہوئے کہا ہے کہ سانحات میں انسانی درد سرحدیں نہیں دیکھتا۔سماجی رابطے کی ویب سائٹ ایکس پر تعزیتی پیغام میں پاکستان مسلم لیگ (ن) کے سربراہ نواز شریف نے کہا کہ احمد آباد میں ائر انڈیا کے طیارہ کریش میں بیش قیمت جانوں کے ضیاع پر متاثرہ خاندانوں سے دلی تعزیت کرتا ہوں۔انہوں نے کہا کہ یہ دل دہلا دینے والا نقصان سرحدوں سے بالاترہے اور ہمیں اپنی مشترکہ انسانیت کی یاد دلاتا ہے۔نوازشریف نے مزید کہا کہ وزیراعظم مودی اور بھارت کے عوام کے ساتھ میری گہری ہمدردیاں ہیں، ایسے سانحات میں انسانی درد سرحدیں نہیں دیکھتا۔پنجاب کی وزیر اعلیٰ اور نوازشریف کی صاحبزادی نے بھی احمد آباد میں بھارتی طیارہ گرنے سے 242 مسافروں کی ہلاکت پر دکھ اور افسوس کا اظہار کیا۔مریم نواز نے سوگوار خاندانوں سے اظہار ہمدردی کی اور کہا کہ طیارہ حادثے میں ہلاک مسافروں کے ورثا کے غم میں شریک ہیں۔
.ذریعہ: Jasarat News
کلیدی لفظ: کہا کہ
پڑھیں:
پاکستان کا احمد آباد طیارہ حادثے میں انسانی جانوں کے ضیاع پر اظہار افسوس، متاثرین سے تعزیت
اسلام آباد:
صدر مملکت آصف علی زرداری اور وزیراعظم شہباز شریف نے بھارت کے شہر احمد آباد میں ہونے والے طیارہ حادثے پر افسوس کا اظہار کیا ہے۔
ایکسپریس نیوز کے مطابق پاکستان نے بھارتی شہر احمد آباد میں ایئر انڈیا کے طیارے کے افسوسناک حادثے میں جانی نقصان پر گہرے دکھ اور متاثرہ خاندانوں سے ہمدردی کا اظہارکیا ہے۔
صدر مملکت آصف علی زرداری نے اپنے تعزیتی پیغام میں کہاکہ ہماری دلی ہمدردیاں اپنے پیاروں کو کھونے والے متاثرہ خاندانوں کے ساتھ ہیں۔
وزیراعظم شہبازشریف نے ایکس پر بیان میں کہا کہ بھارتی ائیر لائن کا مسافر طیارہ گر کر تباہ ہونے پر افسردہ ہوں، جاں بحق ہونے والوں اور زخمیوں کے خاندانوں سے اظہارِ یکجہتی کرتے ہیں۔
سابق وزیراعظم اورمسلم لیگ ن کے قائد میاں نوازشریف نے ایکس پر جاری پیغام میں کہاکہ یہ دل دہلا دینے والا نقصان سرحدوں سے بالاتر ہے اور ہمیں اپنی مشترکہ انسانیت کی یاد دلاتا ہے۔
انہوں نے کہا کہ میری ہمدردیاں وزیراعظم مودی اور ہندوستان کے عوام کے ساتھ ہیں، پنجاب کی سینئر وزیرمریم اورنگزیب نے کہاکہ ہوائی حادثے کے بارے میں سن کر بہت صدمہ ہوا۔ متاثرین اور ان کے لواحقین کے لیے دل دکھتا ہے کوئی لفظ اس غم کااحاطہ نہیں کر سکتا۔
قبل ازیں وزیر دفاع خواجہ آصف، پیپلزپارٹی کے چیئرمین اور سابق وزیر خارجہ بلاول بھٹو زرداری نے بھی طیارہ حادثے اور اموات پر افسوس کا اظہار کرتے ہوئے لواحقین کے ساتھ تعزیت کا اظہار کیا ہے۔
واضح رہے کہ بھارتی ایئرلائن ایئر انڈیا کا طیارہ احمد آباد سے لندن جارہا تھا جو اڑان بھرتے ہی حادثے کا شکار ہوا اور رہائشی عمارت سے ٹکرا کر تباہ ہوگیا۔ حادثے کے نتیجے میں اب تک 242 اموات کی تصدیق ہوئی ہے جبکہ حکام نے ہلاکتوں میں مزید اضافے کا خدشہ ظاہر کیا ہے۔
طیارہ حادثے میں ایک مسافر معجزانہ طور پر محفوظ رہا جس کی شناخت رمیش کے نام سے ہوئی اور اُسے زخمی حالت میں اسپتال منتقل کردیا گیا ہے۔ ریسکیو حکام کے مطابق مسافر ہوش میں ہے اور بات چیت کررہا ہے۔
وقوعہ سے برآمد ہونے والی متعدد لاشیں جھلس کر ناقابل شناخت ہوچکی ہیں جنہیں ضابطے کی کارروائی اور شناخت کیلیے اسپتالوں میں منتقل کردیا گیا ہے۔
Tagsپاکستان
اسلام آباد میں عید الاضحیٰ کی نماز کے اوقات کا اعلان فول پروف سیکیورٹی انتظامات مکمل،فہرست دیکھئے