ایم کیو ایم نے بجٹ اجلاس میں اپنی فرسٹریشن ظاہر کی، شرجیل میمن
اشاعت کی تاریخ: 13th, June 2025 GMT
شرجیل میمن—فائل فوٹو
سینئر وزیر سندھ شرجیل انعام میمن نے کہا ہے کہ ایم کیو ایم نے صوبائی حکومت کے بجٹ اجلاس میں اپنی فرسٹریشن کا اظہار کیا، انہیں احتجاج کرنا تھا تو بجٹ پر کرتے۔
انہوں نے کہا کہ ان لوگوں کے مفادات عوام کے ساتھ نہیں بلکہ اُن کی پرانی سیاست میں ہیں، غنڈہ گردی کرنے والوں کو پیغام ہے کہ پہلے بھی ان سے نہیں ڈرے اور اب بھی نہیں ڈریں گے۔
سینئر وزیر سندھ نے کہا کہ وزیرِ اعلیٰ مراد علی شاہ نے تاریخی بجٹ کے ذریعے اس مہنگائی کے طوفان میں لوگوں کو ریلیف دیا ہے، خصوصی طور پر صحت اور تعلیم پر بھی فوکس کیا گیا۔
شرجیل میمن نے یہ بھی کہا کہ ایم کیو ایم کی سیاست سب کے سامنے ہے، یہ بلدیاتی الیکشن سے اس لیے بھاگے کیونکہ عوام میں مقبولیت نہیں، اپوزیشن جماعتوں کا اسمبلی احتجاج پری پلان تھا۔
انہوں نے کہا کہ بجٹ تقریر شروع ہونے سے پہلے ہے پلے کارڈ لیکر آئے، ایم کیو ایم کے پاس حقیقی مینڈیٹ ہوتا تو کے4 پر وفاق کے 3 اعشاریہ 2 ارب رکھے جانے پر اواز اٹھاتے، متحدہ ایکسپوز ہوتی جا رہی ہے۔
سینئر وزیر سندھ نے کہا کہ بجٹ کی جتنی بڑی اسکیمیں ہیں کراچی میں ہیں، ایم کیو ایم والوں نے اپنے قائد کو ڈس اون کیا ہے، ان کی حکومت میں اسپتالوں کی حالت آپ کے سامنے تھی۔
اُن کا کہنا تھا کہ وزیر اعلی نے اعلان کیا کہ وہ کل شارع بھٹو کے فیز ٹو کا افتتاح کریں گے، جام صادق کے ساتھ بننے والا پل اس ماہ کی آخر میں مکمل ہو جائےگا۔
شرجیل میمن نے کہا کہ ایران پر حملے کا بہانہ بنا کر ڈرامہ کرنےکی کوشش کی گئی، وزیر اعلیٰ نے تقریر کی شروعات ہی ایران سے کی اور اجلاس ختم ہونے کے ایک منٹ بعد ہی ایران پر بات کی گئی۔
.
ذریعہ
ذریعہ: Jang News
کلیدی لفظ: ایم کیو ایم شرجیل میمن نے کہا کہ ایم کی
پڑھیں:
مومنہ اقبال کے شوہر کون، تفصیلات سامنے آگئیں
پاکستانی اداکارہ مومنہ اقبال کے شوہر حمزہ حبیب کی تفصیلات سامنے آگئی ہیں۔ پاکستان کے مقبول ڈراموں میں اداکاری کے جوہر دکھانے والی مومنہ اقبال حال ہی میں رشتہ ازدواج میں منسلک ہوئی ہیں۔ لاہور میں ان کی دعائے خیر ، مہندی ، مایوں اور نکاح کی تقریبات منعقد ہو چکی ہیں جن کی تصاویر اور ویڈیوز سوشل میڈیا پر خوب وائرل ہیں۔ میڈیا رپورٹس کے مطابق مومنہ اقبال کے دلہا حمزہ حبیب کا تعلق لاہور سے ہے، وہ کامیاب اور مالی طور پر مستحکم کاروباری شخصیت ہیں تاہم وہ ہمیشہ میڈیا کی نظروں سے دور رہے۔ حالیہ دنوں میں مومنہ اقبال کو (ن ) لیگی ایم پی اے ثاقب چدھڑ کی جانب سے مبینہ ہراسانی اور دھمکیوں کے معاملے پر حمزہ حبیب اپنی اہلیہ کی حمایت میں سامنے آنے کے بعد خبروں کا مرکز بن گئے۔ حمزہ حبیب کے مطابق ان کی اور مومنہ اقبال کی منگنی خاندانوں کی باہمی رضامندی سے ہوئی جب کہ دونوں خاندانوں کے درمیان دیرینہ دوستانہ تعلقات بھی ہیں۔ جوڑے نے مئی 2026 کے آخر میں ایک نجی تقریب میں نکاح کیا تھا۔ اس سے قبل اداکارہ مومنہ اقبال نے اپنی سوشل میڈیا سٹوری کے ذریعے انکشاف کیا تھا کہ ایک بااثر سیاسی شخصیت کی جانب سے انہیں اور ان کی فیملی کو جان سے مارنے کی دھمکیاں دی جارہی ہیں۔ جس پر نیشنل سائبر کرائم انویسٹی گیشن ایجنسی اپنی تحقیقات کررہی ہے۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ